Daniel 9:12 - La'aqtaqa Ñim Lo'onatac 'Enauacna 2013

¹² 'Am co'ollaq qomi' 'anamaxalo so lta'araic qauem, nache 'aupaqueelec som 'arasauaqtaxanaxac maye 'aua'axatta'a co'ollaxa da qomi' taleguete, qataq som nta'alpi maye qomi' ilotegueto co'ollaxa, cha'aye saỹauano' co'ollaxa da huo'o ca huaña ana 'alhua, cam 'eeta'am de'era nhuaxanaxanaxac maye talec ye Jerusalén.

Daniel 9:12 Referans Kwoze

Ezequiel 5:9

Qaq souaxat nam ỹataqta qauem 'auo'otpi nache so'ot nam sa ỹauano' da so'ot co'ollaxa, qataq saishet da she'eguelaxalec da so'ot qome.

Lamentaciones 1:12

¡Qami' maye qoquiitague' na nqa'aic, ña qavia'axañeeguet da qarqueuoxoqui nache qauenntaxañeelec, da huo'otaq huo'o ca qui'ic da 'eeta'am dam ñequi'ic, maye ỹauo'o da ỹataqta lta'araic ñeque'eenaxac! ¡Ñim Nataxala' co'ollaq 'eroigui da nnogoxonaxac nache aỹem namaxa de'era ñeque'eenaxac!

Isaías 44:26

Qalaxaye naua la'aqtaqa nam ỹamaxashecpi so'ot qome da ipacchiguilo, qataq naua lapaxayiñi nam ỹamaxashecpi so'ot qome da ỹaỹamaqchiyiñi. Aỹem sa'axat da qaltaq ỹe'eguelaxa qome da qanayenalec ye Jerusalén, qataq yem huaqta'a't nỹecpi ye Judá qalaq qaltaq qano'oxoosheguem qome, qataq nam qailaxachigui co'ollaxa yemaye, she'eguelaxata da qanauaxaỹaxaasheguem.

Lamentaciones 2:17

Ñim Nataxala', mashe ỹo'ot dam lapaxañi co'ollaxa, nache ipaqueelec som la'aqtac, maye ỹan co'ollaxa soua qaỹoqteguelo vi'iye. Nache saishet da 'am ichoxoreetac da 'am ilaxachigui, qataq hua'aqta'a na 'ampa'aguenaxauapi da 'am ne'eetapigui, qataq nquigaxatsheguem da la'añaxac na 'ampa'aguenaxauapi.

Lamentaciones 2:13

'Am, Jerusalén maye ỹataqta 'am 'onaxaic ¿Negue'tom ca ishet da 'am ñaloqnaxaneguet? ¿Negue'tom ca ishet da saloqnaxana da yaqto' 'am sa'añaqchet, 'am Sión maye ỹataqta 'am qui'itta qataq huo'o da 'aryac? Da 'anque'eenaxac ỹataqta lta'araic, ¿qaq negue'tom cam ishet da 'am nataren qome?

Da na'aqtaguec so Job 12:17

Ñimaye ỹo'otec na ỹaanaxanaxaicpi da deqat na laỹaanataxanaxacpi, qataq nam aloico lo'opi 'eco' huo'o da aloic naqa'en.

Romanos 15:8

Cha'aye So Cristo anac da huapegue' nam judiopi, da yaqto' ỹachaxan da Ñim Lo'onatac 'Enauacna ỹataqta ipacchigui 'enauac nam ỹachaxanapeguempi som hua'au qarta'alpi.

Lucas 21:22

Cha'aye que'eca na'a'q laloxoqui da Ñim Lo'onatac 'Enauacna ỹauo'o ca nhuaxanaguec 'enauac na shiỹaxauapi, yaqto' ipacchiguilo naua 'ena'ape naua ñiyigui'she la'aqtaqa Ñim Lo'onatac 'Enauacna.

Marcos 13:19

cha'aye na shiỹaxauapi ỹataqta lta'araic da nque'eenaxac que'eca na'a'q. Chegoqchiguiña co'ollaq Ñim Lo'onatac 'Enauacna ỹo'ot ana 'alhua, choche ivitta'a nagui da na shiỹaxauapi sa nauane' da huo'o ca lta'araic nque'eenaxac da 'ena'am de'era. Qataq de'era que'eenaxac saishet da qaltaq ỹe'eguelaxalec qome.

Mateo 24:21

cha'aye que'eca na'a'q na shiỹaxauapi ỹataqta qalota qome da nque'eenaxac. Saishet da huo'o ca 'eeta'am que'eca que'eenaxac dam qaỹachegoqta'ague co'ollaq cheta'ague da ỹo'ot ana 'alhua Ñim Lo'onatac 'Enauacna, qataq saishet da qaltaq qanauane' qome de'era que'eenaxac.

Mateo 5:18

Cha'aye ỹataqta 'eesa de'era qami' sa'axatema da huo'otaq ñaqauo'o na piguem qataq ana 'alhua, qalaq saishet da huo'o ca qanqat nam saq 'amaqtaq leraxatpiolec nam namaxasoxonaxacpi, nato' qom mashe 'enauac da ipacchigui.

Zacarías 1:8

Qaq huo'o so pe, nache huo'o so ỹauanaqchec: Aỹem sela'a so ỹale netalec so caaỹo togaxaraic. Somaye netangui so ca'amegue nachattanguilo soua 'epaq le'enaxat arrayanes, qataq hueta'ague na l-laq somaye so laỹepi caipi, huo'o so togaxaraicpi, tocalecpi, qataq so lapaxaxaicpi.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Amós 3:2

«Nache qamiite' da qami' lleca'aua'alo, co'ollaq lleca'agui nam nhuo' le'ecpi ana 'alhua. Qaq ỹoqo'oye sauo'o qome ca qanhuaxanaguiiqui, souaxat nam qauemsat maye qauo'oche».

Joel 2:2

nam na'a'q maye huaigui na napalaxa, qataq ỹataqta napalñi, nam na'a'q maye sansatchiguiñi na lo'oc na piguem qataq na sansatchiguiñi napo. 'Eeta'am na le'eraxa na na'a'q da mashe yaqta'a yo'oxoñi da imattalec da icoỹarelec ana qasoxonaxapi, qaq nache 'eetec da anac ne'ena qalota qataq 'añaxaicpi shiỹaxauapi. Qaq ỹataqta saỹauanapega da qaỹauaachigui ca 'eeta'am namayepi, qataq saishet qome da qaltaq ỹe'eguelaxalec da qaỹauaachigui cam 'eeta'am namayepi.

Ezequiel 13:6

Na l-loxocpi qalaq saq'en, qataq nam la'aqtaxanaxacpi qalaq chochaq ashepegaxanaxacpi. Namayepi 'eetega ỹa'aqtaxanaxanecpi naxa, qalaxaye Aỹem saishet da samaq co'ollaxa namayepi. ¡Qaq ñaqaiyeta namayepi iuatta'a naxa da ipacchigui nam la'aqtaxanaxacpi!

Lamentaciones 4:6

Nam lasouaxashetpi na Jerusalén le'ecpi, qalaq napacalec na lasouaxashetpi co'ollaxa na lma' ye Sodoma, maye nque'elaxatta da nlaguiñi co'ollaxa, saishet da huo'o ca anac da iloquiaxan.

Proverbios 8:16

Aỹem chegoqchigui da huo'o naq 'enec na llalaqpi na nta'alpi, qataq na nataxala'pi da ishet da ilo'ogue na shiỹaxauapi maye huetalec ana 'alhua.

Salmos 148:11

Qataq na nta'alpi maye netalec ana 'alhua, 'enauac na ỹotta'a't shiỹaxauapi, qataq nam nataxala'pi qataq na nta'alpi ana'ana 'alhua.

Salmos 2:10

Qaq qami' nta'alpi ỹataqta qauennataxañi qome, qataq qami' nataxala'pi ana 'alhua, ỹataqta qanañañiiguet qome da napaxaguenataxanaxac.

1 Reyes 3:9

Qaq aỹem 'aỹa'anem qome aca nquiyaqte ỹaanaxanaxai, yaqto' ishet da selo'ogue ne'ena nhuo' le'ecpi maye 'aralamaxatpi, qataq yaqto' sauatton ca no'on qataq ca qauem. Cha'aye ¿negue'tom ca ishet da ilo'ogue ne'ena nhuo' le'ecpi maye 'aralamaxatpi ye ỹataqta qalota?»

Jeremías 30:7

¡Mashe nayeetai' ca na'a'q maye chaqaic, na'a'q maye qaica ca lỹa na'a'q da 'eeta'am! Que'eca na'a'q nache huaigui qome ca lta'araic laquicoxo nam chegoxoguetpi so Jacob, qalaxaye Aỹem ñeca'alaxatec qome namayepi.

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.

Jeremías 39:16

«Qojec qome 'anqo'ona ñi Ébed Melec, ñim Etiopía le'ec nache qonapega, qoneta': Ñim Nataxala' maye Qaica ca Ỹaqalanapec qataq Natamnaxala' na Israel le'ecpi, 'eeta': Aỹem sepactelec qome dam sa'axatta'a co'ollaxa da talec ne'ena huaqta'a't nỹecpi, qaq damaye qauem, qaq saishet da 'onaxaic. Qaq qom yo'oq damaye nache 'am 'auauaachigui qome.

Jeremías 44:23

Qaq de'era qauem, maye qami' qoviitaigui nagui, damaye qami' taleguete souaxat da qaỹa'añiitacot na qarchenaxanaxache maye ama na laita nam laỹepi atamnaxala'pi, qaq nache huo'o da qarasouaxashechi hueto'ot Ñim Nataxala', cha'aye saishet da qaualaqaiguet nam lapaxaguenataxanaxacpi, qataq nam lqataxacpi Ñimaye, qataq saishet da qaupaquiiteleguete naua lamaxasoxonaxaco.

Daniel 12:1

Qaq qom ivita ca laloqo' nache nachaxan so Miguel, som 'amaqtaqaic namaxashec piguem le'ec maye mpaxattalec nam 'arhuo' le'ecpi. Qaq que'eca na'a'q huo'o qome ca lta'araic naquicoxo, qaq camaye saỹauanego' da huo'o ca 'eeta'am, chegoqta'a co'ollaq cheta'ague da huo'o 'enauac na ỹotta'a't shiỹaxauapi. Qom ivita que'eca laloqo', nache nca'alec qome 'enauac cam 'arhuo' le'ecpi maye nanettalec ca le'enaxat aca nere.

Zacarías 7:12

Qataq ỹa'añaxachigui añi lquiyaqte, 'eeta'am naqa'en ca coma' maye le'enaxat diamante, da yaqto' saishet da na'axaỹaxana da napaxaguenataxanaxac, qataq nam namaxasoxonaxacpi, maye Ñim Nataxala' maye Qaica ca Ỹaqalanapec ỹachegoxotchigui so Saqcha'a La'añaxac, da ỹa'aqtaxanaxan co'ollaxa so hua'au la'aqtaxanaxanecpi. Qaq ỹoqo'oye Ñim Nataxala' ỹataqta dalemata,

2 Reyes 22:16

da Aỹem Nataxala' da ỹa'aqtac, 'eeta': Aỹem ñamaxa qome ne'ena 'alhua ca lta'araic lchec, qataq talec ñaqa'en 'enauac na netalecpi namaye. Qaq nache ipacchigui 'enauac qome na ỹa'aqtacpi maye huetalec aso nere maye itaxaỹaxaatac ñi nta'a ye Judá.

Isaías 43:28

som nta'alpi maye 'am ilotague' co'ollaxa ishepaxanaqchet añi ỹalamaqte atamnaxaqui, qaq ỹoqo'oye sa'aqta'a co'ollaxa so Israel, maye chegoxoguet so Jacob da qailaxachigui qataq qaisheueetac.