Daniel 7:4 - La'aqtaqa Ñim Lo'onatac 'Enauacna 2013

⁴ So hua'auchiguiñi da nnoxoosheguem qalaq 'eeta'am na llon, qalaxaye huo'oi naua laua't 'eeta'am na vi'ic. Qaq so ñaq semeteetac, nache qanapo'c soua laua't, nache qanachalataxaañi da 'eeta'am qanqa'en na shiỹaxaua da nachattañi, nache ye lapio'oxo ỹe'eguelaxa da 'eeta'am na lapio'oxo na shiỹaxaua.

Daniel 7:4 Referans Kwoze

Jeremías 4:7

Qaq ñi llon mashe ca'ai ñim lle'eguenaxaqui, mashe anacta nam ilaxachigui na ỹotta'a't shiỹaxauapi, qaq mashe ca'ai yem na'alhua da naỹa na 'ana'alhua da yaqto' ilaxachigui, qataq toolec naqa'en, qataq nlachiguiñi naqa'en nam 'aralamaxat huaqta'a't nỹecpi.

Ezequiel 17:3

Nache qoneta': 'Era da la'aqtac Ñim Nataxala': Huo'o so vi'ic ỹataqta lta'araic nvita ye Líbano, soua laua't qalaq ỹataqta late'el, qataq ỹataqta logorail, qataq sansatchiguiñi na laue qataq ỹotta'a't da lo'oxoỹaxac, qaq icheguec so lcom aso 'oonole cedro,

Mateo 24:28

'Enauac na shiỹaxauapi ana 'alhua ỹaỹaten da ca huaña da lapona't na teguesanpi, nache ỹaỹaten da hueta'a ca leuaxaic. Qaq nache 'eetec nataqa'en qome da ñanac, nache 'enauac da qaỹaỹaten.

Daniel 4:36

Qaq nache huetoigui se'eso na'a'q da ñetouen, nache aỹem qaỹe'eguelaxatot da ỹa'amaqchec, qataq ỹo'oxoyec, qataq da llo'oxoyec da ỹo'onataxanaxac. Qaq som ỹa'aqtaxanaxanecpi qataq so 'amaqtaqaicpi itauapi anac da aỹem ñe'eguena'a, ime nache qaltaq she'eguelaxa da ỹo'onataxanaxac da selo'ogue na ỹalamaxat nhuo', qaq huaña nache sevira'a da ỹactec da ỹa'añaxac napacalec som hua'auchiguiñi co'ollaxa ỹa'añaxac.

Ezequiel 28:9

¿Qaq nache qoqueto'ot peta'a da qonetega 'am atamnaxala', da 'auatata'aguet ca 'am ỹalauat? ¡Qom 'am loxonec cam 'am ỹalauat qome, qalaq qoneta'am ca choche shiỹaxaua!

Ezequiel 28:2

«'Am Ezequiel, qonapega ñi nta'a ye Tiro, qoneta': Da la'aqtac Ñim Nataxala', 'eeta': Añi 'arquiyaqte ỹataqta nlaqchigui da 'ana'amqaanaxac, qataq qonetega da 'am atamnaxala' cha'aye 'anso'ootangui añi nso'onaxaqui na atamnaxala'pi maye coleesop aso auaxai. Qalaxaye 'am saishet 'am atamnaxala', nacherata da choche 'am shiỹaxaua, maye qonetega 'am hueto'ot ca laỹaanataxanaxac ca atamnaxala'.

Lamentaciones 4:19

Nam qomi' icaata'ape qalaq ỹataqta qayaqaicpi napacalec na vi'ic piguem le'ec, ivira'a da sonaqtalec ana qasoxonaxapi da qomi' icaata'ape, qataq qomi' nqovi'n, ỹanalec na toolec 'alhuapi ana lqoinapi.

Jeremías 48:40

Ñim Nataxala', 'eeta': Na mpa'aguenaxauapi ye Moab anac da iloquiaxan yemaye, 'eeta'am ca vi'ic da ipegueere'c naua laua't.

Jeremías 25:38

Ñimaye nnoxonec 'eeta'am ca llon da chegoqoolec ca lauanaxanaqa', qaq na na'alhua namayepi ỹe'eguelaxa da toolec, cha'aye 'eroigui da layeloxo Ñim Nataxala', nache namaxa namayepi da alaataxac maye ỹataqta chaqaic.

Jeremías 4:13

Ña qauloỹa nam pa'aguenaxauapi mashe anacta, 'eeta'am na lo'oc na piguem, ana nnaigonapi maye nalaataxaquipi qalaq 'eeta'am ana daua'ache, qaq na lalopi caipi qalaq ỹataqta qayaqaicpi napacalec na vi'icpi. ¡Choxoraiqolqa qomi' mashe seqataq!

Salmos 9:20

'Am Nataxala' ñaq 'auauo'o qome da lcolanaxa namayepi, yaqto' namayepi ỹaỹaten da choche shiỹaxauapi.

Da na'aqtaguec so Job 25:6

¡qaq taloxoche sa nache 'eeteco' na shiỹaxauapi, maye 'eeta'am na qoche'lolec da qaica ca naigui!»

2 Samuel 1:23

So Saúl qataq so Jonatán, soomaye ỹataqta auochaxau', co'ollaq ñaq nca'altrauec, qalaq sa nỹoteegache, qaq 'eeta'am co'ollaq ivita da ileu' nache sa nỹoteegache. ¡Soomaye ỹataqta qayaqaiqa, napacaleguete ca huole da naloxoyaxa'c! ¡Qataq napacalec ca quiyoc da la'añaxa'c!

Deuteronómio 28:49

Ñim Nataxala', 'am namaxa qome ca shiỹaxauapi maye chegaqa'a ca ỹataqta qaỹoqta 'alhua, qaq camayepi ỹataqta sailaua'ague 'eeta'am da naloxoyaxac ca taga' da huaỹotac, cam shiỹaxauapi maye saq 'aua'axaigueta naua la'aqtaqa,

Apocalipsis 13:2

Qaq se'eso shiguiỹac leguemaxaic, 'eeta'am da lataxac na quiyoc, qaq naua lchel, qalaq 'eeta'ama ana potai. Qaq na alap qalaq 'eeta'am na lỹa quiyoc. Qaq se'eso hua'auñi shiguiỹac leguemaxaic maye 'eeta'am na na'araxanaq ỹanem da la'añaxac da damaxasoxonapec se'eso shiguiỹac leguemaxaic maye chegaqangui aso auaxai.

Daniel 7:5

Qaq so lỹa shiguiỹac maye ca'atalec somaye, qalaq 'eeta'am na oso, qalaxaye somaye ỹacasheguem na 'oonolec laỹe, qataq netaguilo naua lhue soua tres ncheshe'ete, nache sa'aqchigui da qoỹenapega, qoỹeeta': ‹¡'Asoma qojec, nache qollec na lapat maicheye da 'auaỹemec!›

Jeremías 49:19

Qom ñanac qalaq ñeque'elaxatta sheeta'am ca llon, da chegoqtoigui ye aviaq ye Jordán, nache tauga nam no'onaxa maye daralata na 'auaqpi, qaq huaña yemaye nache datauec ñaqa'en na Edóm le'ecpi, qataq so'ot qome da ilo'ogue ñaqa'en cam shiỹaxaua maye lleca'aguishec. Qaq ỹoqo'oye, ¿negue't ca ishet da sheeta'am? ¿Qataq negue't ca ishet da Aỹem ñe'eguene'? ¿Qataq negue't ca qagueta lo'o ca ishet da Aỹem dataỹa'aguet?

Daniel 2:38

qataq da 'aulo'ogue 'enauac na 'alhuapi maye hueta'a na shiỹaxauapi, shiguiỹacpi qataq na maỹopi, Ñimaye 'am ỹanem 'am nta'a, da 'aulo'ogue 'enauac namayepi, maye nache 'am nqaic, maye nda'a't oro.

Daniel 7:12

Qaq soua lỹa't shiguiỹac lta'al, nataqa'en qaiuotaxanec da la'añaxa'c, qalaxaye nache nca'altraue'c qanqa'en, choche ivittra'a som loga't.