Daniel 5:8 - La'aqtaqa Ñim Lo'onatac 'Enauacna 2013

⁸ Nache 'enauac so ỹaanaxanaxaicpi maye do'onataxaatacot so nta'a pa'aigui so nỹec, qalaxaye somayepi qaica ca ishet da ỹaỹaten da itaxaỹaxan som nanettañi, qataq da ỹa'axatem so nta'a cam naigui somaye.

Daniel 5:8 Referans Kwoze

Daniel 2:27

Nache so Daniel ỹasat, 'eeta': Qaica ca ỹaanaxanaxaic, huo'otaq ca ilaviigui ca lỹa qataq ca huo'o da no'onataguec, huo'otaq cam napaxagueetega ana huaqaañipi da ishet da 'am da'aqtaxanem de'era saqcha'a, maye huotaique da 'auaỹaten 'am nta'a.

Daniel 4:7

Nache anac co'ollaxa 'enauac so 'oiquiaxaipi, qataq so ilaviigui ca lỹa, qataq so ỹaanaxanaxaicpi, qataq som napaxagueetegapi ana huaqaañipi na Babilonia, nache aỹem sa'axatem so ichoxonaxac, qalaxaye somayepi saishet da ỹañoxot da aỹem da'aqtaxanem cam naigui somaye.

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.

Daniel 5:15

Qaq cha'aye aỹem qanauegueua'a so ỹaanaxanaxaicpi ne'ena 'alhua, da yaqto' itaxaỹaxan yi'iye nerec, qataq aỹem da'aqtaxanem cam naigui, qalaxaye somayepi saishet da ỹaỹaten.

Isaías 47:9

Qalaxaye nque'elaxatta da huaigui ca 'oonolec na'a'q da 'am nvita qome ca qauem, nache 'am pa'ai qome qataq qaica ca 'aỹa'alaqpi, na'aictaxa nam qalota 'araconaxanaxacpi qataq nam saqaivi da qanaloqten 'aye'eyaqnataxanaxacpi.

Jeremías 50:35

Ñim Nataxala', 'eeta': «Qanalaate' qome ye Babilonia qataq nam lma' yemaye! ¡Nam lataxala'pi qataq nam ỹaanaxanaxaicpi maye hueta'a yemaye!

Daniel 4:18

Qaq aỹem nta'a Nabucodonosor, 'eso so ichoxonaxac co'ollaxa, qaq nagui 'am Beltsasar, ñaq aỹem 'aua'axatem cam naigui somaye, cha'aye nam ỹaanaxanaxaicpi maye ỹalectaua'a da ỹo'onataxanaxac qaica ca ishet da ỹaỹaten, qalaxaye 'am ishet qome da 'aua'axat ca naigui somaye, cha'aye 'am hueta'aguet so saqcha'a la'añaxac na atamnaxala'pi maye qui'itta.

Daniel 4:4

Aỹem Nabucodonosor she'emaqtac co'ollaq soota'a ñi ima' lta'araic, qataq sootaigui da qaica ca seueetaique.