Daniel 6:2 - La'aqtaqa Ñim Lo'onatac 'Enauacna 2013

² Qaq ỹauo'oi soua tres da yaqto' ilo'ogue somayepi, da yaqto' nauaatalec da lo'onataxanaxac so nta'alpi, da yaqto' saishet da talec ca qauem so nta'a. Qaq so 'oonolec soomaye, nacheso so Daniel,

Daniel 6:2 Referans Kwoze

Daniel 5:29

Qaq hauaña nache so nta'a Belsasar, saỹaỹaloxon da damaxasoxoolec da qoỹanaxanaxanguilo so Daniel soua anogo maye tocaleguete da lo'oxoỹaxa'c, qataq ỹaañi qanqa'en so nqolac oro, nache so nta'a ỹa'axatem 'enauac som hueta'a yi'iye qanayeeta'a, da nacheso se'eso na'a'q da so Daniel, qoỹanagui da ltaua so nta'a.

Daniel 5:16

Qalaxaye aỹem ỹa'axaỹaxac da 'am 'aushet da 'auaỹaten cam saishet da qaỹaỹaten, qataq da 'auaỹamaxaañi cam huo'o da lqalaic. Qaq 'am da 'aushet da 'autaxaỹaxan yi'iye na'aqtac, qataq da aỹem 'aua'axatem cam naigui, nache so'ot qome da 'am qoỹanaxanaxanguilo caua anogo maye tocaleguete da lo'oxoỹaxa'c, qataq 'anqolaaña qanqa'en ca nqolac oro, qataq 'am itaua qome de'era ỹo'onataxanaxac.

Ester 7:4

cha'aye na ihuo' le'ecpi qataq aỹem, qomi' qaime'n da yaqto' imauec da qomi' qailaxachiguilo. Taxa da qomi' qaime'n da yaqto' qomi' nlataqa, nache qaica taxa ca ỹa'aqtac, cha'aye ñim qomi' ipa'agueeta'ape, saishet taxa da na'axat da 'aro'onataxanaxac 'am nta'a.

Esdras 4:22

Qaq ỹoqo'oye saqauaỹaloxoñi da qaupaquiichigui de'era ỹamaxasoxonaxac, yaqto' saishet da huo'o ca na'aqchet de'era ỹo'onataxanaxac da aỹem nta'a.»

1 Corintios 4:2

Qaq cam huo'o ca qaipataxalec no'onataxanaxac camaye iuen da ỹataqta npe'et.

Lucas 16:2

Nache se'eso na'aco' iỹaxaneuga somaye, nache 'enapega, 'eeta': ‹¿Chaq hua'ague ca 'eetec da aỹem qana'axateua'a, souaxat 'am? Ña 'analoqna't qome da 'aro'onataxanaxac. Ime, qaq aỹem 'andoua'a. Cha'aye saishet qome da queta da 'am 'aulotague' ye ima'.›

Mateo 18:23

De'era lo'onataxanaxac Ñim Lo'onatac 'Enauacna, damaye 'eeta'am da 'eetec da huaigui co'ollaxa som ilotague' so 'alhua. Se'eso nta'a iỹaxaneuga so lamaxashecpi da huotaique da ỹaỹaten ca 'eetec cam tata'ague da lo'onataxanaxac qataq da naloqna't añi lavigaxaiste somayepi da yaqto' ñi 'oonolec somayepi desheetenaxan.

Proverbios 26:6

Da qaỹachoxoolec ca na'aqtac ca qaica ca ỹaỹaanapec, nache 'eeta'am da qaicheguerec naua nchel huo'otaq da qanque'etaxangui da loquiaxac.

Proverbios 3:16

Na aloiguishec lhuaq ỹan da logoraic achaalataxac, na ne'emaxashec lhuaq qalaq ỹan da nsallaxa qataq da ño'oxoyec.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Daniel 5:7

Qaq ime nache ỹataqta nlamaxaren da iỹaxaneuga som ilaviigui ca lỹa, ỹaanaxanaxaicpi, qataq som napaxagueetega anam huaqaañipi ye Babilonia, nache 'enapega somayepi, 'eeta': Ca ishet da itaxaỹaxan yi'iye nanettañi qataq aỹem da'aqtaxanem cam naigui yemaye, nache camaye qoỹanaxanaxanguilo qome caua anogo maye tocaleguete da lo'oxoỹaxa'c, qataq nqolaaña qanqa'en ca nqolac oro, qataq sanem da itaua da ỹo'onataxanaxac.

Daniel 6:1

So nta'a Darío, lhuennataxac co'ollaxa da ỹanem da lo'onataxanaxac da ilo'ogue na laỹe 'alhuapi, so ciento veinte shiỹaxauapi.