Daniel 6:10 - La'aqtaqa Ñim Lo'onatac 'Enauacna 2013

¹⁰ Qaq so Daniel co'ollaq la'axaỹaxac da qananerelec se'eso qalapaxañi nqataxac, nache taỹa so lma', nache ỹauatoiguilo naua nalloxoqui' so lo'ochaxaqui maye datategue dam pa'aigue ye Jerusalén, nache ỹa'alyiñi naua l-llectel da natamen, qataq ỹo'oxoren Ñim Lo'onatac 'Enauacna. Qaq damaye tres naxa da ỹo'ot ye 'oonolec na'a'q, ipacchigui dam 'eeta'ac naxa da ỹo'ottac.

Daniel 6:10 Referans Kwoze

Salmos 55:17

Nache she'eguelaqto'ot qome Ñimaye qataq ñeỹeeto'ot ye nte'eta qataq ye avit, qaq Ñimaye hua'axaỹa qome de'era ivilỹaxac.

Hechos 5:29

Nache so Pedro qataq soua lỹa't namaxa'she 'ena'apo': –Qomi' iuen da hua'auñi da salaxasoxoguet Ñim Lo'onatac 'Enauacna, ime, nache nataqa'en ca choche shiỹaxaua.

Salmos 95:6

Qauanaqui qome, sa'araxayiñi naua qarllecte da sho'oxorenaq, sa'araqoto naua qarllecte Ñim Nataxala' maye qomi' lo'onataqa.

Hebreos 13:15

Da qarachetaqtaxanaxat maye samiaxai' Ñim Lo'onatac 'Enauacna, nachera da qana'achecỹaxac maye chochaq tatec da sanaqtacot Ñimaye, chegoqchigui So Jesucristo cha'aye mashe sasataxaguet da nacheso so 'oonolec Qarataxala'.

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

Salmos 34:1

Aỹem sho'oxoreetac qome Ñim Nataxala' 'enauaque naua na'axa'te, qataq nache 'eetai' qome da sho'oxoreetac Ñimaye.

Salmos 5:7

Aỹem, qalaxaye souaxat da ỹataqta lta'araic 'arsoxoyec, nache ishet da senoxoneua'a añi 'aralamaqte atamnaxaqui, qataq ishet da 'am sa'aroto naua illecte, da sootaigui añi qui'itta atamnaxaqui maye 'aralamaqte.

Hechos 9:40

Qaq co'ollaq ime, nache so Pedro ipa'axanec 'enauac somayepi, nache ỹa'alyiñi naua l-llectel da nqouagaxaunot Ñim Qarataxala'. Qaq co'ollaq ime, nache ỹamatalec asom leuaxai, nache 'enapega, 'eeta': –Tabitá, qoñisheguem. Nache asomaye nlouec. Qaq co'ollaq ila'a so Pedro, nache ñesheguem, nache nso'ooñi.

Jonás 2:4

Nache tachigui iuel da mashe aỹem 'aualat, qataq sepeta'a da saishet da she'eguelaxa da sootaigui añi 'aralamaqte atamnaxaqui.

1 Reyes 8:54

Qaq so Salomón co'ollaq ime da natamnaxac, qataq da nachoxoreetacot Ñim Nataxala', huaña aso nca'atoxonaxalate ỹa'attrañi naua l-llecte, qataq ỹachaxaato'oto naua lhua'q na piguem,

1 Reyes 8:44

Qaq ne'ena 'aralamaxat nhuo' le'ecpi da taỹa da delogui' ca mpa'aguenaxauapi, qataq maicheye cam 'auamaxague namayepi, qalaxaye da 'am natamnot da datata'ague cam pa'aỹa'ague na huaqta'a't nỹecpi maye 'arca'aguishec, qataq ana atamnaxaqui maye ño'oxoosheguem,

Efesios 3:14

Qaq 'era da huo'omshe aỹem sa'attrañi naua illecte da ñatameetacot Ñim Lo'onatac 'Enauacna maye Nta'a,

Hechos 10:9

Nache so lỹa na'a'q co'ollaq mashe quete' soomaye, qaq mashe qanayeetaua'a ye Jope, nache so Pedro tasheguemo' ca nỹec l-laq da nqouagaxauen. Qaq mashe laiñi se'eso na'a'q.

Daniel 6:13

Qaq somayepi nache queto'ot da detaqtac, nache 'eeta': Qalaxaye ñi Daniel, ñim 'oonolec nam judiopi maye ncoñeteguishecpi, saishet da huo'o ca 'enec naqa'en 'am, qataq som qalapaxañi nqataxac maye qaỹa'axatec, cha'aye ñimaye sauanaqchigui da tres naxa da ỹo'ot da natamnaxac ye na'a'q.

Hebreos 4:16

Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.

1 Reyes 8:38

qaq no'on qome da 'aua'axaỹa ca natamnaxac, huo'otaq nachoxonnaxac, ca camachaqca shiỹaxaua, huo'otaq 'enauac nam 'aralamaxat nhuo' Israel le'ecpi, da ỹachaxaatra'ague naua lhua'q cam pa'aỹa'ague ana'ana atamnaxaqui,

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Colosenses 3:17

Qataq 'enauac nam qauo'oche huo'otaq cam qanasaqaiuec, ỹachaxan da ỹataqta 'eesa da qoquiitague' Som Qarataxala' Jesús. Qataq qaỹa'añiitacot da qana'achecỹaxaqui Ñim Lo'onatac 'Enauacna chegoqchigui dam qami' ỹo'oteque So Cristo.

Filipenses 1:20

Aỹem huo'o da ñaquitaxac qataq ỹataqta lta'araic da iyaxa, da yaqto' saishet da sevireguet ca ỹa'aloxo, nacherata da ỹachegoxotchigui aỹem da ỹachaxan da la'amaqchec So Cristo, nagui da ñaq ñeca'altauec huo'otaq qom mashe seleu.

Hechos 20:36

Qaq co'ollaq ime da ltaxaỹaxac so Pablo, nache somaye qataq 'enauaque soua lataxala'ate na 'amqaanataxanaxaicpi ỹa'alyiñi naua l-llectel, nache so Pablo nqouagaxaueetapegueleguete soomaye.

Nehemías 6:11

Qalaxaye aỹem sheeta': «Cam ỹale maye 'eeta'am aỹem, saishet da datauec, qataq saishet da nqo'ona da nqañoxotoigui aca atamnaxaqui da yaqto' nca'alec. ¡Aỹem saishet da ñeqañoxottapiguiñi!»

2 Crónicas 6:38

qaq namayepi da ỹataqta 'am imato'ot da lquiyaqteỹaxac, qataq da nachaalataxac da 'am ỹe'egueloqot qom hueta'a cam 'alhua maye qaỹauega da noxonec, nache da natamen natategue na pa'aigue na 'alhua maye 'aỹa'anem co'ollaxa so hua'au lta'alpi, qataq na pa'aigue nam huaqta'a't nỹecpi maye 'arca'aguishecpi, qataq ana atamnaxaqui maye ño'oxoosheguem da yaqto' hueta'a da 'are'enaxat,

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Filipenses 1:14

Qaq co'ollaq qaỹaỹaten da aỹem qaicoñettai', nache qalota na qarqaỹañicpi da na'añaxat da ỹa'axat da la'aqtac Ñim Lo'onatac 'Enauacna, qataq saishet da huo'o ca ñe'etaique, nacherata da ỹauo'o da naquitaxac So Qarataxala'.

Hechos 21:5

Qaq can inoxoore'c soua siete na'axa'te, nache qaltaq qolaq. Nache 'enauac so 'amqaanataxanaxaicpi lỹatac na 'alpi qataq na llalaqpi da qomi' ca'ateueeguelo da laỹe ye nỹecpi. Qaq can seviraqaama so loigue, nache qomi' sa'araxayiñi naua qarllectel, nache ñeqouagaxaunaqtac.

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

Hechos 5:20

–Qanqo'oñiỹa añi no'onaxanaxaqui late'erai. Huaña, nache qaua'aqtaxañim 'enauac na shiỹaxauapi dam na'aqtaxanaxac maye chegaqaigui da nca'alaxa.

Hechos 4:29

Qaq nagui, 'am Qarataxala', ña 'aumeten da qanarenaguec. Qaq no'on da qomi' 'anema ca qara'añaxac, qomi' maye qomi' 'aramaxa'she, yaqto' saishet da huo'o ca qarcolanaxa da 'am sa'axataqtac.

Hechos 3:1

Qaq huo'o so na'a'q, nache so Pedro qataq so Juan taresheguema aso no'onaxanaxaqui late'erai co'ollaq mashe dasheta aso nala', cha'aye nache laloxoqui da qaỹo'ot da qouagaxaunaxac.

Hechos 2:15

Ne'ena shiỹaxauapi saishet da taxaicpi. Saishet da nachera da qarhuennataqai, cha'aye ñaq cheta'ague da qaỹatasheguemgue añi nala'.

Lucas 22:41

Nache So Jesús ca'aisalo, taỹa cam qaỹata'a cam huetra'a soomaye. Ime, nache ỹa'alyiñi naua l-llectel da nqouagaxauen.

Lucas 14:26

–Saishet da ỹapaxaguenatac ca Aỹem naua'a, da huo'otaq ỹapagaqnauec da ỹauotec ca lta'a, huo'otaq aca late'e, lhua, qataq ca llalaqpi, lqaỹañecpi ỹalleppi qataq 'alpi. Nachaqcata ca ỹactec da Aỹem ỹauotec, saq 'ena'am da maiche nachaalataxac, qaq nacheca ca ỹapaxaguenatac.

Salmos 86:3

Ñaq aỹem 'auchoxoren qome, 'Am Nataxala', cha'aye 'enauaque naua na'axa'te da 'am seỹaxaatacot.

Esdras 9:5

Qaq so ivita ye laloqo' da qaỹo'ot so nachetaqtaxanaxat nache qaltaq huo'o da ỹa'añaxac, qalaxaye ñaq saatrañi soua aỹogo maye colaqta'ape qataq so ipo', nache aỹem sa'alyiñi naua illecte, qataq sachaxanoto naua ihuaxaye Ñim Nataxala' maye Ñatamnaxala',

2 Crónicas 6:13

Cha'aye somaye damaxasoxoolec co'ollaxa da qaỹo'ot so lapiaxala', maye chegaqaigui na bronce, maye ivi' dos metros y veinticinco centímetros ye lalogaxa qataq nache 'eeta'am ye lcategue somaye, qataq un metro treinta y cinco centímetros ye lshequitcheguema, qaq somaye ỹanaña co'ollaxa so laiñi so qasoxoc, qaq nache talec somaye da ỹa'alyiñi naua l-llecte, ỹauaachigui so lapoota'a't Israel le'ecpi, da ỹaayishegue'm naua lhua'q, ỹanoto na piguem, nache 'eeta':

1 Reyes 8:30

Qataq 'aua'axaỹa qome da lỹaxanaxac ne'ena 'aramaxashec, qataq na 'aralamaxat nhuo' Israel le'ecpi qom ivita da nqouagaxauen da hueta'a ne'ena. Qataq 'aua'axaỹa da qoueta'a na piguem maye 'aranataqa', ñaq 'aua'axaỹa qome qataq 'auapalaxat na lasouaxashetpi.

Daniel 9:4

Nache ñatamnot, qataq sa'aqtaxanem Ñim Nataxala' maye Ñatamnaxala', sheeta': 'Am Nataxala', maye 'Aro'onatac 'Enauacna 'Am lta'araic qataq 'Am 'añaxaic, maye nache 'eetai' naxa da 'aupacchigui nam 'auachaxanapecpi, qataq 'auachaxana da 'arauotaxanaqtaic nam 'Am ỹauotecpi, qataq ipaqueelec nam 'aramaxasoxonaxacpi:

Marcos 3:3

Nache So Jesús 'enapego' so sano'on, 'eeta': «Ña qoñisheguem, 'anachaangui na laiñi na shiỹaxauapi.»