Daniel 8:22 - La'aqtaqa Ñim Lo'onatac 'Enauacna 2013

²² Qaq soua cuatro lcoue maye nnoxooyishegue'm co'ollaq huacaguec aso hua'auñi lcoue, qalaq naigui da ne'ena 'alhua huo'oi qome caua cuatro lỹa't nta'al, qalaxaye saishet da 'eeta'am da la'añaxac som hua'auchiguiñi.

Daniel 8:22 Referans Kwoze

Daniel 11:4

Qalaxaye qom mashe ỹaỹamaxañi ca lo'onataxanaxac camaye, nache ca lo'onataxanaxac colaxagui qome cuatro caua lpa'axaco. Qaq da la'añaxac que'eca nta'a, saishet qome da talec ca llalaqpi, qataq nataqa'en que'eca no'onataxanaxac qaica qome ca la'añaxac, saishet da 'eeta'am cam hua'auchiguiñi, cha'aye mashe colaxagui, nache anac qome ca laỹepi nta'alpi da talec que'eca no'onataxanaxac.

Daniel 8:8

Qaq som quetaq lhuaraic, ỹataqta nquictauec da la'añaxac, qalaxaye so ivita da ỹataqta lta'araic da la'añaxac, nache aso late'erai lcoue huacaguec, qaq so lma' asomaye nache chegoqchiguiñalo soua cuatro lcoue maye ilotra'ague naua cuatro laỹel ana 'alhua.

Daniel 8:3

Qaq so ñamatasheguem nache sela'a so qagueta lhuaraic neto'ot na loigue aso tala. Qaq somaye dos soua lcoue logorail, qaq aso 'oonole soomaye nca'ataxanauo da ñaxat, qalaxaye ỹataqta logorai napacalec aso lỹa.

Daniel 7:6

Qaq so lỹa shiguiỹac qalaq 'eeta'am na sauaxaic, qalaxaye cuatro soua laua't netrelec na l-laq, qaq nataqa'en sela'a da cuatro soua lqaigo, qataq qoỹanem da la'añaxac da ilo'ogue da no'onataxanaxac.

Daniel 8:21

Qaq so quetaq lhuaraic, qalaq naigui ñi nta'a ye Grecia, qaq aso late'erai lcoue somaye, maye ñichiguinguilo soua la'ai'te, qalaq nacheca qome ca la'auaxanec nta'a.

Daniel 8:23

Qaq qom ivita ca loga't da la'añaxac que'ecaua nta'al, qataq qom mashe ỹapacauec da qauem, nache nachaañi qome ca 'oonolec nta'a maye qaica ca iren, qataq ño'oxonnaxaic nache talec qome da no'onataxanaxac.

Zacarías 6:1

Aỹem, qaltaq huo'o so lỹa ỹauanaqchec, sela'alo soua cuatro naigona alaataxaqui', chegoqchiguinguilo soua dos qasoxonaxal maye ndota't na bronce.

Daniel 7:7

Qaq som pa'atec shiguiỹac maye sela'a co'ollaq huaigui so ỹauanaqchec, somaye ỹataqta chaqaic, qataq ỹo'ot da ñi'iỹaxa, qataq qaica ca 'ena'am da la'añaxac. Somaye huo'oi soua ỹataqta late'el lhue lcat, nache chec 'enauac nam huo'o, qataq icolaxattac, qataq petapigui nam lli'iỹoxot. Qaq se'eso shiguiỹac ỹataqta huaỹoqtec da lataxac, saishet da 'ena'ama soua lỹa't maye sela'alo co'ollaq sechoxootac, cha'aye na lqaic somaye diez aso lcouepi.