Daniel 8:23 - La'aqtaqa Ñim Lo'onatac 'Enauacna 2013

²³ Qaq qom ivita ca loga't da la'añaxac que'ecaua nta'al, qataq qom mashe ỹapacauec da qauem, nache nachaañi qome ca 'oonolec nta'a maye qaica ca iren, qataq ño'oxonnaxaic nache talec qome da no'onataxanaxac.

Daniel 8:23 Referans Kwoze

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

1 Timoteo 4:1

So Saqcha'a Na'añaxac Qui'itta ỹataqta ỹataqtegue da la'aqtaxanaxac da ỹa'axattra'agueta caua pa'atre'c na'axa'te da huo'o qome na ỹaxaañi da lpi'iỹaxac Ñim Lo'onatac 'Enauacna. Cha'aye ỹatenachet na saqcha'a tenataxanaxaicpi, qataq ỹalaxaguet na lapaxaguenataxanaxacpi nam lamaxashecpi so pa'aguenataxanaxaic.

Daniel 7:20

Qaq aỹem nataqa'en sauotaique da ỹoqta saỹateeta ca naigui asa'aso diez lcouepi, qataq aso lcoue maye saq 'amaqtaq, qataq som alap maye huo'o da napagaqaanaxac da detaqtac, qaq asa'aso saq 'amaqtaq lcoue ivitta'a da napacaleguete soua lỹa't lcoue, nache soua tres lỹa't lcoue naayiñi da yaqto' huo'o ca ldaqa' asomaye.

Daniel 7:11

Qaq aỹem semeteetac, ỹataqta seleuagui souaxat naua napagaqaanaxaiqa la'aqtaqa maye nasaxare'c aso saq 'amaqtaq lcoue, qaq so ñaq semeteetac, nache sauaachigui da qaỹalauat so shiguiỹac lta'araic, nache ỹataqta qaichecapigui, ime nache qaỹasaxangui so norec da yaqto' ỹavic.

Daniel 7:8

Qaq so ñaq selota'a aso lcouepi somaye, nache sauaachigui da chegoqchiguingui asomayepi, da nnoxoosheguem aso lcoue lỹa maye saq 'amaqtaq, qaq huaña nache qanapo'c soua tres lcoue, da yaqto' huo'o ca ldaqa' asom pa'atec lcoue maye nnoxoosheguem, qaq asomaye huo'oi naua la'ai'te, 'eeta'am na shiỹaxaua, qataq huo'o so alap maye qalota da napagaqaanaxac da detaqtac.

Daniel 7:25

Qataq isheueetac qome Ñim Nataxala' maye Nataỹaña 'Enauacna, qataq nquigaxattañi qome nam nhuo' le'ecpi maye lalamaxat Ñimaye, qataq nmitaique qome ca lataxac da naralaxat na lqataxacpi Ñim Lo'onatac 'Enauacna, qataq nam lataxacpi da na'amqaanataxanaxac, nache na nhuo' le'ecpi maye lalamaxat Ñim Lo'onatac 'Enauacna, huetalec qome da la'añaxac camaye, choche ivittre'c caua tres vi'iye qataq ca laiñi ca lỹa vi'i.

Daniel 8:25

Qaq souaxat da sanqalat, nache da latenataxanaxac dauegaxaatai'. Qataq nlaxagui qome da ño'oxonnaxac, nache ique'elaxat qome da ỹalauat ca qalota shiỹaxauapi maye pe'etega camaye. Qataq dataỹa'aguet qome ca lta'a na nta'alpi, qalaxaye camaye qailaxachigui qome.

Ezequiel 38:16

nache 'auloquiaxan ye ỹalamaxat nhuo' Israel le'ecpi. 'Am Gog 'amattalec qome ye 'alhua qoneta'am ca napo. Qaq que'ecaua pa'atrec na'axa'te, nache 'am ñanacot qome da 'auloquiaxan yem hueta'a ye ña'alhua, yaqto' 'am chegoqchigui ñaqa'en da na laỹepi ỹotta'a't shiỹaxauapi ỹaỹaten qome, da sachaxana namayepi da qui'itta ỹataxac.

Ezequiel 38:8

Cha'aye qom huo'oi caua inoxoorec vi'iye, nache 'am samaq da 'auloquiaxan yem 'alhua maye huetaigui co'ollaxa da nloquiaxac, qalaxaye mashe qaltaq ỹe'eguelaxa da na'ayiñi, yem nhuo' le'ecpi maye nlagaxattac co'ollaxa, nache ỹalecta'aguet na qalota ỹotta'a't shiỹaxauapi, qataq qailaxachigui co'ollaxa, qalaxaye qaltaq ỹe'eguelaxa da laỹona't da hueta'a aye qasoxonaxapi ye Israel. Yem chegoqta'a co'ollaxa na qalota 'alhuapi, qaq nagui qalaq ỹe'emaqtac.

Daniel 11:24

Qaq qom mashe qaica ca qaỹauotaique, nache camaye inoxotaua'a qome cam ỹataqta no'on 'alhua yem qanayeuta'a, nache ỹo'ot cam saishet co'ollaxa da ỹo'ot som hua'au lta'alpi, nache camaye ỹanoigui qome ca nalleppi cam nogoxoshetpi, qataq nsallaxa maye ỹachegoxotaigui que'eca alaataxac. Ime qaltaq lapaxañi qome cam lataxac da iloquiaxan cam huaqta'a't nỹecpi maye qampaxattaua'a, qalaxaye saqaỹauec qome ca huaigui ca l-loquiaxanataxanaxac.

Daniel 11:21

Qaq qom mashe ileu camaye, nache cam lo'onataxanaxac talec qome cam shiỹaxaua maye ỹataqta nqaigaxat cam saishet da taiguet da nta'a, qaq ỹoxottañi qome nam qauem maye 'eetapeguecpi, qaq camaye deuotaxanec qome da no'onataxanaxac ỹachegoxotchigui dam latenataxanaxac.

Daniel 10:14

Qaq ỹoqo'oye ñanac nagui da 'am sa'aqtaxanem, dam 'eetec qome na 'arhuo' le'ecpi que'ecaua pa'atrec na'axa'te, cha'aye som 'arauanaqchec co'ollaxa, nache ỹa'axatta'alo que'ecaua na'axa'te.»

Génesis 15:16

Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»

1 Ts 2:16

Qaq ỹoqo'oye naxa da sauoqtaique da sa'aqtaxanaxam na saq judiopi, da yaqto' ivirauga nataqa'en da qanca'alaxatec, qaq namayepi qomi' sa ỹashenema da shenaqtapeguec. Qaq de'era 'eetec namayepi maiche nquigaxattauec da lasouaxashet. Qaq ỹoqo'oye nagui namayepi talec qome da saqca ca 'ena'am nhuaxanaguec maye chegoqo'ot Ñim Lo'onatac 'Enauacna.

Mateo 23:32

¡Qaq no'on da qami' ỹataqta qaumacheeta dam ỹo'ot co'ollaxa som hua'au qarta'ailpi!

Deuteronómio 28:50

shiỹaxauapi maye ỹataqta chaqaic da lashiguiỹaxac, qataq sa ichoxoreetac ca ỹa'axaiquipi qataq ca ñaqpiolec.

Números 24:24

Cha'aye anac qome aca notaxaquipi nacto'ot na loigue ye Chipre, nache ỹo'ot da nque'eenaxac na Asiria le'ecpi qataq na Éber le'ecpi, cha'aye nataqa'en taỹa'alo da qailaxachiguilo.»

Proverbios 1:6

da yaqto' qaỹaỹateete' naua la'aqtaqa ca ỹaanaxanaxaic, qataq naua lleco naua la'aqtaqa, qataq na laloqnaxanaxatpi, huo'otaq naua ỹoxottrañi, la'aqtaqa.

Daniel 8:22

Qaq soua cuatro lcoue maye nnoxooyishegue'm co'ollaq huacaguec aso hua'auñi lcoue, qalaq naigui da ne'ena 'alhua huo'oi qome caua cuatro lỹa't nta'al, qalaxaye saishet da 'eeta'am da la'añaxac som hua'auchiguiñi.

Daniel 8:24

Qaq camaye ivira'a qome da ỹataqta 'añaxaic, qalaxaye saishet da nachera da maiche la'añaxac, camaye ỹataqta ilaxachigui qome 'enauacna, qataq da huo'o ye ỹo'ot qalaq dauegaxaatai'. Ilaxachigui qome 'enauac nam shiỹaxauapi maye 'añaxaicpi qataq cam qalota na nhuo' le'ecpi maye lalamaxat Ñim Lo'onatac 'Enauacna.