Daniel 6:3 - La'aqtaqa Ñim Lo'onatac 'Enauacna 2013

³ qaq somaye ỹataqta saqaỹaloq da yo'oq, da saq 'ena'ama soua lỹa't maye qoỹanema da nauaatalec so nta'alpi, souaxat da ỹataqta ỹaanaxanaxaic, qaq ỹoqo'oye so nta'a, lhuennataxac co'ollaxa da ỹanem da lo'onataxanaxac somaye da ilo'ogue ye 'alhua.

Daniel 6:3 Referans Kwoze

Daniel 5:14

Aỹem qaỹa'aqtaxaateguem da so saqcha'a la'añaxac nam qui'itta atamnaxala'pi 'am hueta'aguet, qataq ỹataqtegue da 'antoonaxac, qataq 'am ỹaanataxanaxaic, qataq 'am ỹaanaxanaxaic.

Proverbios 22:29

Ca shiỹaxaua ỹaỹamaxatchiguiñi ca lo'onataxanaxac, nache camaye ivitta'a da do'onataxanot na nta'alpi, qataq saishet da na'aco' ca qaica la'amaqchec.

Daniel 5:12

qaq ñimaye nacheñi ñi Daniel, maye so nta'a ỹanagui co'ollaxa da le'enaxat da Beltsasar, ñimaye hueta'aguet so saq cha'a na'añaxac maye qaica ca 'ena'am, qataq ỹaanataxanaxaic, qataq hueto'ot da naỹaanec da ỹaỹaten ca naigui na nchoxonaxacpi, qataq ỹa'axategue cam naigui ca na'aqtac maye saqcha'a, qataq ỹaỹamaxaañi cam ỹataqta huo'o da lqalaic. 'Am nta'a, ñaq 'auỹaxaneuga ctaxa ñi Daniel, yaqto' ñimaye 'am ỹa'axatem qome cam naigui yem nerec maye nanettalec ye lque.

Ester 10:3

Qaq so Mardoqueo maye judío, somaye da lo'onataxanaxac pa'ata'aguet so nta'a, somaye ỹataqta 'amaqtaqaic da ỹalectaigui so judiopi, qataq som lauo' le'ecpi ỹataqta lauotaxat somaye, cha'aye somaye nmitaique co'ollaxa da laỹamaxa so lauo' le'ecpi, qataq delocteguelec co'ollaxa som lauo' da yaqto' lactapiguiñi naqa'en.

Daniel 9:23

Cha'aye co'ollaq choche 'anatamen, nache Ñim Lo'onatac 'Enauacna 'am ỹasateguet. Qaq aỹem ñanac da 'am sa'axatem dam lasataxac Ñimaye, cha'aye Ñim Lo'onatac 'Enauacna ỹataqta 'am ỹauotec. Qaq nagui, ỹataqta 'ana'axaỹaxaachigui de'era, yaqto' 'auaỹateeta da naigui som 'arauanaqchec:

Proverbios 17:27

Ỹataqta huo'o na ỹaỹaten ca saqallegueme da detaqa, qataq sanqalat ca ỹaỹaten da ñe'emaxatta.

Eclesiastés 2:13

Qaq huaña, nache sela'a da ỹataqta huo'o da qaỹachegoxotaigui da naỹaanec, qaq saq 'ena'am da qaica ca qaỹaỹaanapec, 'eeta'am nam yo'oqchiguiñi da huo'o na qaỹachegoxotaigui, qaq saq 'ena'am na napalaxa.

Nehemías 7:2

Qaq so ỹaqaỹa Ananí, qalaq sanem da ilo'ogue ye Jerusalén, qaq so Jananías qalaq sanagui da lataxala' so ilotague' so nauanaxanaqa', cha'aye somaye ỹataqta huo'o naq 'enec naqa'en Ñim Lo'onatac 'Enauacna, qaq saq 'ena'am so laỹepi shiỹaxauapi.

Daniel 5:7

Qaq ime nache ỹataqta nlamaxaren da iỹaxaneuga som ilaviigui ca lỹa, ỹaanaxanaxaicpi, qataq som napaxagueetega anam huaqaañipi ye Babilonia, nache 'enapega somayepi, 'eeta': Ca ishet da itaxaỹaxan yi'iye nanettañi qataq aỹem da'aqtaxanem cam naigui yemaye, nache camaye qoỹanaxanaxanguilo qome caua anogo maye tocaleguete da lo'oxoỹaxa'c, qataq nqolaaña qanqa'en ca nqolac oro, qataq sanem da itaua da ỹo'onataxanaxac.

Esdras 4:22

Qaq ỹoqo'oye saqauaỹaloxoñi da qaupaquiichigui de'era ỹamaxasoxonaxac, yaqto' saishet da huo'o ca na'aqchet de'era ỹo'onataxanaxac da aỹem nta'a.»