Daniel 5:23 - La'aqtaqa Ñim Lo'onatac 'Enauacna 2013

²³ Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

Daniel 5:23 Referans Kwoze

Da na'aqtaguec so Job 12:10

Na lhuaq lauel Ñimaye, nache huetaigui 'enauac na huo'o da lca'alaxa, qataq naua la'a'che da nachaalataxac na shiỹaxauapi.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Jeremías 10:23

'Am Nataxala', aỹem saỹaten da ca ỹale saishet da lalamaxat da nachaalataxac, qataq saishet da maiche ỹoiqueetac ca llecỹaxac.

Isaías 37:23

¿Negue't cam 'aunotega qataq 'ausheueetac? ¿Negue't cam 'auqaqaatalec qataq 'auachaxana dam ño'oxonnaxaic 'armeenaxanaxac? ¡Qomye nacheñi ñim Qui'itta Natamnaxala' na Israel le'ecpi!

Isaías 2:12

ca na'a'q maye Ñim Nataxala' maye Qaica ca Ỹaqalanapec, anac da dataỹa'aguet 'enauac na ño'oxonnaxaicpi, na'amqaanaxaicpi qataq na napagaqaanaxaicpi, da yaqto' qaica naqa'en ca la'amaqchec namayepi,

Jeremías 50:29

¡Ñaq qauỹaxañiỹa 'enauac na checna lo'opi, da yaqto' iloquiaxan ye Babilonia! ¡Qanauañi' naua loiguiye ye huaqta'a't nỹecpi, yaqto' qaica ca ishet da datauec! ¡Qausheechiñiiguet dam ỹo'ot co'ollaxa yemaye! ¡Qauo'ochec yemaye da ipacchigui qanqa'eñi dam ỹo'ot co'ollaxa! Cha'aye yemaye ỹataqta Aỹem sairen co'ollaxa, Aỹem Nataxala' maye Qui'itta Natamnaxala' na Israel le'ecpi.

Proverbios 20:24

Ñim Nataxala' nacheñi ñi ilo'oguelo naua lqauaxaqui' ca ỹale, qaq ỹoqo'oye ca shiỹaxaua saishet da ỹaỹaten ca taỹa'ague.

Da na'aqtaguec so Job 31:4

Qataq Ñim Lo'onatac 'Enauacna ¿saishet peta'a da ila'a da ỹecỹaxac, qataq saishet peta'a da imete'n naua iqauaxaqui'?

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Isaías 37:19

qataq ỹasaxangui co'ollaxa so norec so natamnaxala'pi, cha'aye saishet da 'eesa da atamnaxala'pi, somayepi chochaq 'epaq qataq coma', maye lo'onatac cam shiỹaxaua. Qaq ỹoqo'oye ishet co'ollaxa da ilaxachigui.

Salmos 139:3

'Auaỹaten 'enauac da iqauaxac qataq da ñemataxac, 'Am 'auaỹaten 'enauac na ỹecỹaxacpi.

2 Reyes 14:10

Qaq 'eesa da 'anauec co'ollaxa so edomiitapi, ỹoqo'oye añi 'arquiyaqte ỹataqta nlaqchigui da na'amqaanaxac. Qaq nalotañi da 'ana'amaqteetac, qalaxaye nache qoneta'a qome na 'arma'. ¿Ta'ainco' taxa da 'atapegueua'a dam qauem maye 'am ỹauega da qocañe' qome ye Judá?

1 Timoteo 3:6

Ca nataxala' saishet da huo'otaq cheta'ague da da'amqaanataxan, cha'aye saiuena'a da huo'otaq taigui da na'amqaanaxac, nache ishet da que'emaxam qome, nache ishet da 'eeta'am da nhuaxanaguec co'olloxocheye so pa'aguenataxanaxaic.

1 Corintios 8:4

Qaq da 'eetec nam nallec maye hua'auñi da qoỹanot na qanatameetacotpi ne'enaqtacpi maye saq 'en, qomi' saỹaanaqta da nam qanatameetacotpi maye saq 'en qaica ca lca'alaxa, cha'aye 'oonolec Ñim Lo'onatac 'Enauacna qaica ca lỹa.

Hechos 17:25

Qataq saishet da iuen ca ltaunaxanaxac ca choche shiỹaxaua. Cha'aye Ñimaye nacheñi Ñim chegoqo'ot 'enauac da qarca'alaxa, qataq naua qara'a'che, qataq 'enauac nam ishet da iuen ca shiỹaxaua.

Habacuc 2:4

Qaq nam qauemaicpi namayepi ỹataqta na'amqaanaxaicpi, qalaxaye nam no'on da lataxac qalaq nache nca'altauec qome souaxat da lpi'iỹaxac.

Ezequiel 31:10

Qaq ỹoqo'oye, da la'aqtac Ñim Nataxala', 'eeta': Aso qo'oipaq ivira'a co'ollaxa da ỹataqta logorai, nache so lsheenec iviro'ot na lo'oc na piguem, qaq souaxat da ỹataqta logorai, nache ỹataqta nlaxagui da ño'oxonnaxac.

Ezequiel 28:17

Da 'aryac 'am nlaxatchigui co'ollaxa da 'año'oxonnaxac, da 'ayo'oxoyec ỹo'ot co'ollaxa da deqat da 'araỹaanec. Qaq ỹoqo'oye qouetaiya' ñaqa'en, nache so'ot da 'am ne'eetapigui na nta'alpi.

Ezequiel 28:5

Qaq cha'aye sa 'anqalaate' da llec da 'anmenaxac, nache 'anquigaxattasheguem da 'arsallaxa, qaq de'era 'arsallaxa nachera da ỹo'ot da 'ana'amqaanaxac.

Ezequiel 28:2

«'Am Ezequiel, qonapega ñi nta'a ye Tiro, qoneta': Da la'aqtac Ñim Nataxala', 'eeta': Añi 'arquiyaqte ỹataqta nlaqchigui da 'ana'amqaanaxac, qataq qonetega da 'am atamnaxala' cha'aye 'anso'ootangui añi nso'onaxaqui na atamnaxala'pi maye coleesop aso auaxai. Qalaxaye 'am saishet 'am atamnaxala', nacherata da choche 'am shiỹaxaua, maye qonetega 'am hueto'ot ca laỹaanataxanaxac ca atamnaxala'.

Isaías 42:5

Ñim Lo'onatac 'Enauacna maye Nataxala' ñim lo'onatac na piguem qataq ilagaxaañi, qataq lo'onata ana 'alhua qataq nam ñaxattalec anamaye, qataq ỹami' da nachaalataxac qataq da lca'alaxa nam shiỹaxauapi maye netalec ana 'alhua, 'enapega so lamaxashec, 'eeta':

Isaías 33:10

Qaq Ñim Nataxala', 'eeta': «Nagui ñachaañi, nagui sachaxan da ỹo'oxoyec qataq da ỹa'amaqchec.

Salmos 146:4

cha'aye da ileu nache qaltaq ỹe'eguelaxaigui ana 'alhua, qaq que'eca na'a'q imeuo nataqa'en nam huotaique ỹo'otpi.

Salmos 115:16

Ñim Nataxala' lalamaxat na piguem, qalaxaye ana 'alhua ỹanem na shiỹaxauapi.

Salmos 104:29

qaq da 'aỹo'oxocheesop da 'arashiguiỹaxac nache huo'o da lcolanaxa, qaq da 'anqa't naua la'a'che nache ileu, nache qaltaq ỹe'eguelaxa da lsoche na 'alhua.

Jueces 16:23

Qaq huo'o so na'a'q nache so 'amaqtaqaicpi lataxala'pi so filisteopi, ỹo'ot so laponaxac da ỹo'ot so lta'araic lquia'axac da yaqto' ỹo'ot aso lachetaqtaxanaqte da ỹanot so natamnaxala' Dagón. Nache do'onaxaatac, 'eeta': «Ñi qanatamnaxala' qomi' ỹanema da qoroxonec ñi Sansón maye qampa'aguenaxaua.»

Génesis 14:19

nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Génesis 2:7

Qaq huaña nache Ñim Nataxala', ỹo'ot so shiỹaxaua ỹachegoxotaigui na 'alhua. Ime, nache iquichichiguilo naua nmic lauaco, qataq ỹanem da lca'alaxa. Nache so shiỹaxaua huo'o da lca'alaxa.

Apocalipsis 9:20

Qaq nam no'onañi shiỹaxauapi maye saishet da ilem so norec qataq so lmala'q qataq so 'eeta'am na quiquiaxaraic namayepi ñaq 'eetalec, saishet da ỹaxaañi da ỹo'ottac na qauem, qataq saishet da ỹaxaañi da ỹo'oxoreetac nam saq cha'api qauemaicpi, qataq nam lqui'ipi nam qanatameetacotpi maye saq 'en. Nachaqrata da nache queto'ot da ỹo'oxoreetac nam nqui'ipi maye saq 'en maye chegaqaigui na coma', qataq huo'o na 'epaq qataq huo'o na chegaqaigui na lcat le'enaxat oro qataq na lcat plata qataq na bronce. Ne'ena ne'enaqtacpi sanauaañi, qataq saishet da hua'aqa, qataq saishet da queuoỹapigui'.

Isaías 13:11

Qaq Ñim Nataxala' 'eeta': «Sauo'o qome ca nhuaxanaguec na shiỹaxauapi souaxat nam qauem maye ỹo'ottac, qataq nam qauemaicpi souaxat da lalaataxanaxac. Imeuo ñaqa'en da napagaqaanaxac na ño'oxonnaxaicpi, qataq qaica ñaqa'en ca la'amaqchec na na'amqaanaxaicpi qataq nam qaica ca iren.

Isaías 14:13

'Am maye naxa da 'auennataxaatac nache qoneta': ‹Aỹem sasheguema qome na piguem, nache sanalec aca ñeso'onaxaqui ana huaqaañipi maye lalamaqte Ñim Lo'onatac 'Enauacna, nache aỹem qaỹoqta qome da ñeso'ooñi soota'ague da sheu' añim qasoxonaxa maye hueta'a naxa da dataỹa't nam atamnaxala'pi.

Jeremías 48:26

Qautaqcheche qome ye Moab, cha'aye yemaye dataỹa'aguet Ñim Nataxala'. Qaq huaña nache ye Moab ncocatapiguingui na lolaxat, nache 'enauac qome da qaỹe'eetac.

1 Samuel 17:26

Nache so David inattaco' som hueta'a yemaye, 'eeta': ¿Chaq negue't ca qoỹanem ca shiỹaxaua maye ishet da ỹalauat de'era filisteo, qataq da ỹapalaxat da nsheunaguec na Israel le'ecpi? Cha'aye, ¿negue't dam da' filisteotto maye ỹaqa'a da la'amqaanataxanaxac da anac da yaqto' isheuen na nalleppi Ñim Lo'onatac 'Enauacna maye nca'altauec?

1 Samuel 17:36

Qaq na'aictaxa da llon huo'otaq oso, qalaq ne'ena 'aramaxashec ishet da ỹalauat. Qaq nagui nache 'eeta'am ñaqa'en de'era filisteotto maye ỹaqa'a da la'amqaanataxanaxac, cha'aye ¿ta'ainco' da isheueetac na nalleppi Ñim Lo'onatac 'Enauacna maye nca'altauec?

Jeremías 50:28

Na shiỹaxauapi 'eltaxaicpi maye chegaqa'a ye Babilonia ivita ye Sión, nache ỹa'axattac da 'eetec Ñim Nataxala' Ñim Qanatamnaxala' dam Ñimaye ỹanem dam naigui da ỹo'ot na lma' ye Babilonia, souaxat dam ỹo'ot co'ollaxa da ilaxachigui aso atamnaxaqui.

Daniel 8:11

qaq nataqa'en ivira'a da npa'aguene' so lataxala' se'eso alleppi, qataq ỹa'axaneguet da nachetaqtaxanaxac maye qaỹo'ottac naxa ye na'a'q, qataq ishepaxanaqchet so lma' naxa da ño'oxonnataxanaxac.

Daniel 11:12

Qaq que'eca lauegaxanaxac camaye, qataq souaxat da qalota ca ỹalauat npa'aguenaxauapi, nache ỹo'ot qome da nlaxagui da ño'oxonnaxac, qalaxaye da la'añaxac camaye saishet qome da qaỹa'ague,