Daniel 7:10 - La'aqtaqa Ñim Lo'onatac 'Enauacna 2013

¹⁰ qaq nache chegoqtegueua'a somaye so la'auaxac na norec. Qataq do'onataxaatacot somaye som qalota maye sa qaivi' da naloqten. Qaq so qanayecot so ntaxaỹaxac nache qaỹauachigui aso nerepi.

Daniel 7:10 Referans Kwoze

Isaías 30:27

Ña qauamachiỹa'aguet, nam Nataxala' ñaq qaỹoqteguet qalaxaye mashe anacta, da layeloxo qalaq 'eroigui, qataq ỹataqta lta'araic na lmala'q, na alap qalaq ỹataqta nlaqchigui da layeloxo, ñi lachaxat qalaq 'eeta'am ca norec maye ỹavigaxatta 'enauacna.

Deuteronómio 33:2

'eeta': «Ñim Nataxala' chegoqtelec añi Sinaí, nache qomi' icoỹareleguete hualec añi Seír. Qaq na lqashelgaxa qalaq chegoqtelec aye qasoxonaxapi ye Parán, nache ivira'a ye Meribá Cadés, qaq na aloiguishec lhuaq, nache 'ettaigui so nasoqta'a nqataxacpi.

Apocalipsis 5:11

Ime, qaq aỹem sa'axaỹa da l-lamaxa so qalota namaxashecpi piguem le'ecpi. Somayepi ỹataqta qaica ca ivi' da naloqten, coleesop aso so'onaxaqui, qataq soua cuatro shiguiỹa'c maye nca'altraue'c qataq soua veinticuatro nqueroxonqa.

Salmos 50:3

Ñim Qanatamnaxala' anac, qalaxaye saishet da paltalec, cha'aye Ñimaye na'auaxaata na norec maye nlaxaañi naqa'en 'enauacna, qaq naua laỹel Ñimaye qalaq dellimigui na lta'araic la'at.

Salmos 68:17

Ñim Lo'onatac 'Enauacna ỹataqta qalota ana laigonapi maye nalaataxaquipi, qaq nache chegoqchiguiña añi qasoxonaxa Sinaí da netangui anamayepi da naỹa añi lalamaqte atamnaxaqui.

Judas 1:14

So Henoc som huetoigui da siete nqochen na llalaqpi so Adán, somaye ỹa'axata'a co'ollaxa ne'ena shiỹaxauapi co'ollaq 'eeta': «Ñaq qauloỹa Nam Lo'onatac 'Enauacna anacta, nnaictague' na qalota maye saishet da qaivi' da qanaloqten lamaxashecpi piguem le'ecpi.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Isaías 30:33

Qaq cha'aye mashe qaỹoqteguelo soua vi'iye da qaiqataxaatai' da taỹa'a qanqa'en ye Asiria qataq ñim nta'a yemaye, yem ỹataqta qaỹoqchiguingui qataq qalochiguiñi nma' maye huetangui ye 'ettangui norec maye qalota na lalonaxat qo'oipaqpi. Ñim Nataxala' qom iquetetec la la'at nache 'eeta'am ca la'auaxac na quiquiaxaraic da 'eroigui nache ỹavigaxat yemaye.

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Daniel 7:22

choche ivitta'a da nvi' so ỹa'axaiquiolec, nache da do'onataxana da nalochiguiñi lataxac da nmit na nhuo' le'ecpi maye lalamaxat Ñim Nataxala' maye Nataỹaña 'Enauacna, cha'aye mashe ivita so laloqo' da nam nhuo' le'ecpi maye lalamaxat Ñim Lo'onatac 'Enauacna ỹaconeguet da no'onataxanaxac.

Hebreos 12:22

Qami' qalaxaye mashe qanquiquiiua'a añi saqaỹoqotcheguemec 'alhua maye le'enaxat da Sión, añim netalec ye nỹecpi maye lalamaxat Ñim Lo'onatac 'Enauacna maye nache 'eetai' da nca'altauec. Yi'iye nỹecpi nacheye ye Jerusalén maye neta'ague da piguem, yem hueta'a nam ỹataqta qalota namaxashec piguem le'ecpi da ỹo'oxoreetac Ñim Lo'onatac 'Enauacna,

Zacarías 14:5

qaq qami' qom qauataiuec, nache qoquiiteueegue cam ca'amegue maye quichiguingui na laiñi añi qasoxonaxa, nache ivira'a ye Asal, maye pa'aỹaueegue da laỹe. Qaq qami' qauataiuec qome 'eeta'am da 'eetec co'ollaq datauec som qarta'ailpi souaxat so lacholaxanaxa na 'alhua maye huetoigui so na'a'q co'ollaq nta'a so Uzías da ilotague' ye Judá. Qaq anac qome Ñim Nataxala' maye Ñatamnaxala', nnaictague' 'enauac nam ỹa'amaqteetac Ñimaye.

Daniel 7:26

Qalaxaye camaye qanmit qome nache qaiuotaxanec da la'añaxac, nache ivitta'a da imauec da qanlaxaañi.

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

2 Crónicas 18:18

Nache so Micaías, qaltaq 'enapec: Qaq souaxat de'era 'ara'aqtac, nache nagui qana'axaỹaxañiỹa da la'aqtac Ñim Nataxala', 'eeta': Aỹem selota'a Ñim Nataxala' da nso'ootangui aso nso'onaxaqui, qaq so nalleppi piguem le'ecpi nachattaua'a Ñimaye, huo'o so pa'ata'ague da aloic, qataq da ne'emaq.

Salmos 18:8

Na lmic qalaq naviigui na lmala'q, na alap qalaq chegaqaigui na norec maye davigaqtaxanapec, qataq ana 'ettaigui poqopi.

Daniel 12:1

Qaq qom ivita ca laloqo' nache nachaxan so Miguel, som 'amaqtaqaic namaxashec piguem le'ec maye mpaxattalec nam 'arhuo' le'ecpi. Qaq que'eca na'a'q huo'o qome ca lta'araic naquicoxo, qaq camaye saỹauanego' da huo'o ca 'eeta'am, chegoqta'a co'ollaq cheta'ague da huo'o 'enauac na ỹotta'a't shiỹaxauapi. Qom ivita que'eca laloqo', nache nca'alec qome 'enauac cam 'arhuo' le'ecpi maye nanettalec ca le'enaxat aca nere.

Da na'aqtaguec so Job 25:3

Qaq na nalleppi Ñimaye qalaq qaica ca ishet da naloqten, na le'eraxa icoỹarelec 'enauacna.

Salmos 103:21

Qataq qavio'oxoreñi Ñim Nataxala' 'enauac qami' maye nalleppi Ñimaye, qataq lamaxashecpi maye qauo'ocheetac na 'eetapeguec Ñimaye.