Daniel 8:25 - La'aqtaqa Ñim Lo'onatac 'Enauacna 2013

²⁵ Qaq souaxat da sanqalat, nache da latenataxanaxac dauegaxaatai'. Qataq nlaxagui qome da ño'oxonnaxac, nache ique'elaxat qome da ỹalauat ca qalota shiỹaxauapi maye pe'etega camaye. Qataq dataỹa'aguet qome ca lta'a na nta'alpi, qalaxaye camaye qailaxachigui qome.

Daniel 8:25 Referans Kwoze

Daniel 8:11

qaq nataqa'en ivira'a da npa'aguene' so lataxala' se'eso alleppi, qataq ỹa'axaneguet da nachetaqtaxanaxac maye qaỹo'ottac naxa ye na'a'q, qataq ishepaxanaqchet so lma' naxa da ño'oxonnataxanaxac.

Apocalipsis 17:14

Ime, nache se'eso shiguiỹac leguemaxaic qataq soua diez nta'al deloguito So Qagueta Llalec. Qalaxaye So Qagueta Llalec qataq som ca'attague'pi nauec soomaye. So Qagueta Llalec dauegaxan, cha'aye nacheso so ỹactec da 'amaqtaqaic, saq 'ena'am na laỹepi nataxala'pi qataq nacheso so ỹactec da la'añaxac napacalec na laỹepi nta'alpi. Somaye hueta'aguet nam ca'attague'pi. Ñim Lo'onatac 'Enauacna iỹaxana namayepi qataq lca'aguishecpi, cha'aye nache 'eetai' naxa da ỹalaq.»

Da na'aqtaguec so Job 34:20

Na shiỹaxauapi huo'o da nque'elaxatta da huaigui ye pe da ileu, qataq huo'o da maiche taỹa't, nache imeuo, qaq na 'añaxaicpi qalaq qaỹamaqauec saishet da qairolec da yo'oqchigui na'añaxac.

Daniel 11:45

nache ỹa'ayiñi qome ca lanataqa', ñichiguinguilo naqa'en na laiñi aso auaxai, qataq añi qui'itta qasoxonaxa maye ỹataqta 'onaxai. Qalaxaye nache huaña qome yemaye da ivita ca laloqo' da ileu, nache qaica qome ca ishet da anac da itauan.

Daniel 7:26

Qalaxaye camaye qanmit qome nache qaiuotaxanec da la'añaxac, nache ivitta'a da imauec da qanlaxaañi.

Daniel 7:8

Qaq so ñaq selota'a aso lcouepi somaye, nache sauaachigui da chegoqchiguingui asomayepi, da nnoxoosheguem aso lcoue lỹa maye saq 'amaqtaq, qaq huaña nache qanapo'c soua tres lcoue, da yaqto' huo'o ca ldaqa' asom pa'atec lcoue maye nnoxoosheguem, qaq asomaye huo'oi naua la'ai'te, 'eeta'am na shiỹaxaua, qataq huo'o so alap maye qalota da napagaqaanaxac da detaqtac.

Lamentaciones 4:6

Nam lasouaxashetpi na Jerusalén le'ecpi, qalaq napacalec na lasouaxashetpi co'ollaxa na lma' ye Sodoma, maye nque'elaxatta da nlaguiñi co'ollaxa, saishet da huo'o ca anac da iloquiaxan.

Jeremías 48:26

Qautaqcheche qome ye Moab, cha'aye yemaye dataỹa'aguet Ñim Nataxala'. Qaq huaña nache ye Moab ncocatapiguingui na lolaxat, nache 'enauac qome da qaỹe'eetac.

Hechos 12:23

Nache saqaỹaloq da anac so lamaxashec Ñim Lo'onatac 'Enauacna, nache ique'emaqchet so Herodes, cha'aye somaye ipi'itaxaatega da 'eeta'am da lataxac Ñim Lo'onatac 'Enauacna. Nache qaỹata'ague, nache ileu. Ilem na qoche'l maye chectac na lauel somaye.

Apocalipsis 19:16

Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»

2 Ts 2:3

Saishet da qanashiñiiuo da huo'o ca qami' ỹatenache't. Cha'aye que'eca na'a'q saishet da ivita da saxanaxa da nachaxan na ipa'agueetacpi Ñim Lo'onatac 'Enauacna qataq da nchoxot da dataỹa'aguet Ñimaye qataq da huetoigui da nachaañi que'eca ỹale qauemaic cam taỹa'a da qailaxachigui.

2 Ts 2:8

Huaña qome, nache nachaxan que'eca ỹale qauemaic, nache So Qarataxala' Jesús ilaxachigui camaye, irolec na la'at qom ncosaueegue da iquetetot camaye qom nvi' da nactaigui da llo'oxoyec.

Daniel 9:25

Qaq iuen da 'auaỹaten qataq 'auaỹateeteguet de'era, 'eeta': Chegoqchiguiña qome cam laloqo' da qaỹamaxasoxoolec da qañe'eguelaxatsheguem qataq da qaltaq qano'oxoosheguem ye Jerusalén, nache ivitta'a ca lviraxac cam nataxala' maye nca'aguishec, nache ỹapacrauec qome caua siete semanas, qataq ca nqa'aicpi qataq ca npaqtaxanaxatpi maye qaltaq qano'oxoosheguem qome ye Jerusalén qalaq huetaiguilo caua sesenta y dos semanas, qalaxaye huaigui qome ca lta'araic naquicoxo.

Daniel 11:12

Qaq que'eca lauegaxanaxac camaye, qataq souaxat da qalota ca ỹalauat npa'aguenaxauapi, nache ỹo'ot qome da nlaxagui da ño'oxonnaxac, qalaxaye da la'añaxac camaye saishet qome da qaỹa'ague,