Daniel 5:22 - La'aqtaqa Ñim Lo'onatac 'Enauacna 2013

²² Qaq nagui 'am nta'a Belsasar, maye 'am llalec so Nabucodonosor, qataq 'auaỹaten dam huaigui co'ollaxa somaye, qalaq ñaqaiyeta saishet da 'auauo'o ca 'anmanaxac.

Daniel 5:22 Referans Kwoze

2 Crónicas 33:23

Qalaxaye saishet co'ollaxa da nmanot Ñim Nataxala' da 'eeta'am da ỹo'ot co'ollaxa so lta'a Manasés, nacherata da nquigaxattasheguem na lasouaxashetpi.

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Santiago 4:17

Da qami' qauaỹachiñi da qauo'oche ca ỹaỹamaqchiguiñi, qalaxaye saishet da qauo'oche, nache qami' huo'o da qarasouaxashechi.

2 Crónicas 36:12

Qalaxaye ỹataqta qauem nam ỹo'otpi maye ỹauaachigui Ñim Nataxala' maye Natamnaxala'. Qataq saishet da nmanot co'ollaxa so na'aqtaxanaxanec Jeremías, maye ỹa'axatteguema co'ollaxa naua la'aqtaqa Ñim Nataxala'.

Santiago 4:6

Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»

Juan 13:17

Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

Lucas 12:47

Qaq cam namaxashec maye ỹaỹateeta cam 'eetapeguec cam na'aco', qalaxaye saishet da naỹamaxattai', qataq sa ỹalaq, qaq camaye ỹataqta lta'araic da nhuaxanaguec.

Mateo 21:32

Cha'aye anac so Juan maye nachelaxanataxanaq da yaqto' qami' ỹapaxagueneque ca lataxac da yaqto' no'on da qarataxaqui qataq qaualaqaiguet Ñim Lo'onatac 'Enauacna, qalaq qami' saishet da qaua'amaqchiñi somaye. Qalaxaye nam ỹacootapeeguet ana nsheetenaqte ca nta'a qataq anam quisheguetaxaipi ỹa'amaqten somaye co'ollaxa. Qalaxaye qami' na'aictaxa da qauauañiichigui 'enauac de'era, qalaxaye ñaqaiyeta saishet da qanaralaxache' naua qarhuennataxacolli', nachaqrata da nache qoquiito'ot da saishet da qaua'amaqchiñi somaye.

Daniel 5:18

«Ñim Lo'onatac 'Enauacna maye nataỹaña 'enauacna, ỹanem co'ollaxa da la'amaqchec, llo'oxoyec qataq da 'enec, so nta'a Nabucodonosor, som 'arta'a.

Isaías 26:10

Qaq na'aictaxa da qaichoxoren na qauemaicpi, qalaxaye namayepi saỹaỹaten qome da ỹo'ot da nalochiguiñi lataxac, nacherata da ỹo'ottac da qauem da netalec na na'alhua nam no'on da lataxac, qataq saishet da iuennatega da la'amaqchec Ñim Nataxala'.

Salmos 119:46

Qataq sa'axatem qome naua 'aramaxasoxonaxaco na nta'alpi, qaq saishet qome da ña'aloxootac,

Isaías 13:11

Qaq Ñim Nataxala' 'eeta': «Sauo'o qome ca nhuaxanaguec na shiỹaxauapi souaxat nam qauem maye ỹo'ottac, qataq nam qauemaicpi souaxat da lalaataxanaxac. Imeuo ñaqa'en da napagaqaanaxac na ño'oxonnaxaicpi, qataq qaica ñaqa'en ca la'amaqchec na na'amqaanaxaicpi qataq nam qaica ca iren.

Isaías 14:13

'Am maye naxa da 'auennataxaatac nache qoneta': ‹Aỹem sasheguema qome na piguem, nache sanalec aca ñeso'onaxaqui ana huaqaañipi maye lalamaqte Ñim Lo'onatac 'Enauacna, nache aỹem qaỹoqta qome da ñeso'ooñi soota'ague da sheu' añim qasoxonaxa maye hueta'a naxa da dataỹa't nam atamnaxala'pi.