Daniel 6:7 - La'aqtaqa Ñim Lo'onatac 'Enauacna 2013

⁷ 'Enauac na nta'alpi maye ilotague' na 'alhua, huo'o so laỹonaxac, som huaigui da qanasachigui da 'am qaiỹaxanot da 'aỹa'an cam 'erec maye huetalec ca 'aramaxasoxonaxac, da ivittre'c caua treinta na'axa'te, da qaica ca ishet da iỹaxaatacot ca lỹa atamnaxala', huo'otaq ca shiỹaxaua, nache 'amta, 'am nta'a da 'am qaiỹaxaatacot. Qaq cam saỹalaq, nache iuen da qaỹasaxangui añi nshere maye laỹe' na llonpi.

Daniel 6:7 Referans Kwoze

Salmos 59:3

'Am Nataxala' ñaq 'aula'a na ỹalleppi 'añaxaicpi, huaxaỹa't da ỹoiqueetac da ñachaalataxac, na'aictaxa da qaica ca ñe'enaxac qataq qaica ca sasouaxat.

Daniel 3:27

nache 'enauac so nta'alpi yi'iye 'alhua maye ỹalectauo, nquigueua'alo se'esoua shiỹaxau', qaq da lo'ocỹaxa'c soomaye qalaq qaica ca lliguiñi so norec, qataq qaica ca choche 'oonolec laue da huo'otaq ivigaxa't, qataq soua alogo saishet da huo'otaq huo'o ca ỹavic, huo'otaq da huo'o ca laita na lmala'q so norec.

Daniel 3:6

Qaq 'enauac qome ca saishet da ỹa'alyiñi naua l-llectel da ỹo'oxoren ñi'iñi ne'enaqtac, nache saqaỹaỹaloxon qome da qaỹasaxaigui aca nqatelaxanaxaqui maye 'ettaigui.

Daniel 3:2

Ime nache damaxasoxoneuga 'enauac so nta'alpi, maye ilotague' na 'alhuapiolec, qataq so lataxala'pi so alleppi, qataq so nta'alpi maye ilotague' na 'alhuapi, qataq so chegoqtecot na nqataxacpi, qataq so ilotague' ana anom, qataq so nmit nam nasouaxashetpi, qataq so 'amaqtaqaicpi qataq so laỹepi nataxala'pi yi'iye 'alhua, da yaqto' ỹalectaua'a da qoỹaneuo se'eso ne'enaqtac maye damaxasoxoolec co'ollaxa somaye da qaỹo'ot.

Salmos 62:4

Qataq nda'a't da qarhuennataxaqui da aỹem qauamaqaiñi, qataq qanqopichiỹa da natenataxanaxac. Qataq ndotrec naua qara'aqtaqalle' da aỹem qavio'oxoyiñiitac, qalaxaye da qarhuennataxaqui aỹem ilattapiguiñi.

Juan 12:10

Nache nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi detaxaỹapigui co'ollaxa nataqa'en da ỹauotaique da ỹalauat so Lázaro,

Marcos 15:1

Qaq co'ollaq mashe yo'oxoñi, nache dataỹa't som lataxala'pi na ntaxaỹaxanaxanecpi, qataq so nqueroxonecpi maye lataxala' na judiopi qataq som dapaxaguenataxaatapeguec na nqataxacpi maye chegoqo'ot so Moisés, qataq 'enauac som nta'alpi maye loicnatac na lataxaguesat. Nache somayepi ỹauec So Jesús, qaicoñetta'a't naua lhua'q, nache ỹauegueua'a so Pilato.

Mateo 26:4

'Enauac somayepi naỹaana't da yaqto' huo'o ca qaỹe'eguenec So Jesús da chegoqchigui qanqa'en da qaỹauo'o ca lasouaxashet, nache qaỹaconeua'a qataq qaỹalauat.

Mateo 12:14

Nache so fariseopi huenoxonec da detaxaỹapigui ca lataxac da ỹalauat So Jesús.

Salmos 10:9

Qataq 'eeta'am ca quiyoc da huetaigui ca lauac, nauaatac na choxoraqpi hueta'a ca nqañoxotaqa', iuatta'a ca laloqo' da nqapaxanot qaq da loxonec, nache ỹauogonnaua'a ca lquia'aqa'.

Nahúm 2:12

Qaq ca llon da ỹalauat ca loxonec nache iquia'axan aso lloona qataq soua llalqa, qataq nache iỹoqtaigui som lauac nam loxonecpi.

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Daniel 3:11

qaq ca saishet da ỹo'ot damaye, nache qaỹasaxaigui aca nqatelaxanaxaqui maye 'ettaigui.

Salmos 94:20

Cha'aye 'am, saishet da 'anauochaxaua na nta'alpi maye cachaxaicpi, nam ỹo'ot na sa ỹaỹamaxañi da yaqto' dataỹa'aguet na namaxasoxonaxacpi,

Salmos 2:2

Na nta'alpi qataq na nataxala'pi ana 'alhua, qalaq huaxaỹa't qome da dataỹa'aguet Ñim Nataxala', qataq ca nta'a maye lca'aguishec Ñimaye.

Salmos 83:5

Nache namayepi 'eeta'am ca 'oonolec ỹale, da naỹamaxara't da 'am dataỹa'aguet.

Daniel 6:16

Qaq huaña, nache so nta'a damaxasoxoneuga da qanauegueuo so Daniel, da yaqto' qaỹasaxangui aso nshere maye laỹe' so llonpi. Qalaxaye co'ollaq saxanaxa da qaỹacoolec dam nhuaxanaguec somaye, nache so nta'a 'enapega so Daniel, 'eeta': ¡Ñim 'Anatamnaxala', ñim 'auo'onataxaatacot maye ỹataqta 'aualaxaguet naxa, 'am nca'alaxatec qome!

Salmos 59:5

Qaq 'Am Nataxala', Atamnaxala' maye Qaica ca 'Auqalanapec, maye Natamnaxala' na Israel le'ecpi, ñaq 'anlouec nache 'auauo'o ca nhuaxanaguec na ỹotta'a't shiỹaxauapi, saishet da 'auchoxoreetac ne'ena qauemaicpi qataq que'elaqtaxanaxaicpi.

Daniel 2:4

Nache so ỹaanaxanaxaicpi ỹauota'aisalo naua la'aqtaqa na arameo da 'enapega so nta'a, 'eeta': ¡Nache 'eetai' qome da 'anca'altauec 'am nta'a! 'Am nta'a ñaq 'aua'aqtaxanem ne'ena 'aramaxashecpi cam 'archoxonaxac, nache qomi' 'am sa'aqtaxanaxam qome ca naigui.

Daniel 6:22

Ñim Ñatamnaxala' namaq so lamaxashec piguem le'ec, qaq somaye ỹapogui na alap na llonpi, da yaqto' saishet da aỹem ique'emaqchet, cha'aye Ñim Lo'onatac 'Enauacna ỹaỹaten da aỹem qaica ca ỹasouaxashet, qataq qaica ca so'ot qauem da 'am hueto'ot 'am nta'a.