Daniel 5:4 - La'aqtaqa Ñim Lo'onatac 'Enauacna 2013

⁴ Qaq 'enauac somayepi da nỹomtapigui so lataxa qataq ỹo'oxoreetac nam natamnaxala'pi, maye chegaqaigui na oro, plata, bronce, lcat, qo'oipaq qataq na coma'.

Daniel 5:4 Referans Kwoze

Daniel 5:23

Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

Habacuc 2:19

¡Qaq choxoraxaso' 'am Babilonia maye qonetega naxa ca ne'enaqtac 'epaq da nlouec, qataq ca coma' maye qaicaua caua la'aqtaqa da nachaañi! ¿Peta'a isheto' da dapaxaguenataxa'n caamaye? Cha'aye na'aictaxa da qalapaxalec ca oro qataq ca plata, qalaxaye caamaye qaica cam lca'alaqa'.»

Hechos 17:29

Ỹoqo'oye nagui da ỹoqta 'en da qomi' llalaqpi Ñim Lo'onatac 'Enauacna, nache saishet da 'eeta'am ñaqa'enaq Ñimaye ca choche ne'enaqtac nqui'i maye chegaqaigui na oro, huo'otaq na plata qataq na coma' maye maiche lo'onatac ca shiỹaxaua ỹachegoxotchigui ca maiche lhuennataxac.

Isaías 42:8

Aỹem, nachaỹem Nataxala', 'era da ỹe'enaxat, saishet da qaỹa'añim da ỹo'oxoyec ca camachaqca, qataq da qavio'oxoreñi ca lỹa atamnaxala', da nmeneguet qanqa'eñi Aỹem.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Isaías 42:17

Qaq nam pe'etega cam saq 'en atamnaxala'pi, qataq nam detaxaỹa nam ne'enaqtacpi, 'eeta': ‹Nache qami', maye qami' qanatamnaxala'pi› namayepi jec qome ỹachetec da lcoxo.»

Daniel 1:8

Qalaxaye so Daniel, lhuennataxac co'ollaxa da saishet da nshepaxanaqcheela't, da chec so nallec qataq so lataxa maye qoỹaata'am naxa so nta'a, qaq ỹoqo'oye dequiguiỹo'ot som ilotague' so nma' lta'araic, da saishet da ỹamaqtalec da chec se'eso nallec da yaqto' saishet ishepaxanaqchet somaye.

Daniel 5:3

Qaq 'era da 'eetec co'ollaq qandoua'a somaye aso ỹomaxaquipi oro, maye qaỹachegoxota'a co'ollaxa aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, nache som nta'a qataq so icoyeguenpi co'ollaxa, qataq aso lhuapi, qataq asom ỹaqauga lhuapi, nache nỹomtapigui asomayepi.

Daniel 5:5

Qaq huaña co'ollaxa nache nque'elaxatta da qaila'a so lhuaq ca shiỹaxaua ỹataqta yo'oqta souaxat na le'eraxa aso ncoỹaraxanaxaquipi, nache deraxana aso llaxaata da ỹerelec so lque lapagaxaic se'eso qanayeetaigui nỹec. Qaq so nta'a co'ollaq ila'a so nhuaq maye deraxaatac,

Amós 6:7

Qaq ỹoqo'oye qaua'aviichiguiñi qome da qami' qaỹauegalo ca ỹaqa'a 'alhua, qaq huaña qome nache loga't da qauo'ocheetac na nquia'axacpi.

1 Reyes 1:49

Qaq so lquia'axauapi so Adonías co'ollaq hua'axaỹa de'era, nache ỹataqta ñi'i, nache 'enauac somayepi ñisheguem nache nlagaxatapec da jec.