Daniel 5:9 - La'aqtaqa Ñim Lo'onatac 'Enauacna 2013

⁹ Qaq huaña nache so nta'a Belsasar ỹataqta huo'o da lcolanaxa, nache ỹataqta napagaqtec. Qaq som ltauapi so nta'a saỹaỹaten ca 'eetec,

Daniel 5:9 Referans Kwoze

Daniel 5:6

nache ỹataqta napagaqtec, qaq souaxat da lcolanaxa nache ỹataqta iviloxol imauec na lo'oc.

Daniel 2:1

Qaq co'ollaq mashe dos vi'iye soua lo'onataxanaxaqui' da nta'a so Nabucodonosor, nache somaye huo'o so lchoxonaxacpi, qaq souaxat somayepi, nache se'eso nta'a ỹataqta huo'o da lachetataic, nache saishet da do'oche.

Jeremías 6:24

Qaq na shiỹaxauapi maye hueta'a ye Jerusalén, 'eeta': «Qomi' mashe qomi' nviralo da qara'axaỹaxac, nache dam qarcolanaxa qaica ca qara'añaxac naqa'en, huo'o da qarachetataic qataq da qanqui'ic, shenaqta'am aca 'alo da deco'otapigui'.

Apocalipsis 6:15

Qaq huaña, nache 'enauac na nta'alpi maye ilotague' nam netalec ana 'alhua, qataq nam 'amaqtaqaicpi shiỹaxauapi huo'o da npogoxoinaxac da 'enauac da nqañoxotoiguilo naua auaco, nataqa'en nqañoxototo naua coma'ye maye netaiguilo ana qaỹoqotcheguemec 'alhuapi. Nataqa'en nqañoxooñi na lta'alpi na huataxanaq, qataq na sallaxanecpi, qataq na 'añaxaicpi, qataq 'enauac nam nlatacpi qataq nam huesochiguiñipi.

Mateo 2:3

Nache so nta'a Herodes qataq 'enauac som shiỹaxauapi maye netaña ye nỹecpi ye Jerusalén, ỹataqta dalemata co'ollaq hua'aqchigui de'era na'aqtaxanaxac.

Daniel 10:8

Qaq nache Aỹem 'oonolec da ño'onañi co'ollaq huo'o se'eso lta'araic ỹauanaqchec, nache aỹem ỹataqta ñapagaqtec, qataq ñanomteguet da qaica ca ỹa'añaxac.

Jeremías 30:6

Ñaq qaunataxañi da huo'otaq huo'o ca ỹale da ishet da deco'o. Qalaq ¿ta'ainco' nagui da selota'a na ỹalleppi da lpataxaatac na lasot 'eeta'am da nqui'ic aca huotaique da deco'o? ¿Ta'ainnco' da 'enauac namayepi da napagaqtec?

Salmos 48:6

Da lcolanaxa ỹataqta ỹalauat somayepi, nache huo'o da nqui'ic, 'eeta'am ana 'alo da deco'otapigui'.

Salmos 18:14

Ñimaye ỹasaxauec na lqashelgaxa 'eeta'am naqa'en ana checna, nache na ñepa'aguenaxauapi datauec qataq nlagaxattac.