Daniel 7:17 - La'aqtaqa Ñim Lo'onatac 'Enauacna 2013

¹⁷ Se'esoua cuatro shiguiỹac lta'al, naiguilo caua cuatro nta'al da ilo'oguelo qome 'enauac ana 'alhua.

Daniel 7:17 Referans Kwoze

Apocalipsis 13:11

Ime, qaltaq sela'a so lỹa shiguiỹac leguemaxaic, somaye chegoqtoigui ana 'alhua. Qaq somaye dos soua lcouel, 'eeta'am na qagueta llalec, qalaxaye naua la'aqtaqa 'eeta'am so shiguiỹac leguemaxaic maye 'eeta'am na na'araxanaq;

Apocalipsis 13:1

Ime, nache sauaachigui da nnoxoosheguem so shiguiỹac leguemaxaic chegaqangui aso auaxai, somaye diez soua lcouel qataq siete soua lqaigo. Qaq añi 'oonole lcoue ỹaatañi ana naro'o na nta'a, qaq ñi 'oonolec naua lqaigo, nanettalec na ne'enaxatpi maye ỹataqta npa'agueneto Ñim Lo'onatac 'Enauacna.

Juan 18:36

Nache So Jesús 'enapeco': –Da ỹo'onataxanaxac da Aỹem nta'a, damaye saishet da lma' ana 'alhua. Cha'aye da nache 'eetec taxa de'era, nache nam ca'attague'pi Aỹem sogotectaxa da deloqui, da yaqto' saishet da Aỹem qoỹaneua'a na judiopi. Qalaxaye da ỹo'onataxanaxac da Aỹem nta'a, damaye saishet da lma' ana 'alhua.

Salmos 17:14

'Aurolec qome da 'ara'añaxac, 'Am Nataxala' da aỹem 'anca'alaxateeguesop namayepi, qataq ca'ai 'anqa'en ana'ana 'alhua maye nhuanaua'a de'era nachaalataxac. Ỹoqo'oye 'aua'axaỹa'a qome namayepi da yaqto' qalota da lsallaxa, qataq da ỹataqta icoma' na llalaqpi da deque'etac, qataq da ivirauga 'anqa'en da lquia'axac ca laualpi.

Daniel 7:16

nache ñiquigueua'a so 'oonolec maye hueta'a yi'iye nachattañi, nache seỹaxanot da aỹem da'aqtaxanem cam naigui 'enauac se'eso sauaachigui. Nache somaye ỹasat da aỹem da'aqtaxanem, nache, 'eeta':

Daniel 7:18

Qalaxaye ime qome nache da no'onataxanaxac qoỹanem na nhuo' le'ecpi maye lalamaxat Ñim Nataxala' maye Nataỹaña 'Enauacna, nache chochaq tatec qome da lalamaxat.