Daniel 9:21 - La'aqtaqa Ñim Lo'onatac 'Enauacna 2013

²¹ Qaq so ñaq ñatameetac, nache so Gabriel, som aỹem nachaxana co'ollaq huaigui so hua'auñi ỹauanaqchec, somaye anac huaỹotac da naỹa ye soota'a. Qaq da lviraxac somaye, hua'c da huetoigui so laloqo' naxa da qoỹanot Ñim Nataxala' ana nachetaqtaxanaqtepi ye avit.

Daniel 9:21 Referans Kwoze

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Daniel 8:16

nache sa'axaỹa so lavilỹaxac na shiỹaxaua chemaqteuga aso tala Ulay maye, 'eeta': «Gabriel, 'aua'aqtaxanem de'era shiỹaxaua dam naigui so lauanaqchec.»

Daniel 10:16

Qalaxaye se'eso aỹem nachatto'ot maye 'eeta'am ca shiỹaxaua, ipoteua'a na aỹap qaq ỹoqo'oye seshet da setaqa, nache shenapega somaye sheeta': «'Am Nataxala', de'era ỹauanaqchec ỹataqta aỹem nlaxagui naqa'en da ỹaquicoxo, qataq ỹo'ot da qaica ca ỹa'añaxac.

1 Reyes 18:36

Qaq co'ollaq ivita da qoỹaneuo so nachetaqtaxanaxat maye qaỹavigaxatta, nache so na'aqtaxanaxanec Elías, nquigueuo, nache 'eeta': «¡'Am Nataxala' maye 'Am Natamnaxala' so Abraham, Isaac qataq so Israel, no'on nagui da 'auachaxan da nache 'Am Atamnaxala' ne'ena Israel, qataq da maiche aỹem 'aramaxashec, qataq so'ot 'enauac de'era, cha'aye maiche 'aramaxasoxonaxac!

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Hechos 10:3

Qaq huo'o so na'a'q mashe dasheta añi nala', nache somaye huo'o so lauanaqchec: ila'aguet so lamaxashec piguem le'ec Ñim Lo'onatac 'Enauacna da naỹa'a ca hueta'a somaye, nache 'enapego', 'eeta': «¡Cornelio!»

Daniel 10:18

Qaq se'eso maye 'eeta'am ca shiỹaxaua, qaltaq ỹe'eguelaxalec da aỹem ipoteua'a, nache aỹem ỹanem da dalaxaic da ỹa'añaxac

Daniel 8:18

Qaq so ñaq aỹem da'aqtaxaateguem somaye, nache aỹem secopche, nache sootaiya', qalaxaye somaye aỹem ỹacoosop, nache aỹem nachalataxaañi,

Isaías 6:2

Qaq so pa'asheguem Ñimaye qalaq huetra'a soua serafines, qaq ñi 'oonolec soomaye ivi' seis soua laua't, qaq soua dos nache ỹapotragui na lashec, qaq soua lỹa't dos nache ỹapotaleguete naua lapia'ate, qaq soua lỹa't dos qalaq nachesoua soua huaỹota'ape naqa'en.

Salmos 103:20

Qavio'oxoyiñi qome Ñim Nataxala' qami' namaxashecpi piguem le'ecpi maye qami' 'añaxaicpi qataq qaupaquiichiguilo naua la'aqtaqa, qataq qaualaqaigueta naua lamaxasoxonaxaco Ñimaye.

Éxodo 29:39

Nache ca 'oonolec 'aỹa'aneuo ye nte'eta, qaq ca lỹa nache 'aỹa'aneuo ye avit.

Hebreos 1:7

Qaq naxa Ñim Lo'onatac 'Enauacna da detaxaỹa nam lamaxashecpi piguem le'ecpi, qalaq 'eeta': «Na ỹamaxashecpi piguem le'ecpi, nachena na la'at, qaq na ỹo'onataxanaxanecpi, nachena na nqashelgaxa.»

Hechos 12:7

Nache nque'elaxatta da nachatteuo so lamaxashec Ñim Lo'onatac 'Enauacna, nache ỹataqta yo'oqchiguiñi naqa'en na pa'auo aso ncoñetaxanaxaqui. Nache som namaxashec ỹa'areua'a na laỹe so Pedro da nquetoxon. Nache 'enapego', 'eeta': –Qoñisheguem, 'anque'emgue. Nache soua lque'ete naua lhua'q so Pedro ñere'c.

Hechos 10:9

Nache so lỹa na'a'q co'ollaq mashe quete' soomaye, qaq mashe qanayeetaua'a ye Jope, nache so Pedro tasheguemo' ca nỹec l-laq da nqouagaxauen. Qaq mashe laiñi se'eso na'a'q.

Hechos 3:1

Qaq huo'o so na'a'q, nache so Pedro qataq so Juan taresheguema aso no'onaxanaxaqui late'erai co'ollaq mashe dasheta aso nala', cha'aye nache laloxoqui da qaỹo'ot da qouagaxaunaxac.

Mateo 27:46

Qaq so mashe dasheuec aso nala', nache So Jesús ỹataqta na'axannec da ỹa'alaq, 'eeta': «¡Elí, Elí!, ¿lemá sabactani?» –De'era na'aqtac da naigui 'eeta': «'Am maye 'Aro'onatac 'Enauacna. 'Am maye 'Am ỹauotaxat, ¿ta'ainco' da Aỹem 'aualat?»

Daniel 10:10

Qalaxaye saqaỹaloq da huo'o so nhuaq da aỹem ỹacoosop, nache aỹem nauaxaỹaxaasheguem, nache iviraxata'a da ishet da sashelñi qataq sa'alyiñi naua illecte.

Ezequiel 1:14

Qaq se'esoua maye huo'o da lca'alaqa' jec naxa, qaltaq ñe'eguela'q, 'eeta'am da layaqchec na nqashelgaxa.

Ezequiel 1:11

Qaq 'era da 'eeteque soua lashego soomaye. Qaq huo'oi soua dos laua't da ỹauattaguilo qataq ivira'a't, qataq dos soua ỹapotaleguete da lo'ocỹaxac.

Salmos 104:4

Nam la'at nachena na 'ara'aqtaxanaxanecpi qataq na le'eraxa na norec nachena na 'aramaxashecpi.

Lucas 1:26

Aso Elisabet mashe ivi' soua seis ca'agoxoiqa da hualaxai, co'ollaq Ñim Lo'onatac 'Enauacna ỹamaxa so lamaxashec Gabriel ye nỹecpi Nazaret, maye huaigui ye 'alhua le'enaxat Galilea,

Apocalipsis 9:17

Qaq so alleppi maye netalec so caipi lapaqtaleguete naua ltogue naua alaataxaqui' lcat togaxaraic da lo'oxoỹaxac, 'eeta'am na norec, malaxaraic 'eeta'am na coma' maye le'enaxat Zafiro qataq ỹoqovi da lo'oxoỹaxac 'eeta'am na coma' maye le'enaxat azufre. Qaq se'eso caipi naua lqaigo 'eeta'am na lqaic na lỹa quiyoc, qaq naua ala'api natapoiguilo na norec, qataq na lmala'q, qataq na 'eeta'am na quiquiaxaraic.

Salmos 141:2

Ñaq 'am iviro'ot qome da ñatamnaxac, 'eeta'am ca nchenaxanaxat maye ama na laita, naua ihuaxaye maye 'am sachaxaato'oto, qalaq 'eeta'am ca nachetaqtaxanaxat da mashe avit.

Ezequiel 14:14

Qaq que'eca 'alhua, taxa da netraña soua Noé, Daniel qataq so Job, nache se'esoua tres, nachesouate' taxa da nca'alde'c, souaxat da ỹo'ottrac co'ollaxa da nalochiguiñi lataxac. Qaq 'era da ỹa'aqtac Aỹem Nataxala'.

1 Reyes 18:29

Qalaxaye choche ivitta'a da napacalec so na'a'q laiñi da somayepi queto'ot da ỹa'alaqtai', qataq parenaxaatai', 'eeta'am na huo'o da aloic, ivitta'a so laloqo' da qoỹaneuo so nachetaqtaxanaxat, qalaxaye ỹataqta qaica ca qaỹa'axaỹa, huo'otaq da huo'o ca ỹasateguet somayepi.