Daniel 8:19 - La'aqtaqa Ñim Lo'onatac 'Enauacna 2013

¹⁹ nache aỹem 'enapega, 'eeta': «Aỹem 'am sa'aqtaxanem cam qanayeuaigui qom inoxonec cam huaigui da layeloxo Ñim Lo'onatac 'Enauacna, cha'aye so 'arauanaqchec ỹa'axatta'a cam loga't 'enauacna.

Daniel 8:19 Referans Kwoze

Habacuc 2:3

Qaq na'aictoxo' de'era 'arauanaqchec da ñaq qaỹoqta cam laloqo' da yo'oq, qalaxaye damaye ipacchigui qome. Qaq 'am ñaq 'auata'a qome damaye na'aictaxa da qaỹaloqta, cha'aye damaye ỹataqta ipacchigui qom ivita ca laloqo'.

Apocalipsis 17:17

Qaq Ñim Lo'onatac 'Enauacna ỹasheetema se'esoua diez nta'al da ipaqueelec da ỹo'ot da maiche iuennatega co'ollaxa Ñimaye. Ỹoqo'oye ỹo'oteque da 'oonolec da lhuennataxa'c soomaye, da yaqto' ỹanema da la'añaxa'c so shiguiỹac leguemaxaic. Qaq huaña, nache soomaye ỹalaxareguet so shiguiỹac leguemaxaic, choche ivitta'a da ipacchigui 'enauac nam 'eetapeguecpi Ñim Lo'onatac 'Enauacna.

Daniel 11:27

Qaq huaña nache que'ecaua dos nta'al, nda'a't qome da lhuennataxac da nque'emaqchettega't, qataq qom nso'ooyiñi da datatralec ca nquia'axala' qalaq natenachetta'a't, qalaxaye ñi 'oonolec que'ecaua nta'al, saỹañoxot cam 'eetapeguec, cha'aye saxanaxa qome da ivita cam laloqo'.

Apocalipsis 15:1

Qaq aỹem sela'a so hueto'ot na piguem ỹataqta sa qaỹauanapega: soua siete namaxa'she piguem lashe', ỹacheta'ape soua pa'atre'c napaxaco maye talec naqa'en qome ana 'alhua. Qaq qom ime de'era, nache da layeloxo Ñim Lo'onatac 'Enauacna vi'iiguet.

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

Apocalipsis 1:1

Ñim Lo'onatac 'Enauacna ỹachaxana So Jesucristo, nam mashe nayeeta'a da yo'oq da yaqto' Somaye ỹaỹaanaxanaxanec na lo'onataxanaxanecpi. Qaq ỹoqo'oye So Jesucristo da'aqtaxanem so Juan maye lamaxashec, ỹachegoxotchigui so lamaxashec piguem le'ec Ñim Lo'onatac 'Enauacna; qaq so Juan, nache ỹiyiñi 'enauac de'era na'aqtaxanaxac maye ỹataqta 'eesa.

Daniel 8:23

Qaq qom ivita ca loga't da la'añaxac que'ecaua nta'al, qataq qom mashe ỹapacauec da qauem, nache nachaañi qome ca 'oonolec nta'a maye qaica ca iren, qataq ño'oxonnaxaic nache talec qome da no'onataxanaxac.

Lucas 21:23

Qaq ¡choxoraale qome aca 'alo maye hualaxai qataq acam ña illepaxaatac ca llalec! Cha'aye 'enauac nam huetalec ne'ena 'alhua, huo'o qome ca lta'araic nque'eenaxac qataq ca nhuaxanaguec.

Salmos 102:13

Qaq da 'anachaañi qome nache huo'o da 'archoxonnataxanaxa ye Sión, cha'aye mashe ivita ye laloqo' da 'auchoxoren, qataq mashe ivita ye laloqo' maye 'icchiguiña co'ollaxa.

Daniel 12:4

Qalaxaye 'am Daniel, saishet qome da 'aua'axattac de'era, qataq 'aunana't ana'ana nere, nache 'autoqoolec aca 'ara'anaxanaqte da 'auapogui, choche ivitta'a qome da ivita cam loga't. Qalota qome ca shiỹaxauapi maye coleetega't, nmittaique da nquigaxatec da lauattonaxanaxac.