Daniel 6:4 - La'aqtaqa Ñim Lo'onatac 'Enauacna 2013

⁴ Qaq ỹoqo'oye som nauaatalec so nta'alpi, qataq som nta'alpi, nmittaique co'ollaxa da lataxac da ỹauo'o da lasouaxashet da 'eetega qauem da lo'onataxanaxac da ilotague' yi'iye 'alhua, qalaxaye so Daniel ye ỹataqta ỹaỹamaqchiguiñi da lo'onataxanaxac, nache saishet da qaỹanata ca lasouaxashet, qaq ỹoqo'oye saishet da qaỹañoxot da qoỹaneuo ca lasouaxashet da qaỹataỹa'aguet somaye.

Daniel 6:4 Referans Kwoze

1 Pedro 3:16

Qalaxaye qauacheetaigui da qarauotaxanaqtaiqui qataq da 'enec qanqa'eñi namayepi. Qataq qano'onaxacheela't qami' maye qoquiitague' So Cristo, yaqto' saishet da tatapigui da qarvilli da huo'o ca qarasouaxashechi. Yaqto' nam sa iyacnapec da detaxaỹa da no'on qarataxaqui, namayepi ishet da maiche na'aloxon souaxat naua maiche la'aqtaqa.

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Tito 2:8

Qataq naua 'arapaxaguenataxanaxaco ỹataqta no'oite' 'anqa'en, yaqto' saishet da huo'o ca 'am quetapeguelec. Da 'auo'ot de'era sheetega, nache na'aloxon 'anqa'en nam qomi' ipa'agueeta'ape, nache saishet da huo'o ca qauem la'aqtac da qomi' ỹasaxaleguete.

Mateo 27:18

So Pilato ỹauo'o de'era lnataxanaxac, cha'aye somaye ỹaỹaten da som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som nataxala'pi yi'iye 'alhua, huo'o na ỹasaqteguelec 'eetega lasouaxashet So Jesús, cha'aye souaxat da lquiỹaxa.

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

1 Timoteo 5:14

Ỹoqo'oye ana pa'ai maye saxanaxa da ỹe, 'onaxaic da qaltaq huaron, yaqto' huo'o ca llalec, qataq ishet da ilo'ogue ca lma'. Yaqto' qaica ca llegueuo ca depa'aguenataxaatac da huo'otaq ỹasaxalec ca sa ỹaỹamaxañi la'aqtac.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Proverbios 29:27

Na ỹalleppi maye no'on da lataxac saisheteguet na qauemaicpi, qataq na qauemaicpi nataqa'en saisheteguet na no'on da lataxac.

Jueces 14:4

Qalaxaye soua lta'al somaye sa ỹaỹate'n da Ñim Nataxala' maiche 'ena'ac 'enauac de'era, cha'aye nmittaique ca lataxac da iloquiaxan so filisteopi, souaxat da se'esoua vi'iye so filisteopi ỹataqta sa nañaxaasheguem so Israel le'ecpi.

Génesis 43:18

Qalaxaye soomaye ỹataqta ñi'i' souaxat da qaỹauegalo so lma' so José. Nache 'ena'apo': «¡Yo'oqta da qomi' qanauegalo ne'ena souaxat aso qorom maye qomi' qaỹe'eguelaxatema soua na'axa'te lỹa't, asom huetaguilo soua qarachoxonaxaqui', qaq nagui yo'oqta da qomi' qaicogaxana'ape, nache qomi' qaỹo'onataxanaxa'n da choche qomi' nlataqa, qataq nataqa'en naua qarelo!»

2 Corintios 11:12

Qalaxaye aỹem shecto'ot da so'ot dam so'ottac, yaqto' saishet da sauo'o ca ldaqa' nam choche ỹauotaique dam qaỹo'oxoreetac qataq qaisheeteta, da yaqto' huo'o ca ntonaxac da 'ena'ama qomi'.

Juan 19:4

Nache so Pilato qaltaq pa'auec, nache 'enapego' somayepi, 'eeta': –Ña qauloỹa, nagui damaye ñeqatec yaqto' ishet da qauaỹaañita da aỹem qaica ca sanata lasouaxashet damaye.

Lucas 22:2

Nache so lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi, somayepi nmittaique ca ỹachegoxotchigui da ishet da ỹalauat So Jesús, qataq da saishet da qananoma, cha'aye somayepi ỹataqta ñi'iỹa na shiỹaxauapi.

Mateo 26:4

'Enauac somayepi naỹaana't da yaqto' huo'o ca qaỹe'eguenec So Jesús da chegoqchigui qanqa'en da qaỹauo'o ca lasouaxashet, nache qaỹaconeua'a qataq qaỹalauat.

Daniel 3:8

Qalaxaye huo'oi co'ollaxa soua Caldea lashe' da iqopitaxanapec da ỹauo'o da lasouaxashet so judiopi, da ỹa'axateua'a so Nabucodonosor,

Jeremías 18:23

Qalaxaye 'am Nataxala', 'auaỹaten 'enauac nam lapaxañipi namayepi da yaqto' aỹem ỹalauat. ¡Qaq saishet qome da 'auchoxoreetac souaxat nam qauem maye ỹo'ot, qataq saishet da 'aucoua'ai na lasouaxashetpi! ¡Qaq huañi qome 'anqa'en namayepi, qataq 'auauo'o ca nhuaxanaguec 'aurolec da 'arayeloxo!

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

1 Samuel 22:14

Nache so Ajimélec ỹasateguet so nta'a 'eeta': Ne'ena 'aramaxashecpi, ¿peta'a huo'o ca 'eeta'am da lataxac so David da ỹataqta 'am ỹalaxaguet? Qataq somaye saishet da nda'a't da 'araronaxanec, cha'aye nataqa'en lataxala' nam alleppi maye 'am nauaatalec, qataq huo'o da 'enec da hueta'a ñi nma' lta'araic.

1 Samuel 18:14

Nache so David loxonec naxa 'enauac so l-loquiaxauapi, cha'aye Ñim Nataxala' itauaatac somaye.

Lucas 20:26

Nache saishet da huo'o ca ỹachegoxotchigui da ỹo'ot ca lasouaxashet naqa'en dam 'enapec co'ollaq datata'agueta Somaye. Chaqrata da ỹataqta huo'o da la'aalaqa' soomaye dam 'enapec So Jesús. Huaña, nache ỹe'emaqto'm.

Jeremías 29:7

Qataq qauo'onataxañi da yaqto' qautauañi nam huaqta'a't nỹecpi maye qami' sauegalo co'ollaxa, qataq Aỹem qauỹaxañiỹot da qauỹaxañiilec namaye, cha'aye da l-lagaxayec namaye nache chegoqchigui da qal-lagaxayequi.

Daniel 6:22

Ñim Ñatamnaxala' namaq so lamaxashec piguem le'ec, qaq somaye ỹapogui na alap na llonpi, da yaqto' saishet da aỹem ique'emaqchet, cha'aye Ñim Lo'onatac 'Enauacna ỹaỹaten da aỹem qaica ca ỹasouaxashet, qataq qaica ca so'ot qauem da 'am hueto'ot 'am nta'a.

Génesis 41:38

Nache so faraón 'enapego' somayepi, 'eeta': «¿Ishet peta'a da sanataxa ca lỹa ỹale cam 'eeta'am de'era, maye hueta'aguet som Saqcha'a La'añaxac Ñim Lo'onatac 'Enauacna?»

1 Samuel 12:4

Qalaxaye somayepi 'enapeco': Ỹataqta saỹauanega da qomi' sa 'achera'ape, huo'otaq da qomi' sa 'auaỹamaxata'ape, huo'otaq da qomi' 'aucachiỹoto.

Daniel 5:12

qaq ñimaye nacheñi ñi Daniel, maye so nta'a ỹanagui co'ollaxa da le'enaxat da Beltsasar, ñimaye hueta'aguet so saq cha'a na'añaxac maye qaica ca 'ena'am, qataq ỹaanataxanaxaic, qataq hueto'ot da naỹaanec da ỹaỹaten ca naigui na nchoxonaxacpi, qataq ỹa'axategue cam naigui ca na'aqtac maye saqcha'a, qataq ỹaỹamaxaañi cam ỹataqta huo'o da lqalaic. 'Am nta'a, ñaq 'auỹaxaneuga ctaxa ñi Daniel, yaqto' ñimaye 'am ỹa'axatem qome cam naigui yem nerec maye nanettalec ye lque.