Daniel 5:6 - La'aqtaqa Ñim Lo'onatac 'Enauacna 2013

⁶ nache ỹataqta napagaqtec, qaq souaxat da lcolanaxa nache ỹataqta iviloxol imauec na lo'oc.

Daniel 5:6 Referans Kwoze

Nahúm 2:10

Nache ye Nínive, qui'ita'ac, nlachiguiñi qataq toolec qanqa'en, qataq ñi'i da lquiyaqteỹaxac, iviloxo'l naua l-llecte, qaica ca la'añaxac, qataq napagaqtec da lasheguiỹaxac.

Daniel 7:28

Qaq 'ena na loga't de'era na'aqtaxanaxac. Qaq aỹem Daniel, ỹataqta sa saỹaten ca sheetec, qataq ỹataqta ñapagaqtec, qalaxaye qaica ca sa'aqtaxaateguem se'eso sauaachigui co'ollaxa.»

Ezequiel 7:17

Qaq 'enauac qome namayepi qaica ca la'añaxa'c naua lhuaxaye, qataq cholaxa'n naua l-llecte souaxat da lli'iỹaxa.

Daniel 4:5

Qalaxaye huo'o so pe co'ollaq ñenaatai', nache huo'o so ichoxonaxac maye aỹem ỹe'elaqchet, nache na iuennataxacpi qataq na ỹauanaqchecpi ỹataqta aỹem nlaxatchigui da icolanaxa.

Ezequiel 21:7

Qaq qom 'am qainat da ta'ainco' da 'anỹeetac, nache 'aua'axat dam na'axaỹaxac maye mashe yaqta'a da yo'oq, nache 'enauac qome na shiỹaxauapi ana 'alhua qaica ca la'añaxac, qataq ñaxanguilo naua lhuaxaye, nache qaica qome ca huo'o da 'enec qanqa'en, nache 'enauac qome na shiỹaxauapi cholaxa'n naua l-llecte souaxat da lcolanaxa. Qaq mashe ivita ye laloqo', qaq damaye yo'oq qome. Qaq 'era da ỹa'aqtac Aỹem Nataxala'.»

Salmos 69:23

Qataq ñaq 'auo'otec qome da sanauaañi namayepi, qataq nache 'eetai' da iviloxo'l 'anqa'en naua lchel.

Daniel 4:19

Qaq huaña nache so Daniel maye nataqa'en le'enaxat Beltsasar, cara'acolec da na'axaỹaxanañi, qataq icolanaqchet na lhuennataxacpi maye taigui na lqaic. Qalaxaye aỹem nta'a shenapega somaye, sheeta': «'Am Beltsasar saishet qome da ỹapacauec da 'arhuogoxo, souaxat so ichoxonaxac, qataq da 'aua'axat ca naigui somaye. Nache so Beltsasar ỹasat, nache 'eeta': ‹¡Aicoue, ñaq talec qome 'enauac na 'ampa'aguenaxauapi ca naigui som 'archoxonaxac 'am nta'a!›

Hebreos 12:12

Qaq na'aictaxa 'enauac de'era, qomi' saishet da saxanaxauec da qarpi'iỹaxac Ñim Lo'onatac 'Enauacna. Cha'aye da achaalataxac da 'eeta'am ca qomitaxac, nache naua qarhuaxayilli' qataq naua qarllectelli' da mashe qaica ca la'añaxa'c, qaq no'on qome da qana'añaxacheeta.

Daniel 3:19

Qaq so Nabucodonosor co'ollaq hua'axaỹa de'era la'aqta'c soomaye, nache ỹataqta ntoguec na lashec souaxat da lauel da ỹalleto'oto soua tres nsoxorolqa. Huaña nache damaxasoxoolec da siete da qaỹe'eguelaxalec da qaỹalonoigui aso nqatelaxanaxaqui, napacalec ye lcata naxa da qaỹalonoigui asomaye,

Daniel 2:1

Qaq co'ollaq mashe dos vi'iye soua lo'onataxanaxaqui' da nta'a so Nabucodonosor, nache somaye huo'o so lchoxonaxacpi, qaq souaxat somayepi, nache se'eso nta'a ỹataqta huo'o da lachetataic, nache saishet da do'oche.

Isaías 35:3

Ña qaua'añaqchichi nam qaica ca la'añaxac, qataq qaỹa'añem da la'añaxac nam mashe nasamñi,

Isaías 5:27

Qaq camayepi qaica qome ca nasamtapiguiñi, qataq qaica ca pogolaxaateguiñi, qataq qaica ca do'ochetapigui' qataq qaica ca sa ichiguiñi naqa'en ca nsaataxaqui, qataq qaica ca dachepta'ape caua lque'ete caua lapela'ate.

Salmos 22:14

Qataq sheeta'am ca 'etaxat da qaicorec, naua ipi'ineqa qalaq huesoguilo, qaq añi iquiyaqte qalaq 'eeta'am aca dapic lapa da quiguiñi.

Daniel 5:5

Qaq huaña co'ollaxa nache nque'elaxatta da qaila'a so lhuaq ca shiỹaxaua ỹataqta yo'oqta souaxat na le'eraxa aso ncoỹaraxanaxaquipi, nache deraxana aso llaxaata da ỹerelec so lque lapagaxaic se'eso qanayeetaigui nỹec. Qaq so nta'a co'ollaq ila'a so nhuaq maye deraxaatac,

Jeremías 50:43

Qaq ñi nta'a ye Babilonia co'ollaq ỹaỹaten de'era, nache ỹataqta qaica ca la'añaxac souaxat da lcolanaxa, qataq huo'o da laquicoxo qataq da nqui'ic, 'eeta'am aca 'alo maye deco'otac.