Daniel 8:7 - La'aqtaqa Ñim Lo'onatac 'Enauacna 2013

⁷ nache ỹacagaxa't soua dos lcoue, qaq som qagueta lhuaraic ỹataqta qaica ca la'añaxac da dataỹa'aguet somaye. Ỹoqo'oye so quetaq lhuaraic huetaiya' naqa'en so qagueta lhuaraic, nache petapigui, nache somaye qaica ca ishet da nca'alaxatec.

Daniel 8:7 Referans Kwoze

Daniel 11:11

Qaq de'era ỹo'ot qome da dalemata ca nta'a maye lma' da taguiñi, nache camaye nnaicapegue' qome ca nalleppi da delogui' cam nta'a maye lma' da sheu', nache loxonec na'aictaxa da camaye qalota ca nalleppi.

Daniel 7:7

Qaq som pa'atec shiguiỹac maye sela'a co'ollaq huaigui so ỹauanaqchec, somaye ỹataqta chaqaic, qataq ỹo'ot da ñi'iỹaxa, qataq qaica ca 'ena'am da la'añaxac. Somaye huo'oi soua ỹataqta late'el lhue lcat, nache chec 'enauac nam huo'o, qataq icolaxattac, qataq petapigui nam lli'iỹoxot. Qaq se'eso shiguiỹac ỹataqta huaỹoqtec da lataxac, saishet da 'ena'ama soua lỹa't maye sela'alo co'ollaq sechoxootac, cha'aye na lqaic somaye diez aso lcouepi.

Josué 8:20

Qaq se'eso Ai le'ecpi co'ollaq nqoilec da ỹamataua'a se'eso huaqta'a't nỹecpi, nache ila'a da nchisheguem na lmala'q, tasheguemec na piguem. Nache somayepi ỹataqta qaica ca ỹe'eguenegue, cha'aye so Israel le'ecpi maye datauec co'ollaxa da tauga so toolec 'alhua, qalaq ñe'eguelaxaguet nagui da iloquiaxan somayepi.

Levítico 26:37

Qataq ỹe'egueetega'tpi, 'eeta'am ca dataueeguesop ca alaataxac, na'aictaxa da qaica ca ncaatague', nache qaica ca 'oonolec da qoñiita ca ishet da dataỹa'aguet ca npa'aguenaxauapi.

Daniel 8:6

qaq so ivirot so qagueta lhuaraic maye dos soua lcoue, maye sela'a co'ollaxa da hueto'ot na loigue aso tala, nache ỹataqta imatalec da la'añaxac da iquetogoqot,

Daniel 8:8

Qaq som quetaq lhuaraic, ỹataqta nquictauec da la'añaxac, qalaxaye so ivita da ỹataqta lta'araic da la'añaxac, nache aso late'erai lcoue huacaguec, qaq so lma' asomaye nache chegoqchiguiñalo soua cuatro lcoue maye ilotra'ague naua cuatro laỹel ana 'alhua.

Daniel 8:10

Qaq asomaye ye ỹataqta nquictasheguem, nache iviro'ot so alleppi maye hueto'ot na piguem, nache huo'o aso naañi naqa'en ana huaqaañipi, nache petapigui,

Daniel 7:12

Qaq soua lỹa't shiguiỹac lta'al, nataqa'en qaiuotaxanec da la'añaxa'c, qalaxaye nache nca'altraue'c qanqa'en, choche ivittra'a som loga't.