Daniel 7:7 - La'aqtaqa Ñim Lo'onatac 'Enauacna 2013

⁷ Qaq som pa'atec shiguiỹac maye sela'a co'ollaq huaigui so ỹauanaqchec, somaye ỹataqta chaqaic, qataq ỹo'ot da ñi'iỹaxa, qataq qaica ca 'ena'am da la'añaxac. Somaye huo'oi soua ỹataqta late'el lhue lcat, nache chec 'enauac nam huo'o, qataq icolaxattac, qataq petapigui nam lli'iỹoxot. Qaq se'eso shiguiỹac ỹataqta huaỹoqtec da lataxac, saishet da 'ena'ama soua lỹa't maye sela'alo co'ollaq sechoxootac, cha'aye na lqaic somaye diez aso lcouepi.

Daniel 7:7 Referans Kwoze

Apocalipsis 13:1

Ime, nache sauaachigui da nnoxoosheguem so shiguiỹac leguemaxaic chegaqangui aso auaxai, somaye diez soua lcouel qataq siete soua lqaigo. Qaq añi 'oonole lcoue ỹaatañi ana naro'o na nta'a, qaq ñi 'oonolec naua lqaigo, nanettalec na ne'enaxatpi maye ỹataqta npa'agueneto Ñim Lo'onatac 'Enauacna.

Apocalipsis 12:3

Ime, qataq yo'oq so lỹa huo'ot na piguem, lta'araic qataq sa qaỹauanapega: Yo'oq so lta'araic shiguiỹac leguemaxaic togaxaraic da lo'oxoỹaxac, qaq somaye siete naua lqaigo, qataq diez soua lcouel. Qaq ñi 'oonolec soua lqaigo ỹaatañi ana naro'o na nta'a.

Apocalipsis 17:12

Qaq se'esoua diez lcoue maye 'auauaachiguilo, naiguilo caua diez nta'al maye saxanaxa da do'onataxa'n; qalaxaye qom do'onataxa'n, nache ivi' una hora da huo'o da la'añaxa'c, qataq ntauneto so shiguiỹac leguemaxaic da do'onataxa'n, 'eeta'am na nta'alpi.

Apocalipsis 17:7

Qalaxaye so namaxashec piguem le'ec aỹem 'enapega, 'eeta': «¿Ta'ainco' ye ỹataqta huo'o da 'are'elaxa? Aỹem nagui 'am sa'axatem dam naigui maye saqcha'a de'era 'arauanaqchec. 'Am sa'aqtaxanem da naigui asa'aso 'alo qataq so shiguiỹac leguemaxaic maye siete naua lqaigo qataq diez naua lcouel maye netalec asomaye.

Daniel 8:10

Qaq asomaye ye ỹataqta nquictasheguem, nache iviro'ot so alleppi maye hueto'ot na piguem, nache huo'o aso naañi naqa'en ana huaqaañipi, nache petapigui,

Daniel 7:13

Qaq aỹem nache shecto'ot da semeteetac som ỹauanaqchec se'eso pe. Nache nque'elaxatta da: Sela'a so 'eeta'am na shiỹaxaua llalec nactaigui so lo'oc na piguem, nache somaye taỹa so hueta'a som ỹa'axaiquiolec, nache qanquigaxateua'a so hueta'a somaye.

Daniel 7:2

«Aỹem so sechoxootac, nache sela'alo soua cuatro la'a'che, maye ỹasheerelec naxa aso auaxai late'erai, nache ỹataqta iraxan na 'etaxat.

2 Samuel 22:43

¡Nache ỹataqta ñelaxatchiguiñi, 'eeta'am ñaqa'en na namoxoỹaxa! ¡Qataq sapigui, 'eeta'am ñaqa'en na nshaxa na nqa'aic!

Apocalipsis 17:8

Se'eso shiguiỹac leguemaxaic maye 'auauaachigui, nacheso so 'oonolec maye nca'altauec co'ollaxa, qalaxaye nagui mashe saqca. Qaq somaye qaltaq nnoxoosheguem qome da chegaqaña cam laponqa' na leuaxaicpi, qalaxaye nachaqrata da yaqto' ima da qailaxachigui. Qaq na shiỹaxauapi maye huetalec ana 'alhua nam saishet da qoỹettaua'a acam lmalate nam qanca'alaxatecpi chegoqchiguiña co'ollaq saxanaxa da qaỹo'ot ana 'alhua, namayepi ỹataqta huo'o da la'aalaxa qom ỹauaachigui se'eso shiguiỹac leguemaxaic maye nca'altauec co'ollaxa, qalaxaye mashe saqca, qalaxaye qaltaq ỹe'eguelaxalec da nca'alec.

Ezequiel 40:2

Nache Ñim Lo'onatac 'Enauacna ỹachaigui so ỹauanaqchec da aỹem ỹauega ye 'alhua ye Israel, nache aỹem ỹanalec aso ỹataqta qaỹoqotcheguemec qasoxonaxa. Qaq dam pa'aỹa'ague da taguiñi asa'aso qasoxonaxa huo'o so lta'araic nỹec, 'eeta'am da lataxac ca huaqta'a't nỹecpi.

Daniel 2:19

Qaq nacheso se'eso pe da so Daniel, qaỹachaxana som saqcha'a, huaigui so lauanaqchec, qaq huaña nache so Daniel ỹo'oxoren Ñim Lo'onatac 'Enauacna maye neto'ot na piguem

Da na'aqtaguec so Job 41:14

¿Negue'tom ca ishet da nauatshegue'm naua alap laỹel, da yaqto' imeten ana ỹataqta huo'o da lchec lhuepi?

Daniel 8:22

Qaq soua cuatro lcoue maye nnoxooyishegue'm co'ollaq huacaguec aso hua'auñi lcoue, qalaq naigui da ne'ena 'alhua huo'oi qome caua cuatro lỹa't nta'al, qalaxaye saishet da 'eeta'am da la'añaxac som hua'auchiguiñi.

Zacarías 2:1

Qaltaq huo'o so lỹa ỹauanaqchec, aỹem sela'a so ỹale nasoqta'a so naloqnaxanaxat da huo'o na qanaloqten.