Daniel 9:15 - La'aqtaqa Ñim Lo'onatac 'Enauacna 2013

¹⁵ 'Am Nataxala' maye 'am Qanatamnaxala', 'auachaxan co'ollaxa da lta'araic 'ara'añaxac, co'ollaq 'anqateeguesop ye Egipto na 'aralamaxat nhuo' le'ecpi, qaq nache chegoqchiguiña co'ollaxa da 'auo'ot da la'amaqchec da 'are'enaxat, nache ivitta'a nagui, qalaxaye qomi' huo'o da qarasouaxashet, qataq so'otaqtac na qauem.

Daniel 9:15 Referans Kwoze

Nehemías 9:10

Nache 'anamaxa co'ollaxa so lta'araic nhuaxanaguec so nta'a ye Egipto, qataq so lamaxashecpi qataq 'enauac som shiỹaxauapi maye lma' yi'iye 'alhua, cha'aye 'auaỹaten da ỹataqta lta'araic nque'eenaxac naqa'en so Israel le'ecpi. Qaq ỹoqo'oye ỹataqta lta'araic da 'año'oxonnataguec, ivitta'a nagui.

Daniel 9:5

Qomi' huo'o co'ollaxa da qarasouaxashet, qataq so'otaq da qauem, qomi' qauemaiqa qataq sa salaxasoq, qataq saishet da 'am seuennataqa'a, qataq qolqa'ai co'ollaxa na 'aramaxasoxonaxacpi, qataq na 'arqataxacpi.

Nehemías 1:10

Cha'aye maiche qomi' 'aramaxashecpi, qataq qomi' 'aralamqa'ate maye qomi' 'anqateeguesopa co'ollaxa ye Egipto, qomi' 'auroleguete da qaica ca 'ena'am 'ara'añaxac.

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Éxodo 14:18

Qaq qom mashe ime, da sachegoxotchigui na faraón, qataq 'enauac ana naigonapi, qataq na caipi da sachaxan da ỹa'añaxac, huaña qome nache na Egipto le'ecpi ỹaỹateeta da Aỹem Nachaỹem Nataxala'.

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

2 Corintios 1:10

Qaq Ñimaye, nacheñi ñi qomi' nca'alaxateeguesopa co'ollaxa da lchec da nleuaxa. Qataq huo'o da qanaquitaxac da queto'ot da qomi' nteltegalo,

Lucas 18:13

Qaq som ỹacootapeeguet ana nsheetenaqte ca nta'a, somaye qaỹata'a ca hueta'a, qataq saishet da ỹamato'ot na piguem. Chaqrata da naqchiguiñi, nache 'eeta': ‹¡'Am maye 'Aro'onatac 'Enauacna, aỹem 'auchoxoren, cha'aye aỹem huo'oi naua sasouaxa't!›

Lucas 15:21

Nache som llalec 'enapeco': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am. Qaq ỹoqo'oye saq saiguet nagui da 'auamata'ac da aỹem 'aỹa'alec.›

Jeremías 32:10

Nache so'ot aso lmalate da nmenaguec qataq setoqoolec aso ỹa'anaxanaqte qataq sauo'oi soua ỹauaacheguelo ñaqa'en, ime nache ñaloqten aso plata maye nachaso aso ñasataxagui da lasheue.

Isaías 55:13

Qaq ñaxat qome ana piinopi da nmeneguet ana qo'oipaqole maye huo'o ana le, qataq ñaxat ana arrayanes da nmeneguet ana huoue le'enaxat poqo, qaq de'era ỹataqta ỹo'ot qome da llo'oxoyec dam le'enaxat Ñim Nataxala', qataq nachera qome dam chochaq tatec la'anaxat maye saishet da nlaguiñi.»

Salmos 106:8

Qalaxaye Ñimaye nca'alaxatec somayepi, da yaqto' huo'o naqa'en da llo'oxoyec da le'enaxat Ñimaye, qataq yaqto' ỹachaxan da lta'araic la'añaxac.

1 Reyes 8:51

Cha'aye ne'ena nhuo' le'ecpi, maiche 'aralamaxat, qataq namayepi 'anqateeguesop co'ollaxa ye Egipto, maye 'eeta'am aca nqatelaxaqui na lcat.

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Deuteronómio 5:15

Qataq qantooñita'ac da qami' nlataqa co'ollaq qoviita'a ye Egipto, qaq Ñim Nataxala' maye Qanatamnaxala'ai, qami' nqatrec co'ollaxa ỹauota'a da ỹataqta lta'araic la'añaxac. Qaq ỹoqo'oye Ñimaye qami' ỹamaxaleguete da huo'o naq 'enec qanqa'eñi ye na'a'q mataxaqui.

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Éxodo 13:16

Qaq ỹoqo'oye damaye 'eeta'am ca la'anaxat na qarhuaq, huo'otaq na qaratap, qaq damaye naigui da seuennaqte da Ñim Nataxala' nacheñi ñi qomi' nqateeguesopa ye Egipto co'ollaq do'onataxana da lta'araic la'añaxac».

2 Reyes 21:15

Cha'aye sauaachigui da ỹo'ot nam qauem maye sasaỹamaxaren, qaq nache chegoqchiguiña co'ollaq ca'ai ye Egipto so lta'alpi namayepi, nache ivitta'a nagui da nache 'eetai' naxa da Aỹem inogoqchettac.»

2 Crónicas 6:37

nache da huo'otaq hueta'a ca 'alhua maye qaỹauega da noxonec nache da 'am ỹe'egueloqot qataq da 'am nachoxonnot, 'eeta': ‹Qomi' huo'o da qarasouaxashet, qataq huo'o da qanpe'enaxac, cha'aye ỹataqta qauem da so'otaq›

Nehemías 1:6

Nagui, 'am ñachoxonnot da 'ana'axaỹaxana da ñatamnaxac, cha'aye maiche aỹem 'aramaxashec, ỹoqo'oye ye na'a'q qataq ye pe 'am seỹaxaatacot da 'anqouaguec na 'aralamaxat Israel le'ecpi. Cha'aye saỹateeta da aỹem qataq na ỹalaqpi maye salegaqtaigui, namayepi huo'o da qarasouaxashet 'am hueto'ot.

Isaías 64:4

Qaq ỹataqta saỹauanego' da qaỹa'axaỹa huo'otaq da qaỹauaachigui da huo'o ca lỹa atamnaxala' da ỹo'ot cam 'eeta'am nam 'auo'otpi, da talec naqa'en cam pe'etega camaye.

Jeremías 14:20

'Am nataxala', qomi' saỹaanaqta dam qauem maye so'otaq qataq nam lasouaxashetpi som hua'au qarta'alpi, qaq huo'o da qarasouaxashet 'am hueto'ot.

Lamentaciones 3:42

Qomi', huo'o nam qarasouaxashetpi, qataq saishet da salaxasoq, qaq ỹoqo'oye saishet da qomi' 'auchoxore'n.

Ezequiel 5:6

Qalaxaye namaye sa ỹalaxaguet co'ollaxa na iqataxacpi qataq na ỹamaxasoxonaxacpi, nache da lle'etaxaloxo ỹataqta napacalec na nhuo' le'ecpi qataq na ỹotta'a't shiỹaxauapi maye lauoreuapi namayepi, cha'aye saishet da ỹalaxaguet na iqataxacpi qataq saishet da quegue na ỹamaxasoxonaxacpi.