Daniel 7:18 - La'aqtaqa Ñim Lo'onatac 'Enauacna 2013

¹⁸ Qalaxaye ime qome nache da no'onataxanaxac qoỹanem na nhuo' le'ecpi maye lalamaxat Ñim Nataxala' maye Nataỹaña 'Enauacna, nache chochaq tatec qome da lalamaxat.

Daniel 7:18 Referans Kwoze

Daniel 7:27

Qaq da lo'onataxanaxac, la'añaxac qataq da llo'oxoyec 'enauac nam nta'alpi maye netalec ana 'alhua, qoỹanem qome nam nhuo' le'ecpi maye lalamaxat Ñim Nataxala' maye Nataỹaña 'Enauacna. Qaq dam lo'onataxanaxac qalaq chochaq tatec qome, nache 'enauac qome na nhuo' le'ecpi ana 'alhua do'onataxanot qataq ỹalaxaguet.

Apocalipsis 5:10

Nache 'aỹa'anagui da nta'alpi qataq ntaxaỹaxanaxanecpi da qaitaxaỹapegue' Ñim Lo'onatac 'Enauacna; Namayepi ilo'ogue 'enauac na shiỹaxauapi maye huetalec ana 'alhua.»

Apocalipsis 20:4

Qaq can ime, nache sela'a aso so'onaxaquipi. Qaq asomayepi nso'ootangui som qaỹalauatpi co'ollaxa, souaxat da saishet da ỹaxanec da lpi'iỹaxac So Jesús, qataq da la'aqtaxanaxac Ñim Lo'onatac 'Enauacna. Somayepi nacheso so saishet da ỹo'oxoren so shiguiỹac leguemaxaic qataq som ne'enaqtac maye lqui'i somaye, qataq saishet da nasheneguet aso la'anaxanaqte da yaqto' qaỹa'an na latap, qataq na lhuaq. Qataq sela'a somayepi da qaltaq nca'alec, nache Ñim Lo'onatac 'Enauacna ỹami' da lo'onataxanaxaua Ñim Lca'aguishec Ñimaye, choche iviraxattraue'c caua mil vi'iye.

Daniel 7:22

choche ivitta'a da nvi' so ỹa'axaiquiolec, nache da do'onataxana da nalochiguiñi lataxac da nmit na nhuo' le'ecpi maye lalamaxat Ñim Nataxala' maye Nataỹaña 'Enauacna, cha'aye mashe ivita so laloqo' da nam nhuo' le'ecpi maye lalamaxat Ñim Lo'onatac 'Enauacna ỹaconeguet da no'onataxanaxac.

Salmos 45:16

Qaq na 'aỹa'alaqpi nachena qome na talec da lo'onataxanaxac so hua'au 'arta'alpi, namayepi ilo'ogue qome 'anqa'en 'enauac na 'alhua.

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Efesios 6:12

Cha'aye qomi' saishet da seloquiaqtapegue' ca shenaqta'am shiỹaxaua, nachaqnata nam saq cha'api maye qauemaicpi hueto'ot na piguem, nam damaxasoxonapecpi, 'añaxaicpi maye ỹamaqpec nam huetaigui na napalaxa.

Lucas 1:33

Camaye choche tatec qome da ilotague' na Israel le'ecpi, qaq de'era lo'onataxanaxac da nta'a, damaye qaica ca loga't.

1 Corintios 6:2

Cha'aye que'eca pa'atec na'a'q qom qanmitna, nache 'enauac nam llalaqpi Ñim Lo'onatac 'Enauacna nachena na nmit qome na laỹepi shiỹaxauapi. Qaq da qanmichi qome na shiỹaxauapi, nache nataqa'en ishet da qanmichi nam sa 'amaqtaq lataxacpi nagui.

Apocalipsis 22:5

Huaña, nache saishet da huo'o ca pe. Qaq nam netaña yemaye saishet da iuen aca lcoỹaraxanaxaqui qataq añi nala', cha'aye Ñim Lo'onatac 'Enauacna maye Nataxala' icoỹattalec. Qaq namayepi nache chochaq tatec da lo'onataxanaxac.

Salmos 49:14

'Eeta'am ana qagueta namayepi da qaỹauecta'a añi huachiqui, qaq de'era nleuaxa nache ỹauecta'a añimaye, huaña nache nlaguiñi da lo'ocỹaxac da huetangui añimaye, nache qaỹoqtalo naua 'onaxaiqa lma'ate lta'al, qaq na no'on da lataxac nache ilo'ogue namayepi da ñaq nte'eta.

Isaías 14:2

Nache qalota qome cam ỹotta'a't shiỹaxauapi cam ỹaconeguet qome na Israel le'ecpi, nache nnaicapegue' camayepi nache iviraxatta'a ye maiche na'alhua, nache na Israel le'ecpi ỹauo'o l-latacpi camayepi qom huaña ye na'alhua Ñim Nataxala'. Qataq na Israel le'ecpi icoñi' qome nam hua'auñi da icoñettai' co'ollaxa namayepi, qataq maiche ỹoiqueetac nam saiyacnapec co'ollaxa namayepi.

Daniel 7:14

Nache somaye qoỹanem da la'añaxac, llo'oxoyec, qataq da no'onataxanaxac, nache na ỹotta'a't shiỹaxauapi, qataq nam ỹotta'a't naua la'aqtaqa do'onataxanot somaye. Qaq dam la'añaxac somaye qalaq nache 'eetai' qome, qataq dam lo'onataxanaxac saishet qome da nlaguiñi.

Daniel 7:17

Se'esoua cuatro shiguiỹac lta'al, naiguilo caua cuatro nta'al da ilo'oguelo qome 'enauac ana 'alhua.

Daniel 7:25

Qataq isheueetac qome Ñim Nataxala' maye Nataỹaña 'Enauacna, qataq nquigaxattañi qome nam nhuo' le'ecpi maye lalamaxat Ñimaye, qataq nmitaique qome ca lataxac da naralaxat na lqataxacpi Ñim Lo'onatac 'Enauacna, qataq nam lataxacpi da na'amqaanataxanaxac, nache na nhuo' le'ecpi maye lalamaxat Ñim Lo'onatac 'Enauacna, huetalec qome da la'añaxac camaye, choche ivittre'c caua tres vi'iye qataq ca laiñi ca lỹa vi'i.

Abdías 1:17

Qalaxaye añi qasoxonaxa Sión huo'o qome ca lca'alaxaicpi, qaq añimaye ỹataqta sa qaishetapec qome. Nache nam chegoxoguetpi so Jacob, qaltaq ỹe'eguelaxa qome da nalec na na'alhuapi.