Daniel 8:21 - La'aqtaqa Ñim Lo'onatac 'Enauacna 2013

²¹ Qaq so quetaq lhuaraic, qalaq naigui ñi nta'a ye Grecia, qaq aso late'erai lcoue somaye, maye ñichiguinguilo soua la'ai'te, qalaq nacheca qome ca la'auaxanec nta'a.

Daniel 8:21 Referans Kwoze

Daniel 11:3

Qalaxaye qaltaq nachaañi qome ca lỹa nta'a maye alaataxaic, nache camaye nquictauec qome da la'añaxac da lo'onataxanaxac, nache maiche ỹoiqueetac cam ỹo'ot.

Daniel 10:20

Nache somaye aỹem 'enapega, 'eeta': ¿'Auaỹaten peta'a da ta'ainco' da 'am ñanaỹa? Cha'aye nagui she'eguelaxa da qaltaq selogui' ñim namaxashec maye ilotague' da no'onataxanaxac ye Persia. Qaq qom ime da selogui' ñimaye, nache anac qome ñi namaxashec maye ilotague' da no'onataxanaxac ye Grecia.

Daniel 8:20

So qagueta lhuaraic maye dos soua lcoue, somaye naigui nam nta'alpi ye Media qataq ye Persia.

Daniel 8:22

Qaq soua cuatro lcoue maye nnoxooyishegue'm co'ollaq huacaguec aso hua'auñi lcoue, qalaq naigui da ne'ena 'alhua huo'oi qome caua cuatro lỹa't nta'al, qalaxaye saishet da 'eeta'am da la'añaxac som hua'auchiguiñi.

Daniel 11:2

Qaq nagui 'am sa'aqtaxanem dam ỹataqta 'eesa lataxac. Ye Persia huo'oi qome caua tres nta'al, qaq qom ime nache huo'o qome ca lỹa nta'a, qaq camaye sallaxanec qome napacaleguete caua lỹa't tres nta'al, qaq qom huo'o da la'añaxac souaxat da lsallaxa, nache naỹamaxat qome da dataỹa'aguet da lo'onataxanaxac na lta'alpi ye Grecia.

Daniel 2:39

Qaq 'am nta'a, qom ime de'era 'aro'onataxanaxac, nache huo'o qome ca lỹa nta'a maye nquicchiguiñi da la'amaqchec, qaq qom ime camaye nache huo'o ca lỹa nta'a maye nachera da naigui so lcat bronce, nache camaye ilo'ogue qome 'enauac ana 'alhua.

Daniel 7:6

Qaq so lỹa shiguiỹac qalaq 'eeta'am na sauaxaic, qalaxaye cuatro soua laua't netrelec na l-laq, qaq nataqa'en sela'a da cuatro soua lqaigo, qataq qoỹanem da la'añaxac da ilo'ogue da no'onataxanaxac.

Zacarías 9:13

Cha'aye mashe sechegaxaalec na ichecnec da ñalat, maye nachena na Judá, qataq mashe sanagui ana ichecna, maye nachena na Efraín. Qaq 'am Sión, nache 'am qome da 'am ỹainec, qataq sanem qome, na 'aỹa'alaqpi da dataỹa'aguet na llalaqpi ye Grecia.»