Daniel 8:17 - La'aqtaqa Ñim Lo'onatac 'Enauacna 2013

¹⁷ Qaq huaña, nache somaye aỹem nquigueua'a. Qaq aỹem ỹataqta she'e, nache sa'alyiñi naua illecte, seviraxata'aguet na ỹatap na 'alhua, qalaxaye somaye aỹem 'enapega, 'eeta': «'Am shiỹaxaua llalec, iuen da 'auaỹateeta de'era 'arauanaqchec da ỹa'axatta'alo caua pa'atrec na'axa'te.»

Daniel 8:17 Referans Kwoze

Daniel 8:19

nache aỹem 'enapega, 'eeta': «Aỹem 'am sa'aqtaxanem cam qanayeuaigui qom inoxonec cam huaigui da layeloxo Ñim Lo'onatac 'Enauacna, cha'aye so 'arauanaqchec ỹa'axatta'a cam loga't 'enauacna.

Daniel 12:4

Qalaxaye 'am Daniel, saishet qome da 'aua'axattac de'era, qataq 'aunana't ana'ana nere, nache 'autoqoolec aca 'ara'anaxanaqte da 'auapogui, choche ivitta'a qome da ivita cam loga't. Qalota qome ca shiỹaxauapi maye coleetega't, nmittaique da nquigaxatec da lauattonaxanaxac.

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

Habacuc 2:3

Qaq na'aictoxo' de'era 'arauanaqchec da ñaq qaỹoqta cam laloqo' da yo'oq, qalaxaye damaye ipacchigui qome. Qaq 'am ñaq 'auata'a qome damaye na'aictaxa da qaỹaloqta, cha'aye damaye ỹataqta ipacchigui qom ivita ca laloqo'.

Daniel 12:13

Qalaxaye 'am Daniel, nache qoqueta qome, choche 'avitta'a cam 'oga't nache 'anmatec, cha'aye caua pa'atrec na'axa'te nache 'anachaañi qome da yaqto' 'auaconeguet ca 'ansheetenaguec.

Daniel 11:40

Qaq qom ivita que'eca loga't, nache ca nta'a maye lma' da taguiñi, iloquiaxan ca nta'a maye lma' da sheu', qalaxaye que'eca nta'a maye lma' da sheu', ca'ata'aguet qome camaye, nache 'eeta'am ca la'at lta'araic da iloquiaxan ca nta'a maye lma' da taguiñi, nache aca nnaigonapi maye alaataxaquipi imattalec qome que'eca 'alhua, qataq ca qalota nalleppi maye netalec na caipi, qataq aca qalota notaxaquipi da quiguingui na 'etaxat.

Apocalipsis 22:8

Qaq aỹem Juan sa'aqchigui qataq sauaachigui 'enauac ne'enapi. Qaq can ime da sa'aqchigui qataq sauaachigui, nache aỹem sa'aroto naua illecte so namaxashec piguem le'ec maye aỹem ỹachaxaatega 'enauac ne'ena da sauotaique da ñatamnot.

Ezequiel 1:28

'eeta'am da lataxac so quemoxonalo da nachaxan huetaigui na lo'oc na piguem da ime na auot. Qaq 'era da 'eetec da aỹem nachaxana da llo'oxoyec Ñim Nataxala'. Qaq co'ollaq sela'a nache sa'alyiñi naua illecte nache seviraxata'aguet na ỹatap na 'alhua.

Mateo 17:8

Qaq soomaye co'ollaq ñiyishegue'm, nache saishet da huo'o ca lỹa ilora'a, nachaqsota So Jesús.

Daniel 10:16

Qalaxaye se'eso aỹem nachatto'ot maye 'eeta'am ca shiỹaxaua, ipoteua'a na aỹap qaq ỹoqo'oye seshet da setaqa, nache shenapega somaye sheeta': «'Am Nataxala', de'era ỹauanaqchec ỹataqta aỹem nlaxagui naqa'en da ỹaquicoxo, qataq ỹo'ot da qaica ca ỹa'añaxac.

Daniel 10:11

Ime, nache aỹem 'enapega, 'eeta': «'Am Daniel maye 'am lauotaxat Ñim Lo'onatac 'Enauacna, ñaq 'ana'axaỹaxaachigui dam 'am sa'axatem: ñaq qoñisheguem, cha'aye aỹem qanamaq da 'am ñanaỹa.» Qaq so choche ime da nasaxauec se'eso la'aqtac, nache aỹem ñachaañi qalaxaye ñaq seviloxoltai'.

Daniel 9:27

Qaq huaigui qome ca lỹa la semana nache que'eca nta'a naỹamaxate' qome ca qalota shiỹaxauapi, qalaxaye ca laiñi que'eca la semana, nache ỹa'axaneguet qome na nachetaqtaxanaxatpi maye qaỹavigaxatta, qataq ana laỹe nachetaqtaxanaqtepi. Qaq huo'o qome ca ỹataqta qauem qaỹo'ot da hualec qanqa'en añi nca'atoxonaxalate maye lmalate na nachetaqtaxanaxat qaỹavigaxatta, nache ivitta'a da cam nlaqtaxanaxac maye qalapaxañi co'ollaxa talec cam ỹo'ot de'era qauem.»

Daniel 9:23

Cha'aye co'ollaq choche 'anatamen, nache Ñim Lo'onatac 'Enauacna 'am ỹasateguet. Qaq aỹem ñanac da 'am sa'axatem dam lasataxac Ñimaye, cha'aye Ñim Lo'onatac 'Enauacna ỹataqta 'am ỹauotec. Qaq nagui, ỹataqta 'ana'axaỹaxaachigui de'era, yaqto' 'auaỹateeta da naigui som 'arauanaqchec:

Daniel 8:15

Qaq aỹem Daniel so ñaq semeteetac se'eso ỹauanaqchec qataq sauotaique da saỹaten cam naigui, nache nque'elaxatta da nachattot aỹem so 'eeta'am na shiỹaxaua,

Daniel 2:46

Qaq huaña nache so nta'a Nabucodonosor, ỹa'aroto naua l-llectel so Daniel, qataq nqollemñi nache iviraxata'aguet na latap na 'alhua, ime nache damaxasoxoolec da qoỹaneuo aca nachetaqtaxanaqte qataq ca nchenaxanaxat maye ama na laita.

Ezequiel 6:2

«Ña 'auamata'a qome aye qasoxonaxapi ye Israel, nache 'aua'aqtaxanem qome da ỹa'aqtac

Génesis 17:3

Qaq huaña, nache so Abram ỹa'alyiñi naua l-llecte, nache iviraxata'aguet na latap na 'alhua, qaq Ñim Lo'onatac 'Enauacna, nache queto'ot da detaqtacot somaye, 'eeta':

Ezequiel 44:4

Qaq ime nache se'eso shiỹaxaua qaltaq aỹem ỹauega som ñegueuo maye pa'aỹa'ague da sheu', maye datateguet aso atamnaxaqui. Huaña nache sela'a da llo'oxoyec Ñim Nataxala' da nlaxatchigui aso atamnaxaqui, nache aỹem sa'alyiñi naua illecte qataq seviraxata'aguet na ỹatap na 'alhua.

Daniel 7:16

nache ñiquigueua'a so 'oonolec maye hueta'a yi'iye nachattañi, nache seỹaxanot da aỹem da'aqtaxanem cam naigui 'enauac se'eso sauaachigui. Nache somaye ỹasat da aỹem da'aqtaxanem, nache, 'eeta':

Daniel 8:27

Qaq Aỹem Daniel, ñanomteguet co'ollaxa da qaica ca ỹa'añaxac, nache huo'oi soua na'axa'te da aỹem sa no'on. Qaq so huo'o da ỹa'añaxac nache soosheguem da qaltaq souapegue' nam no'onatacpi maye aỹem ỹamaxalec so nta'a. Qalaxaye ỹataqta saishet da samaguiñi, souaxat se'eso ỹauanaqchec co'ollaxa, cha'aye aỹem saishet da saỹateeteguet somaye.

Ezequiel 2:1

Qaq so ime de'era, nache sa'axaỹa so nvilỹaxac, 'eeta': «'Am shiỹaxaua 'anachaañi, cha'aye Aỹem 'am setaxaỹapegue'.»

Daniel 11:27

Qaq huaña nache que'ecaua dos nta'al, nda'a't qome da lhuennataxac da nque'emaqchettega't, qataq qom nso'ooyiñi da datatralec ca nquia'axala' qalaq natenachetta'a't, qalaxaye ñi 'oonolec que'ecaua nta'al, saỹañoxot cam 'eetapeguec, cha'aye saxanaxa qome da ivita cam laloqo'.