Daniel 6:6 - La'aqtaqa Ñim Lo'onatac 'Enauacna 2013

⁶ Qaq huaña nache soua ilotegueto so nta'alpi, qataq som nta'alpi, naỹamaxara't co'ollaxa da yaqto' nqo'oneua'a da detaxaỹapegue' so nta'a Darío, qaq somayepi co'ollaq mashe datata'aguet somaye, nache 'enapega, 'eeta': ¡'Am nta'a nache 'eetai' qome da 'anca'altauec!

Daniel 6:6 Referans Kwoze

Daniel 2:4

Nache so ỹaanaxanaxaicpi ỹauota'aisalo naua la'aqtaqa na arameo da 'enapega so nta'a, 'eeta': ¡Nache 'eetai' qome da 'anca'altauec 'am nta'a! 'Am nta'a ñaq 'aua'aqtaxanem ne'ena 'aramaxashecpi cam 'archoxonaxac, nache qomi' 'am sa'aqtaxanaxam qome ca naigui.

Daniel 6:21

Nache so Daniel ỹasat, 'eeta': ¡Nache 'eetai' qome da 'anca'altauec, 'am nta'a!

Nehemías 2:3

Nache sasateguet se'eso nta'a, sheeta': ¡Ỹataqta nache 'eetai' qome da 'anca'altauec 'am nta'a! Ta'ainco' ctaxa da qaica ca ỹaquicoxo ye ỹataqta nlachiguiñi ye sachegoqchiguiña huaqta'a't nỹecpi maye nlattraña yeua ita'al, qataq so lasompi ỹataqta ỹavicta naqa'en so norec.

Daniel 5:10

qalaxaye asom nate'e, co'ollaq hua'aqtegueua'a da la'alaxac so nta'a qataq som ltauapi, nache pa'aigui so nỹec maye huaña so nquia'axac nache 'enapeco': ¡'Am nta'a, nache 'eetai' qome da 'anca'altauec! Qaq saishet qome da ỹapacauec da 'arhuogoxo, qataq saishet qome da 'anapagaqtec,

Hechos 24:2

Qaq co'ollaq mashe qanauegueuo so Pablo, nache so Tértulo da'aqtaxanem so nta'a Félix dam 'eetega lasouaxashet so Pablo, 'eeta': –Souaxat da qoneta 'am qarta'a, nache qomi' huo'o da qarlagaxayec yem souaqta'a qarma', qataq nam 'auamaxasoxoolecpi da qaỹo'ot, ỹataqta lta'araic da ltaunaxanaxac da shenaqta.

Daniel 6:11

Qaq huaña nache se'eso shiỹaxauapi, 'enauac da pa'aigui so lma' so Daniel, nache natenalec somaye da natameetac, qataq ỹo'oxoreetac Ñim Natamnaxala'.

Daniel 3:9

nache soomaye 'eeta': ¡'Am nta'a, nache 'eetai' qome da 'anca'altauec, qataq da 'are'enaxat nache 'eetai' qome da qaiuennatega!

Salmos 62:3

Qaq qami' ñaq aỹem qaỹa'axañiiñi qome da aỹem qauloquiaxañiitac, qataq da qansheetaique da semeuo qanqa'eñi, sheeta'am na laỹe ca nỹec da huotaique da hua'axauec. Qataq sheeta'am ca mpaqtaxanaxat da huotaique da hua'axañi.

Salmos 56:6

Namayepi nqañoxottañi nache aỹem nauaatac cha'aye ỹataqta huo'o da lyaxa da aỹem ỹalauat, nache imeteetac 'enauac na so'ottacpi.