Daniel 7:6 - La'aqtaqa Ñim Lo'onatac 'Enauacna 2013

⁶ Qaq so lỹa shiguiỹac qalaq 'eeta'am na sauaxaic, qalaxaye cuatro soua laua't netrelec na l-laq, qaq nataqa'en sela'a da cuatro soua lqaigo, qataq qoỹanem da la'añaxac da ilo'ogue da no'onataxanaxac.

Daniel 7:6 Referans Kwoze

Apocalipsis 13:2

Qaq se'eso shiguiỹac leguemaxaic, 'eeta'am da lataxac na quiyoc, qaq naua lchel, qalaq 'eeta'ama ana potai. Qaq na alap qalaq 'eeta'am na lỹa quiyoc. Qaq se'eso hua'auñi shiguiỹac leguemaxaic maye 'eeta'am na na'araxanaq ỹanem da la'añaxac da damaxasoxonapec se'eso shiguiỹac leguemaxaic maye chegaqangui aso auaxai.

Oseas 13:7

Qaq ỹoqo'oye Aỹem sheeta'am qome ca llon, qataq sheeta'am ca quiyoc da huetaua'a na laỹe ca nqa'aic, da soicnapec namayepi.

Daniel 10:20

Nache somaye aỹem 'enapega, 'eeta': ¿'Auaỹaten peta'a da ta'ainco' da 'am ñanaỹa? Cha'aye nagui she'eguelaxa da qaltaq selogui' ñim namaxashec maye ilotague' da no'onataxanaxac ye Persia. Qaq qom ime da selogui' ñimaye, nache anac qome ñi namaxashec maye ilotague' da no'onataxanaxac ye Grecia.

Daniel 7:4

So hua'auchiguiñi da nnoxoosheguem qalaq 'eeta'am na llon, qalaxaye huo'oi naua laua't 'eeta'am na vi'ic. Qaq so ñaq semeteetac, nache qanapo'c soua laua't, nache qanachalataxaañi da 'eeta'am qanqa'en na shiỹaxaua da nachattañi, nache ye lapio'oxo ỹe'eguelaxa da 'eeta'am na lapio'oxo na shiỹaxaua.

Daniel 2:39

Qaq 'am nta'a, qom ime de'era 'aro'onataxanaxac, nache huo'o qome ca lỹa nta'a maye nquicchiguiñi da la'amaqchec, qaq qom ime camaye nache huo'o ca lỹa nta'a maye nachera da naigui so lcat bronce, nache camaye ilo'ogue qome 'enauac ana 'alhua.

Ezequiel 17:3

Nache qoneta': 'Era da la'aqtac Ñim Nataxala': Huo'o so vi'ic ỹataqta lta'araic nvita ye Líbano, soua laua't qalaq ỹataqta late'el, qataq ỹataqta logorail, qataq sansatchiguiñi na laue qataq ỹotta'a't da lo'oxoỹaxac, qaq icheguec so lcom aso 'oonole cedro,

Daniel 7:5

Qaq so lỹa shiguiỹac maye ca'atalec somaye, qalaq 'eeta'am na oso, qalaxaye somaye ỹacasheguem na 'oonolec laỹe, qataq netaguilo naua lhue soua tres ncheshe'ete, nache sa'aqchigui da qoỹenapega, qoỹeeta': ‹¡'Asoma qojec, nache qollec na lapat maicheye da 'auaỹemec!›