Daniel 8:16 - La'aqtaqa Ñim Lo'onatac 'Enauacna 2013

¹⁶ nache sa'axaỹa so lavilỹaxac na shiỹaxaua chemaqteuga aso tala Ulay maye, 'eeta': «Gabriel, 'aua'aqtaxanem de'era shiỹaxaua dam naigui so lauanaqchec.»

Daniel 8:16 Referans Kwoze

Lucas 1:26

Aso Elisabet mashe ivi' soua seis ca'agoxoiqa da hualaxai, co'ollaq Ñim Lo'onatac 'Enauacna ỹamaxa so lamaxashec Gabriel ye nỹecpi Nazaret, maye huaigui ye 'alhua le'enaxat Galilea,

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Daniel 8:2

Qaq so sootaigui so ỹauanaqchec, nache 'eeta'am ñaqa'en da soota'a ye huaqta'a't nỹecpi ye Susa, maye huaigui ye 'alhua Elam, maye hueto'ot na loigue aso tala Ulay.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Hechos 10:13

Nache somaye hua'axaỹa so na'aqtac 'eeta': –Pedro, 'anachaañi, 'auauo'o ca 'aualauat ne'enapi, nache qollec.

Hechos 9:7

Qaq soua ỹale't maye nnaictagueto so Saulo, soomaye ỹataqta ñi'i', cha'aye soomaye hua'aqchiguilo co'ollaxa so na'aqtac, qalaxaye saishet da huo'o ca ilora'a.

Zacarías 2:4

nache 'enapega som namaxashec maye aỹem nallegoqtot, 'eeta': «'Auachegaqañi da 'aucaalec se'eso nsoqolec, maye ỹachetac so naloqnaxanaxat da huo'o na qanaloqten, nache 'aua'aqtaxanem, qoneta': ‹Na Jerusalén qaltaq ỹe'eguelaxa qome da qanayenaña, qaq ỹataqta qalota qome na hueta'a shiỹaxauapi qataq na na'atetpi, nache ivitta'a qome da qaica ca lpaqtaxat.

Zacarías 1:9

Nache aỹem senataxan, sheeta': «'Am Nataxala', ¿negue't de'era ỹalleppi maye netasheguem?» Qaq som namaxashec piguem le'ec maye aỹem detaqtague', aỹem ỹasateguet, 'eeta': «Aỹem 'am sa'aqtaxanem qome negue't damayepi.»

Daniel 10:21

Qaq nagui 'am sa'axatem dam nanettalec aso nere maye lmalate da 'eesa lataxac: Dam iloquiaxac da sataỹa'agueta yeemaye qalaq nachesota so Miguel da aỹem itauan, som namaxashec maye ilotague' da no'onataxanaxac ye Israel.

Daniel 10:14

Qaq ỹoqo'oye ñanac nagui da 'am sa'aqtaxanem, dam 'eetec qome na 'arhuo' le'ecpi que'ecaua pa'atrec na'axa'te, cha'aye som 'arauanaqchec co'ollaxa, nache ỹa'axatta'alo que'ecaua na'axa'te.»

Apocalipsis 1:12

Qaq can ñamata'ague na ilaq da sechemaxata som aỹem detaqtacot, nache sela'alo soua siete ncoỹaraxanaxaqui' maye chegaqaiguilo na ndotec oro.

Daniel 7:16

nache ñiquigueua'a so 'oonolec maye hueta'a yi'iye nachattañi, nache seỹaxanot da aỹem da'aqtaxanem cam naigui 'enauac se'eso sauaachigui. Nache somaye ỹasat da aỹem da'aqtaxanem, nache, 'eeta':