Daniel 9:17 - La'aqtaqa Ñim Lo'onatac 'Enauacna 2013

¹⁷ 'Am Qanatamnaxala', ñaq 'ana'axaỹaxana da natamnaxac qataq da nachoxonnaxac ne'ena 'aramaxashec, ñaq 'auo'ot da la'amaqchec da 'are'enaxat 'Am Nataxala', nache 'auachegoxotchigui da 'arsoxoyec da 'auamata'a dam huaigui aso 'aralamaqte atamnaxaqui maye ỹo'ot da naquicoxo.

Daniel 9:17 Referans Kwoze

Salmos 80:19

'Am Atamnaxala' maye Qaica ca 'Auqalanapec, qomi' 'anauaxaỹaxayeshegue'm qome, ñaq 'ano'onaxat da 'armeenaxanaxac da qomi' 'anamata'alo, qataq qomi' 'anca'alaxatrec.

Lamentaciones 5:18

Souaxat da mashe toolec añi qasoxonaxa Sión, nache nda'a't ana huaxaỹaxapi da coleeteguelec añimaye.

2 Corintios 1:20

Cha'aye Somaye, nacheso so ipacchigui naqa'en 'enauac na ỹachaxanapecpi Ñim Lo'onatac 'Enauacna. Qaq ỹoqo'oye da sho'oxorenaq Ñim Lo'onatac 'Enauacna, qaq chegoqchigui So Cristo Jesús da shenaqta' da qarasataxac, «Aja', nachera lataxac.»

Salmos 80:7

'Am Atamnaxala' maye Qaica ca 'Auqalanapec, ñaq qomi' 'anauaxaỹaxayeshegue'm qome, qataq 'ano'onaxat da 'armeenaxanaxac da qomi' 'anamata'alo qataq qomi' 'anca'alaxatrec.

Salmos 80:3

'Am Atamnaxala', ñaq qomi' 'anauaxaỹaxayeshegue'm qome, qataq 'ano'onaxat da 'armeenaxanaxac, da qomi' 'anamata'alo nache qomi' 'anca'alaxatrec.

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

Juan 16:24

Qaq choche ivitta'a nagui da qami' saxanaxa da huo'o ca qauỹaxañiỹaique da qoviilec da ỹe'enaxat. Qaq qauỹaxañi qome, nache qauacoñiiguet ca qauỹaxañiỹaique, yaqto' ỹataqta qami' nlaqchiguilo da qantonaxaqui.

Daniel 9:19

¡'Am Nataxala', 'Am Nataxala'! ¡Ñaq qomi' 'aua'axaỹalo, qataq qomi' 'auchoxore'n! ¡Ña qomi' 'auqocha'alo 'Am Nataxala', nache 'auanac da qomi' 'autaua'n! ¡Qaq souaxat da 'arauotaxanaqtaic da qoneta 'Am Ñatamnaxala', qataq souaxat nam huaqta'a't nỹecpi, qataq souaxat na 'aralamaxat nhuo' le'ecpi, maye iỹaxaatega da 'are'enaxat, nache sa 'anaỹaloxon qome da 'auanac!

Salmos 119:135

Qataq 'ano'onaxat da 'armeenaxanaxac da 'anamata'a ne'ena 'aramaxashec, qataq aỹem 'auapaxagueneque naua 'arqataxaco.

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

Salmos 67:1

Ñim Nataxala', qomi' ichoxore'n qataq qomi' nqouagueeque qataq no'on da lmeenaxanaxac da qomi' namata'alo,

Salmos 4:6

Qalota na 'eeta': «¿Negue'tom ca qomi' ỹachaxanalo ca ỹaỹamaqchiguiñi?» 'Am Nataxala', ñaq 'ano'onaxat qome da 'armeenaxanaxac da qomi' 'anamata'alo.

Nehemías 1:6

Nagui, 'am ñachoxonnot da 'ana'axaỹaxana da ñatamnaxac, cha'aye maiche aỹem 'aramaxashec, ỹoqo'oye ye na'a'q qataq ye pe 'am seỹaxaatacot da 'anqouaguec na 'aralamaxat Israel le'ecpi. Cha'aye saỹateeta da aỹem qataq na ỹalaqpi maye salegaqtaigui, namayepi huo'o da qarasouaxashet 'am hueto'ot.

Isaías 48:11

Qaq maiche Aỹem, maiche Aỹem da so'ot damaye, cha'aye da ỹe'enaxat sa saỹamaxaren da qaỹa'ashaxaatac. Qaq saishet da sanen da ỹo'oxoyec camachaqca lỹa.

1 Reyes 8:28

Qalaxaye ñaqaiyeta, 'Am Nataxala' maye Ñatamnaxala', 'aulo'oguet qome da nachoxonnaxac, qataq da lashelaxanaxac ne'ena 'aramaxashec, qataq 'aua'axaỹa da lỹaxanaxac, qataq da natamnaxac maye 'am ỹaatacot nagui.

Salmos 67:2

yaqto' 'enauac na huetalec ana 'alhua ỹaỹaten da qonetapeguec, qataq na ỹotta'a't shiỹaxauapi ỹaỹaten da 'arca'alaqtaxanaxac.

Salmos 74:3

Ñaq 'auanac qome da 'aumeten ana 'aralamaqte atamnaxaqui maye mashe nlachiguiñi, 'enauac anamaye da nlachiguiñi naqa'en na 'am ipa'agueetacpi.

Salmos 80:4

'Am Atamnaxala' maye Qaica ca 'Auqalanapec, ¿chaq laguio' da 'aỹa'axaañi da 'aualematatega da natamnaxac na 'aralamaxat nhuo' le'ecpi?

Lamentaciones 3:56

qaq 'Am 'aua'axaỹa co'ollaxa da ivilỹaxac, qataq saishet da sa'auqocha'a da ñachoxonnaxac.