Daniel 8:8 - La'aqtaqa Ñim Lo'onatac 'Enauacna 2013

⁸ Qaq som quetaq lhuaraic, ỹataqta nquictauec da la'añaxac, qalaxaye so ivita da ỹataqta lta'araic da la'añaxac, nache aso late'erai lcoue huacaguec, qaq so lma' asomaye nache chegoqchiguiñalo soua cuatro lcoue maye ilotra'ague naua cuatro laỹel ana 'alhua.

Daniel 8:8 Referans Kwoze

Daniel 7:2

«Aỹem so sechoxootac, nache sela'alo soua cuatro la'a'che, maye ỹasheerelec naxa aso auaxai late'erai, nache ỹataqta iraxan na 'etaxat.

Apocalipsis 7:1

Qaq can ime de'era, nache sela'alo soua cuatro namaxa'she piguem lashe', nachattrañi. Qaq ñi 'oonolec soomaye hueta'alo naua cuatro lleco na la'at. Soomaye nlletrañi naua la'a'che, da yaqto' saishet da ỹasheerelec ana 'alhua, qataq aso auaxai, qataq ana 'epaqpi. Se'esoua cuatro namaxa'she piguem lashe' ỹaconegueta da la'añaxa'c da yaqto' huo'o ca 'ena'ac ana 'alhua qataq aso auaxai. Nataqa'en sela'a so lỹa namaxashec piguem le'ec chegaqa'ague da yo'oxoñi somaye nasoqta'a aso la'anaxanaqte Ñim Lo'onatac 'Enauacna maye chochaq tatec da lca'alaxa. Qaq asa'aso na'anaxanaqte nachaso aso qaỹa'anaxana da qaỹa'an 'enauac na lalamaxatpi Ñim Lo'onatac 'Enauacna, da yaqto' npaxattalec. Nache se'eso namaxashec piguem le'ec ỹataqta na'axannec da la'aqtac da 'enapegalo soua lỹa't cuatro namaxa'she, 'eeta': «¡Saishet da huo'o ca qoñiỹa'ac ana 'alhua qataq aso auaxai qataq ana 'epaqpi, cheta'ague qom semataq da sauoqo'o ca la'anaxat na latap nam do'onataxaatacotpi Ñim Lo'onatac 'Enauacna!»

Daniel 8:22

Qaq soua cuatro lcoue maye nnoxooyishegue'm co'ollaq huacaguec aso hua'auñi lcoue, qalaq naigui da ne'ena 'alhua huo'oi qome caua cuatro lỹa't nta'al, qalaxaye saishet da 'eeta'am da la'añaxac som hua'auchiguiñi.

Daniel 8:5

Qaq so ñaq seuennataxaateguelec som sauaachigui, nache chegoqtegue da nala' lliguiñi so quetaq lhuaraic, nache ỹataqta chegaqañi eco' ichiỹaña na 'alhua souaxat da layaqchec. Qaq se'eso quetaq lhuaraic, huo'o aso 'oonole late'erai lcoue, ñichiguinguilo naua la'ai'te,

Daniel 5:20

Qalaxaye co'ollaq nlaxagui da na'amqaanaxac, qataq ỹo'ot nam qauem, qataq nlaxagui da ño'oxonnaxac, nache qaiuotaxanec da la'añaxac qataq da llo'oxoyec maye hueto'ot co'ollaxa da nta'a.

2 Crónicas 26:16

Qalaxaye somaye, co'ollaq mashe ivira da ỹataqta 'añaxaic, nache ỹacona da ño'oxonnaxac, qaq nachera da ỹo'ot da nlaguiñi somaye. Cha'aye sa ỹalaxaguet Ñim Lo'onatac 'Enauacna maye Natamnaxala' somaye, qataq taigui co'ollaxa aso atamnaxaqui maye lalamaqte Ñim Nataxala' da ỹavigaxat so lchenaxanaxat, ỹachalec aso lca'atoxolate na nchenaxanaxat.

Marcos 13:27

Ime, nache samaqteegalo na ỹamaxashecpi da coleelec imauec ana 'alhua, da lapona't nam Aỹem quetague'pi.

Mateo 24:31

Nache samaqteegalo qome na ỹamaxashecpi, namayepi ỹauota'a ana lasheere da yaqto' laỹona't nam Aỹem ca'attague'pi.

Daniel 11:4

Qalaxaye qom mashe ỹaỹamaxañi ca lo'onataxanaxac camaye, nache ca lo'onataxanaxac colaxagui qome cuatro caua lpa'axaco. Qaq da la'añaxac que'eca nta'a, saishet qome da talec ca llalaqpi, qataq nataqa'en que'eca no'onataxanaxac qaica qome ca la'añaxac, saishet da 'eeta'am cam hua'auchiguiñi, cha'aye mashe colaxagui, nache anac qome ca laỹepi nta'alpi da talec que'eca no'onataxanaxac.

Daniel 7:6

Qaq so lỹa shiguiỹac qalaq 'eeta'am na sauaxaic, qalaxaye cuatro soua laua't netrelec na l-laq, qaq nataqa'en sela'a da cuatro soua lqaigo, qataq qoỹanem da la'añaxac da ilo'ogue da no'onataxanaxac.

Daniel 4:31

Qaq co'ollaq ñaq detaqtac so nta'a, nache qaỹa'axaỹa so na'aqtac chemqot na piguem, 'eeta': «'Am nta'a Nabucodonosor, ña 'ana'axaỹaxana de'era. Da 'aro'onataxanaxac, damaye mashe saishet da 'aralamaxat,

Ezequiel 28:9

¿Qaq nache qoqueto'ot peta'a da qonetega 'am atamnaxala', da 'auatata'aguet ca 'am ỹalauat? ¡Qom 'am loxonec cam 'am ỹalauat qome, qalaq qoneta'am ca choche shiỹaxaua!

Ezequiel 16:7

Nache Aỹem, so'ot co'ollaxa da 'anañaxat qoneta'am aca qo'oipaq maye netalec na no'onaxa. Qaq huaña nache 'anquictasheguem, nache 'avira'a da 'am late'erai, qataq 'avira'a da ỹoqta 'am 'alo. Qataq yo'o'q naua 'artete, qataq ñaxat ana 'araso, qalaxaye ñaq 'eetalec da qouetauec.

Jeremías 5:27

Naua lma'ate qalaq nlaqchiguilo na lcachaxatpi, 'eeta'am aca laỹe' na qoỹo da nlaqchigui qanqa'en. Qaq 'era da 'eetec namayepi da ivira'a da 'añaxaicpi qataq sallaxanecpi,

Ester 9:4

cha'aye so Mardoqueo, mashe huo'o da la'amaqchec da hueta'a so lma' lta'araic so nta'a, qataq da na'aqtaguec mashe imauec da qaỹaỹaten 'enauac so 'alhuapi, qaq nacheye ye na'a'q da nquictauec da la'añaxac.

Deuteronómio 31:20

Cha'aye qom senoxonaqcheteua'a ye 'alhua maye sachaxanapecot co'ollaxa so hua'au lta'alpi namayepi, yem 'alhua maye huaña da sa qoue na huaca lche' qataq na te'esaq lli'i, qataq ivitta'a qome da ỹataqta saishet da iqouattac qataq chaxaraicpi, qaq huaña qome nache ca'ata na ỹaqa'a atamnaxala'pi da natamnot, nache Aỹem ỹo'otan qataq ỹalat da ñaỹamaxataxac, maye so'otec co'ollaxa namayepi.

Jeremías 49:36

Aỹem ñanacot qome ca la'at da talec ne'ena nhuo' le'ecpi, chegaqa'alo naua cuatro laỹel ana 'alhua, da yaqto' ilagaxatapec nache tateugalo naqa'en nache ivitta'a da qaica ca no'onañi na 'alhuapi da saivira nam naneltaxaatacpi ye Elam.

Daniel 8:7

nache ỹacagaxa't soua dos lcoue, qaq som qagueta lhuaraic ỹataqta qaica ca la'añaxac da dataỹa'aguet somaye. Ỹoqo'oye so quetaq lhuaraic huetaiya' naqa'en so qagueta lhuaraic, nache petapigui, nache somaye qaica ca ishet da nca'alaxatec.