Biblia Todo Logo
Bib sou entènèt

- Piblisite -




Daniel 9:13 - La'aqtaqa Ñim Lo'onatac 'Enauacna 2013

13 Qaq 'enauac de'era qauem qomi' taleguete, nache ipacchigui som nanettalec aso lmalate na lqataxacpi so Moisés, qalaxaye qomi' saishet da 'am ñimitaqaique 'Am Nataxala' maye 'Am Qanatamnaxala', qataq saishet da saxanaxañi nam qauem maye so'otaqtacpi, qataq saishet da qolaxague dam 'eesa lataxac.

Gade chapit la Kopi




Daniel 9:13
35 Referans Kwoze  

'Enauac na Israel le'ecpi saỹalaxaguet na 'arapaxaguenataxanaxacpi qataq 'aramaxasoxonaxacpi, ỹoqo'oye qomi' taleguete dam qauem, qataq da qoỹan co'ollaxa na'aqtac, maye nanettalec aso lmalate na lamaxasoxonaxacpi so 'aramaxashec Moisés, cha'aye huo'o da qarasouaxashet 'am hueto'ot.


Qaq qaica ca naigui da sauo'o co'ollaxa so nhuaxanaguec so qaỹa'alquipi, cha'aye somayepi saishet co'ollaxa da ỹalaq da saỹamaxatteguiñi da lataxac. Qaq 'enauac qami' qoñeeta'am ca llonpi maye dequi'iỹapec, da qaualauache som na'aqtaxanaxanecpi.


Qalaxaye na nhuo' le'ecpi saishet da ỹe'eguelaqot Ñim Lo'onatac 'Enauacna, maye ỹo'ot co'ollaxa da nhuaxanaguec, qataq saishet da nmitaique Ñim Nataxala' maye Qaica ca Ỹaqalanapec.


Qaq de'era na'amqaanaxac na Israel le'ecpi, damaye maiche dataỹa'aguet qome namayepi. Qaq na'aictaxa de'era, namayepi saishet da ỹe'eguelaxa da nmitaique Ñim Nataxala' maye Natamnaxala'.


Aỹem sa'aqtega na nhuo' le'ecpi maye chegoxoguet so Efraín, da ỹataqta lta'araic da nachoxonnaxac nache, 'eeta': ‹Aỹem sheeta'am co'ollaxa ca huaca llalec maye saishet da qanayeelec, qalaxaye 'am aỹem qonelec co'ollaxa, 'auo'ot qome da 'Am ñe'eguelaxa, cha'aye nache 'Am Nataxala', maye Ñatamnaxala'.


'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.


Qataq aỹem 'aỹa'anem qome da saỹaten ca llec na 'aramaxasoxonaxacpi yaqto' seuennataxaalec ca ỹo'ot da 'ayo'oxoyec.


Qaq na 'etaxaloxoicpi qalaq nỹoxola't da lalemataic, nache na'aictaxa da qaicoñettai', qalaxaye saishet da iỹaxanot Ñimaye da yaqto' itauan.


Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.


cha'aye qami' qaua'aqaichigui da na'aqtaxanaxac maye ỹa'axat Somaye qataq qauaỹaañi da qoviitaigui da lamaxasoxonaxac qataq qoquiitague' da 'eesa, maye qami' ỹapaxagueneque Somaye.


Qaq qomi' saỹaanaq da naua nanettrañi la'aqtaqa Ñim Lo'onatac 'Enauacna, naamaye saishet da qaiqolegue't. Ỹoqo'oye 'eesa da Ñim Lo'onatac 'Enauacna ỹamata'ac da piguem le'ecpi som shiỹaxauapi maye ỹaconeguet da la'aqtac.


Nache qami' ỹataqta qauauattoñiita da 'eesa lataxac, qaq de'era 'eesa lataxac, nachera da ỹataqta qami' huesochiyiñi naqa'en.


Naua nanettrañi la'aqtaqa som la'aqtaxanaxanecpi Ñim Lo'onatac 'Enauacna naamaye, 'eeta': «Ñim Lo'onatac 'Enauacna ỹapaxaguen 'enauac na shiỹaxauapi.» Qaq ỹoqo'oye 'enauac nam na'axaỹaxana Ñim Ita'a qataq napaxaguena Ñimaye, namayepi Aỹem naua'a da yaqto' Aỹem ca'ategue.


Huaña, nache itaua'n soomaye da ỹaỹate'n naua naiguilo naua ñiyigui'she maye nanettralec ana nere maye huetalec na la'aqtacpi Ñim Lo'onatac 'Enauacna.


Qataq saishet da ỹataqta lquiyaqteỹaxac da aỹem nachoxoreetacot, da huetalec ye lmala' da huo'o da nachoxoc. Qaq da iỹaxanaique na trigo qataq na lataxa nache ique'emaqchet da lo'ocỹaxac; ¡qaq ỹataqta aỹem dataỹa'aguet namayepi!


Qaq 'enauac somayepi 'eeta'am aca nqatelaxanaxaqui maye 'ettaigui, da ỹavigaxat som lataxala'pi. Qataq 'enauac so lta'alpi da nmichiguiñi naqa'en, nache qaica da huo'otaq 'oonolec ca aỹem iỹaxaatacot.


¡'Am Nataxala', ña qomi' 'aua'aqta'alo qome da 'am she'eguelaxasoqot, yaqto' 'am she'eguelaxasaxa! Qataq 'auo'otec qome da qanachaalataxac da 'eeta'am so hua'auchiguiñi co'ollaxa.


Cha'aye Aỹem qami' ñauaataleguete qome, da yaqto' qami' ñamaxalo ca qauem, qaq saishet da qami' ñamaxalo cam no'on. Qaq 'enauac na Judá le'ecpi maye netaña na Egipto, ỹataqta nmichiguiñi qome da ileu, ileuaigui ca alaataxac huo'otaq ca nqouaxa.


Qaq mashe qaica ca iỹaxaatega da 'are'enaxat huo'otaq da na'añaxat da yaqto' 'am ỹe'eguenot. Qaq ỹoqo'oye qomi' 'anqañoxocheesopa qataq qomi' 'auala't souaxat nam qauem maye so'otaqpi.


Ña qaumichiñi da ipacchigui nam sa'axata'a co'ollaxa, qaq nagui nache sa'axata'a cam dalaxaic lataxac, nache qami' saỹaanaxanaxaneque nagui, da ñaq saxanaxa da yo'oq.»


Cha'aye naua 'arhua'q maiche aỹem lo'onatac qataq 'enauac da ỹataxac, ỹoqo'oye aỹem 'aỹa'anem qome ca ỹauattonaxanaxac yaqto' saỹate'n naua 'aramaxasoxonaxaco.


Qataq nlorec 'anqa'en naua ỹa'ai'te, yaqto' sela'a da llo'oxoyec naua 'arqataxaco.


'Am Atamnaxala' maye qarca'alaxaqui, ñaq qomi' 'anca'alaxatrec, ñaq 'avia'axaneguet da 'aralemataic da shenaqta.


Qalaxaye ivitta'a nagui da Ñim Nataxala', saxanaxa da ỹo'ot da lauattonaxanaxac naua qarquiyaqchilli', qataq saxanaxa da nauaayiñi naqa'en naua qara'ai'chilli', qataq saxanaxa da hua'axai' naua qartelai.


¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!


da Aỹem Nataxala' da ỹa'aqtac, 'eeta': Aỹem ñamaxa qome ne'ena 'alhua ca lta'araic lchec, qataq talec ñaqa'en 'enauac na netalecpi namaye. Qaq nache ipacchigui 'enauac qome na ỹa'aqtacpi maye huetalec aso nere maye itaxaỹaxaatac ñi nta'a ye Judá.


Qalaxaye 'am Israel, maye 'auachegoxoguet so Jacob, saishet co'ollaxa da aỹem 'auỹaxanot, nacherata da aỹem 'anasamiisop.


'Enauac da shenaqta, shenaqta'am ca ỹale maye nshepaxan da lataxac, qataq 'enauac nam no'on qaro'onatacpi 'eeta'am ca hualoxolaỹi maye ỹataqta nshepaxan, 'enauac da sanataxañi shenaqta'am aca qo'oipaq laue maye deqaqta, qataq da qaralaataxanaxac qomi' ỹauogoleeta'ape 'eeta'am ca la'at.


'Enauac nam 'anauonaxauapi 'am icoua'ai, mashe saishet da 'am qochetega. Cha'aye Aỹem 'am seque'emaqchet, sheeta'am ca 'ampa'aguenaxaua, sauo'o so lta'araic 'anhuaxanaguec, souaxat na qalota qauem maye 'auo'otpi. Qataq souaxat nam qalota 'arasouaxashetpi.


Qaq de'era qauem, maye qami' qoviitaigui nagui, damaye qami' taleguete souaxat da qaỹa'añiitacot na qarchenaxanaxache maye ama na laita nam laỹepi atamnaxala'pi, qaq nache huo'o da qarasouaxashechi hueto'ot Ñim Nataxala', cha'aye saishet da qaualaqaiguet nam lapaxaguenataxanaxacpi, qataq nam lqataxacpi Ñimaye, qataq saishet da qaupaquiiteleguete naua lamaxasoxonaxaco.


'Am, 'aucoua'ai da 'eetec co'ollaq ñaq 'am qa'añole, nache ỹataqta Aỹem 'aunogoqchet souaxat nam qauem maye 'auo'otpi qataq qaiqaiga, qaq ỹoqo'oye Aỹem sauo'o qome ca 'anhuaxanaguec souaxat de'era qauem 'arataxac. Qaq 'era da ỹa'aqtac Aỹem Nataxala'.


Swiv nou:

Piblisite


Piblisite