Daniel 7:9 - La'aqtaqa Ñim Lo'onatac 'Enauacna 2013

⁹ Qaq so ñaq semeteetac somaye, nache qaỹauo'o aso so'onaxaquipi, nache huo'o so 'oonolec ỹa'axaiquiolec nso'ooñi. Qaq soua alogo somaye ỹataqta ỹapaga'q 'eeta'am ana aloñi, qaq na laue qalaq 'eeta'am na qui'itta qagueta laue. Qaq na le'eraxa asom nso'onaxaqui, qataq soua lasaxannal asomaye, qalaq 'eeta'am na le'eraxa na norec,

Daniel 7:9 Referans Kwoze

Apocalipsis 1:14

Qaq na laue somaye qaica ca 'ena'am da lapagaxa, 'eeta'am da lapagaxa na qagueta laue, qataq ivira'a da 'eeta'am da lapagaxa ana aloñi. Qaq naua la'ai'te qalaq 'eeta'am na le'eraxa na norec.

Marcos 9:3

Soua alogo ỹataqta qashelectrapiguiñi qataq ỹataqta qaica ca 'ena'am da lapagaqa', saishet da huo'o ca ivi' ana 'alhua.

Mateo 17:2

Huaña yemaye, nache nqochen da lataxac, ỹauaachiguilo soomaye. Na lashec co'ollaxa Somaye ỹataqta 'eroigui, 'eeta'am añi nala', qaq soua alogo qalaq ỹataqta ỹapaga'q, 'eeta'am na le'eraxa añi nala' da mashe laiñi ye na'a'q.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Daniel 7:22

choche ivitta'a da nvi' so ỹa'axaiquiolec, nache da do'onataxana da nalochiguiñi lataxac da nmit na nhuo' le'ecpi maye lalamaxat Ñim Nataxala' maye Nataỹaña 'Enauacna, cha'aye mashe ivita so laloqo' da nam nhuo' le'ecpi maye lalamaxat Ñim Lo'onatac 'Enauacna ỹaconeguet da no'onataxanaxac.

Daniel 7:13

Qaq aỹem nache shecto'ot da semeteetac som ỹauanaqchec se'eso pe. Nache nque'elaxatta da: Sela'a so 'eeta'am na shiỹaxaua llalec nactaigui so lo'oc na piguem, nache somaye taỹa so hueta'a som ỹa'axaiquiolec, nache qanquigaxateua'a so hueta'a somaye.

Apocalipsis 19:18

Yaqto' qolliqui na lapat na nta'alpi, qataq na huataxanaq lta'alpi, qataq nam 'añaxaicpi alaataxaicpi. Nataqa'en qolliqui na lapat na caipi, qataq nam netalecpi; qataq qolliqui 'enauac na ỹotta'a't lapat na shiỹaxauapi, nam huesochiguiñipi qataq na nlatacpi, qataq na 'amaqtaqaicpi qataq nam qaica ca la'amaqchecpi.»

Filipenses 3:9

qataq yaqto' aỹem qaila'a da ña'attaua'a So Cristo. Qaq saishet da chegoqchigui da no'on ỹataxac souaxat da salaxaguet na namaxasoxonaxacpi, nacherata da no'on nataxac maye ỹanem Ñim Lo'onatac 'Enauacna cam ỹa'amaqten So Cristo, dam no'on nataxac maye chegoqchigui da npi'iỹaxac.

Hechos 2:33

Qaq ỹoqo'oye Ñim Lo'onatac 'Enauacna ỹacoosop da ỹaueegue da piguem, nache ỹana'ague da aloic. Huaña, nache Somaye ỹaconeguet So Saqcha'a Na'añaxac Qui'itta maye ỹachaxanapeguem co'ollaxa Ñim Lta'a da ỹanem Somaye. Ime, nache Somaye qomi' ỹanema se'eso Saqcha'a Na'añaxac Qui'itta maye nataqa'en qomi' ỹachaxanapecoto co'ollaxa. Qaq nachera de'era qauloitagui qataq qaua'aqaitega nagui.

Hechos 2:30

Qalaxaye so David ye la'aqtaxanaxanec Ñim Lo'onatac 'Enauacna. Nache somaye ỹaỹaten da Ñim Lo'onatac 'Enauacna ỹachaxanapecot somaye da chegoxoguet qome ca lta'a na Israel le'ecpi.

Habacuc 1:12

'Am Nataxala', ¿saisheto' da nache qonetai' da 'anca'altauec, 'Am Ñatamnaxala' maye Qui'itta qataq sa 'ameuo? 'Am Nataxala' maye 'am ipaqtaxanaxat 'am 'aỹa'anem co'ollaxa da la'añaxac nam caldea le'ecpi, da yaqto' namayepi ỹacoolec da ỹo'ot da 'arhuaxanaxanaxac.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Salmos 90:2

Co'ollaq saxanaxa da huo'o ana qasoxonaxapi, qataq saxanaxa da yo'oq ana 'alhua qataq 'enauac na huetalec, chegoqchiguiña co'ollaq la'atchiguiñi 'enauacna, qataq ivitta'a ca pa'atec na'a'q, da nache 'amta da 'Am Atamnaxala'.

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Salmos 45:8

Qaq 'enauac na 'ogoxot ỹataqta quichigui da laitaỹaxac na coraxat maye chegaqaigui ana mirra, áloe, qataq ana canela. Qataq da l-lamaxa ana nviquepi maye huo'oi naua lque'ete, ỹo'ot da 'antonaxac da qouetaigui ca nỹec lta'araic maye llo'oxoraxat na marfil.

1 Juan 1:5

So Jesucristo qomi' ỹapaxagueneque da Ñim Lo'onatac 'Enauacna yo'oqchiguiñi qataq cam hueta'a Ñimaye qalaq qaica ca napalaxa. Qaq 'era dam qara'aqtaxanaxac maye qami' sa'aqtaxanaxama.

Mateo 28:3

Qaq se'eso namaxashec piguem le'ec ỹataqta 'eroigui, 'eeta'am na nqashelgaxa, qataq soua alogo ỹataqta ỹapaga'q, 'eeta'ama ana aloñi da lapagaqa'.

Apocalipsis 4:2

Qaq nache saqaỹaloq da souaigui da la'añaxac So Saqcha'a Na'añaxac Qui'itta, nache sela'a aso 'eeta'am ana nso'onaxaqui na nta'a, neto'ot na piguem. Qaq asa'aso so'onaxaqui huo'o so nso'ootangui.

Apocalipsis 20:4

Qaq can ime, nache sela'a aso so'onaxaquipi. Qaq asomayepi nso'ootangui som qaỹalauatpi co'ollaxa, souaxat da saishet da ỹaxanec da lpi'iỹaxac So Jesús, qataq da la'aqtaxanaxac Ñim Lo'onatac 'Enauacna. Somayepi nacheso so saishet da ỹo'oxoren so shiguiỹac leguemaxaic qataq som ne'enaqtac maye lqui'i somaye, qataq saishet da nasheneguet aso la'anaxanaqte da yaqto' qaỹa'an na latap, qataq na lhuaq. Qataq sela'a somayepi da qaltaq nca'alec, nache Ñim Lo'onatac 'Enauacna ỹami' da lo'onataxanaxaua Ñim Lca'aguishec Ñimaye, choche iviraxattraue'c caua mil vi'iye.

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

2 Crónicas 18:18

Nache so Micaías, qaltaq 'enapec: Qaq souaxat de'era 'ara'aqtac, nache nagui qana'axaỹaxañiỹa da la'aqtac Ñim Nataxala', 'eeta': Aỹem selota'a Ñim Nataxala' da nso'ootangui aso nso'onaxaqui, qaq so nalleppi piguem le'ecpi nachattaua'a Ñimaye, huo'o so pa'ata'ague da aloic, qataq da ne'emaq.

Ezequiel 1:26

Qaq na pa'asheguem se'eso 'eeta'am ca lapoxot, qalaq sela'a aso 'eeta'am aca so'onaxaqui maye chegaqaigui na coma' zafiro, qaq na pa'asheguem asa'aso 'eeta'am aca so'onaxaqui, qalaq huo'o so hueta'a 'eeta'am na shiỹaxaua.

Salmos 93:2

Qaq añi 'anso'onaxaqui 'Am Nataxala' ỹataqta sa deraỹai' chegoqta'a co'ollaq cheta'ague da huo'o 'enauacna. ¡Qaq 'Am, nache 'eetai' da 'am huo'o!

Isaías 6:1

Qaq huetoigui so vi'i maye huaigui da ileu so nta'a Uzías, da aỹem sela'a Ñim Nataxala' da nso'ootangui aso ỹataqta qaỹoqotcheguemec nso'onaxaqui, qaq naua laỹel so lapo' qalaq imattaigui aso atamnaxaqui.

Jeremías 49:38

Sanaña qome aca ñeso'onaxaqui ye Elam, nache salauat na lta'alpi qataq na lataxala'pi. Qaq 'era da ỹa'aqtac Aỹem Nataxala'.