Daniel 7:14 - La'aqtaqa Ñim Lo'onatac 'Enauacna 2013

¹⁴ Nache somaye qoỹanem da la'añaxac, llo'oxoyec, qataq da no'onataxanaxac, nache na ỹotta'a't shiỹaxauapi, qataq nam ỹotta'a't naua la'aqtaqa do'onataxanot somaye. Qaq dam la'añaxac somaye qalaq nache 'eetai' qome, qataq dam lo'onataxanaxac saishet qome da nlaguiñi.

Daniel 7:14 Referans Kwoze

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Daniel 7:27

Qaq da lo'onataxanaxac, la'añaxac qataq da llo'oxoyec 'enauac nam nta'alpi maye netalec ana 'alhua, qoỹanem qome nam nhuo' le'ecpi maye lalamaxat Ñim Nataxala' maye Nataỹaña 'Enauacna. Qaq dam lo'onataxanaxac qalaq chochaq tatec qome, nache 'enauac qome na nhuo' le'ecpi ana 'alhua do'onataxanot qataq ỹalaxaguet.

Juan 3:35

Qaq Ñim Lo'onatac 'Enauacna maye Ita'a ỹataqta ỹauotec na Llalec, ỹoqo'oye ỹataqta imato'ot da la'añaxac da ilo'ogue 'enauacna.

Daniel 2:44

Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.

Hebreos 12:28

Sanqot da qana'achec Ñim Lo'onatac 'Enauacna, cha'aye da lo'onataxanaxac Ñimaye maye qomi' ỹanema saishet da ishet da qanqochenaxat. Qaq ỹoqo'oye iuen da sho'oxorenaq Ñimaye chegoqchigui da lta'araic lsoxoyec qataq da ño'oxonnataguec maye ỹaỹamaxareeta da qoỹami'.

Apocalipsis 17:14

Ime, nache se'eso shiguiỹac leguemaxaic qataq soua diez nta'al deloguito So Qagueta Llalec. Qalaxaye So Qagueta Llalec qataq som ca'attague'pi nauec soomaye. So Qagueta Llalec dauegaxan, cha'aye nacheso so ỹactec da 'amaqtaqaic, saq 'ena'am na laỹepi nataxala'pi qataq nacheso so ỹactec da la'añaxac napacalec na laỹepi nta'alpi. Somaye hueta'aguet nam ca'attague'pi. Ñim Lo'onatac 'Enauacna iỹaxana namayepi qataq lca'aguishecpi, cha'aye nache 'eetai' naxa da ỹalaq.»

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Lucas 1:33

Camaye choche tatec qome da ilotague' na Israel le'ecpi, qaq de'era lo'onataxanaxac da nta'a, damaye qaica ca loga't.

Miqueas 4:7

Qaq anamayepi nache sauaxaỹaxaneguet anam no'onañi co'ollaxa, qaq nache sachegoxotchigui qome ca shiỹaxauapi maye ỹataqta 'añaxaicpi. Qaq aỹem Nataxala' selo'ogue qome namayepi, qom huaña añi qasoxonaxa Sión, nagui qataq nache 'eetai' qome.

Abdías 1:21

Qaq nam dauegaxanpi qalaq tasheguema qome añi qasoxonaxa Sión, da yaqto' nmit nam shiỹaxauapi maye nalec aye qasoxonaxapi maye na'alhua so Esaú. Qaq huaña, nache de'era no'onataxanaxac, ilo'ogue qome Ñim Nataxala'.

Daniel 3:4

Qaq som qaipataxaguet da ỹa'axat da qanayecot da qaỹo'ot se'eso naỹonaxac na'axannec da lavilỹaxac da detaqa 'eeta': Qami' nhuo' le'ecpi, qataq qami' ỹotta'a't shiỹaxauapi, qataq qami' maye ỹotta'a't naua qara'aqtaqalle', ña qana'axaỹaxañiichiguiñi:

Daniel 2:35

Qaq huaña nache so lcat, nqatelliguishec 'alhua, bronce, plata qataq so oro, 'enauac somayepi da dolachigui nache nda'a't lsoche, 'eeta'am da ivita ye napaxaỹaxa da qaichegoq na trigo, nache na la'at ỹaỹoxonaqchet na lvi, nache qaica ca no'onaxatañi. Qalaxaye som coma' maye ilaxachigui co'ollaxa se'eso ne'enaqtac, somaye nañigui da late'erai qasoxonaxa, nache ỹataqta imattalec ana 'alhua.

Isaías 60:12

Qaq cam shiỹaxauapi maye saishet da 'am do'onataxanot qalaq qaỹapalaxat qome, qataq ca ỹotta'a't shiỹaxauapi imauec qome da qailaxachigui.

Salmos 146:10

'Am Sión, Ñim Nataxala' ñaq nache 'eetai' qome da lo'onataxanaxac, Ñim 'Anatamnaxala', chochaq tatec qome da lo'onataxanaxac. ¡Qaỹo'oxoren qome Ñim Nataxala'!

Salmos 145:13

Cha'aye de'era 'aro'onataxanaxac chochaq tatec, qataq imattrec naua vi'iye de'era 'aramaxasoxonaxac.

Salmos 45:6

Da 'aro'onataxanaxac 'am maye 'Aro'onatac 'Enauacna damaye chochaq tatec, qaq de'era 'aro'onataxanaxac damaye ỹataqta nalochiguiñi.

Salmos 8:6

qataq 'aỹa'anem da huo'o naq 'enec da ilo'ogue nam 'aro'onatacpi co'ollaxa, qataq 'aỹa'anem da imata da ilo'ogue 'enauac namayepi.

Juan 12:34

Nache na shiỹaxauapi 'enapega Somaye, 'eeta': –Qomi' saỹatenaq chegoqchigui ana nere maye huetalec na la'aqtacpi Ñim Lo'onatac 'Enauacna da que'eca Lca'aguishec Ñimaye maye qaiuattaique, nache 'eetai' da nca'altauec. Qalaq ¿ta'ainco' ye 'am qonetega da que'eca Shiỹaxaua Llalec, qaiuaxaneguet qome ca npe'enaxaqui? Qaq ¿chaq negue'to' que'eca Shiỹaxaua Llalec?

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Daniel 7:18

Qalaxaye ime qome nache da no'onataxanaxac qoỹanem na nhuo' le'ecpi maye lalamaxat Ñim Nataxala' maye Nataỹaña 'Enauacna, nache chochaq tatec qome da lalamaxat.

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Daniel 4:3

¡Qaq ỹataqta lta'araicpi nam saqaỹauanapegapi qataq nam huo'o da llo'oxoyecpi maye ỹo'ot Ñimaye! Qaq da lo'onataxanaxac Ñimaye chochaq tatec qome, qataq da la'añaxac qaica qome ca loga't.

Salmos 102:22

qom ivita da 'enauac na ỹotta'a't shiỹaxauapi qataq nam ilotague' namayepi, laỹona't da natamnot Ñim Nataxala'.

Salmos 72:17

Qataq nache 'eetai' qome da sa imeuo da le'enaxat, qataq da na'aqtaguec nache 'eetai' qome 'eeta'am añi nala'. Qataq chegoqchigui qome da le'enaxat camaye, da 'enauac na ỹotta'a't shiỹaxauapi ỹaconeguet da nchoxonnataguec, qataq 'enauac namayepi da ỹamata'ac da machiguiñi.

Salmos 72:11

Qataq 'enauac na nta'alpi ỹa'aroto naua l-llecte camaye, qataq 'enauac na ỹotta'a't shiỹaxauapi do'onataxanot qome.

Apocalipsis 1:6

Nataqa'en So Cristo qomi' ỹanema da qaro'onataxanaxac da 'eeta'am da lo'onataxanaxac na nta'alpi maye ilotague' na 'alhuapi qataq qomi' ỹanaguilo da qomi' ltaxaỹaxanaxanaqa naqa'en na shiỹaxauapi da so'onataxanaqot Ñim Lo'onatac 'Enauacna maye Lta'a. Qaq ỹoqo'oye ¡'Enauac da qoñiita qavio'oxoyiñi So Jesucristo, cha'aye 'oonolec Somaye da hueto'ot 'enauac da na'añaxac ana 'alhua! Aja', nache 'eetec.

Isaías 16:5

nache huo'o qome ca 'oonolec maye chegoxoguet so David, ca ivira'a da nta'a, qaq dam lo'onataxanaxac maye saldaỹai', qalaq na'attalec qome da nchoxonnataxanaxa, qataq huo'o naq 'enec qanqa'en da huo'o ca nmit nasouaxashet, qataq lapaxañi qome nam no'on lataxacpi, qataq saỹaỹaloxon da ỹo'ot ca nalochiguiñi lataxac.

Daniel 2:37

'Am nta'a, 'am ỹataqta 'am 'amaqtaqaic, 'anapacalec 'enauac na laỹepi nta'alpi, cha'aye Ñim Lo'onatac 'Enauacna maye neto'ot na piguem, 'am ỹanem co'ollaxa da 'aro'onataxanaxac, qonec, 'ara'añaxac qataq da 'ayo'oxoyec

Salmos 103:19

Ñim Nataxala' ỹanaña na piguem añi nso'onaxaqui, qataq da lo'onataxanaxac ilo'ogue 'enauacna.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.