Daniel 9:14 - La'aqtaqa Ñim Lo'onatac 'Enauacna 2013

¹⁴ Qaq ỹoqo'oye 'Am Nataxala', 'auqataxanai' co'ollaxa de'era qauem, nache qomi' 'anamaxalo da qomi' taleguete, cha'aye 'am Nataxala' maye 'am Qanatamnaxala', ỹataqta nalochiguiñi 'enauac nam 'auo'otpi, qalaxaye qomi' saishet co'ollaxa da 'am ña'axaỹaxanaxa.

Daniel 9:14 Referans Kwoze

Daniel 9:7

'Am Nataxala', ỹataqta no'on da 'arataxac, qalaxaye qomi' judiopi, nagui ỹataqta huo'o da qara'agaxa, nam hueta'a ye Jerusalén qataq na laỹepi Israel le'ecpi, nam saqaỹapeque, qataq na qaỹoqta maye hueta'a nam ỹotta'a't 'alhuapi maye 'auamaxa co'ollaxa, souaxat da 'am saỹalaxaguet.

Nehemías 9:33

Qalaxaye saishet da saỹaỹamaxañi de'era qomi' 'auo'oteque qanhuaxanaguec, cha'aye no'oitegue da lataxac da huo'o ca 'auo'ot, qomi' qalaxaye 'itchiguiñi da qomi' 'etaxaloxoiqa.

Jeremías 44:27

Cha'aye Aỹem qami' ñauaataleguete qome, da yaqto' qami' ñamaxalo ca qauem, qaq saishet da qami' ñamaxalo cam no'on. Qaq 'enauac na Judá le'ecpi maye netaña na Egipto, ỹataqta nmichiguiñi qome da ileu, ileuaigui ca alaataxac huo'otaq ca nqouaxa.

Salmos 51:14

Ñaq aỹem 'eltaxaneguet qome da salaataxan, 'Am maye 'Aro'onatac 'Enauacna, 'Am Ñatamnaxala' maye ica'alaxaqui, yaqto' da so'onaxaatac, nache sa'axattac da no'on da 'arataxac.

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

2 Crónicas 12:6

Huaña, nache so nataxala'pi ye Israel qataq so nta'a, ỹaỹateeteguet de'era nache nañan, nache 'enapeco': ¡Ỹataqta 'eesa da la'aqtac Ñim Nataxala'!

Salmos 116:5

Ñim Nataxala' ỹataqta no'on da lataxac qataq hualaxaunaxaic, Ñim Qanatamnaxala' ỹataqta choxonnataxanaxaic.

Salmos 119:137

'Am Nataxala', ỹataqta nalochiguiñi da 'arataxac, qataq no'oiteguelo naua 'alapaxayiñi lataxaco.

Éxodo 9:27

Nache so faraón damaxasoxoneuga so Moisés qataq so Aarón, nache 'enapegalo', 'eeta': «Aỹem ñauattootela't da huo'o da ỹasouaxashet. Qaq damaye maiche ỹasouaxashet qataq na ihuo' le'ecpi, qaq saishet da nacheñi Ñim Nataxala'.

Esdras 9:15

Qaq 'am Nataxala', qataq Natamnaxala' na Israel le'ecpi, 'am maye ỹataqta sa na'aigue da 'icỹaxac. 'Am maye chegoqchigui da qalota da shenaqta na nca'altauec. Qalaxaye qomi' ỹataqta ñanomaqta da 'am hueta'asop na qarasouaxashetpi, qaq ỹoqo'oye saq taiguet da 'am souaqto'ot.»

Salmos 111:7

Na lo'onatacpi Ñimaye ỹataqta 'eesa qataq nalochiguiñi, qataq na lamaxasoxonaxacpi ishet qaipi'iỹa'a,

Jeremías 4:17

Qaq coleesop qome ye Judá, 'eeta'am ca shiỹaxauapi maye ilotague' ca no'onaxa, cha'aye yemaye saỹalaxaguet Ñim Nataxala'. Qaq 'era da ỹa'aqtac, Aỹem Nataxala'.

Jeremías 12:1

'Am Nataxala', dam 'Am ñecotaỹapegue', qalaq 'Am saqỹet naxa da 'eesa cam qonapec, qalaxaye aỹem sauotaique da 'am senat da ta'ainco' da huo'o nam laỹe lataxacpi. ¿Ta'ainco' da qaica ca iuena'a nam qauemaicpi? Qataq ¿ta'ainco' da ỹe'emaqtac nam sa ỹalaq?

Lamentaciones 1:5

Nam npa'aguenaxauapi co'ollaxa qalaq nachena nam na'aco'pi nagui, qataq na l-loquiaxauapi co'ollaxa nquictasheguem da lsallaxa nagui. Qaq cha'aye Ñim Nataxala', maiche ỹo'otec de'era laquicoxo, souaxat nam qalota lasouaxashetpi namayepi. Ỹoqo'oye som llalaqpi, qaỹauega ye ỹaqa'a 'alhua, ỹauec nam npa'aguenaxauapi namayepi.

Ezequiel 16:43

'Am, 'aucoua'ai da 'eetec co'ollaq ñaq 'am qa'añole, nache ỹataqta Aỹem 'aunogoqchet souaxat nam qauem maye 'auo'otpi qataq qaiqaiga, qaq ỹoqo'oye Aỹem sauo'o qome ca 'anhuaxanaguec souaxat de'era qauem 'arataxac. Qaq 'era da ỹa'aqtac Aỹem Nataxala'.

Daniel 4:34

Qaq co'ollaq ipacchigui som qalapaxañi da ñeuaxanaguec, nache aỹem Nabucodonosor samato'ot na piguem, nache ñanomteguet da aỹem qanataren nache qaica so aỹoic, qaq huaña nache sanot da ña'achecỹaxac Ñim Lo'onatac 'Enauacna maye Nataỹaña 'Enauacna nache sho'oxoren Ñim nache 'eetai' da nca'altauec, sheeta': «Da 'ara'añaxac qalaq chochaq tatec qome, da 'aro'onataxanaxac qalaq qaica ca loga't.