Daniel 5:2 - La'aqtaqa Ñim Lo'onatac 'Enauacna 2013

² Qaq souaxat so lataxa nache so Belsasar damaxasoxoneuga da qandouo aso ỹomaxaquipi oro, qataq plata, maye so lta'a Nabucodonosor ỹachegoxota'a co'ollaxa aso atamnaxaqui maye naña ye Jerusalén, da yaqto' somaye nỹomgui asomayepi, qataq so 'amaqtaqaicpi maye icoyeguen co'ollaxa, qataq aso lhuapi, qataq asom ỹaqauga lhuapi.

Daniel 5:2 Referans Kwoze

Daniel 1:2

Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,

2 Reyes 24:13

Qaq ime co'ollaxa, nache so Nabucodonosor ỹacona 'enauac so nogoxoshetpi maye huetaigui aso atamnaxaqui maye lalamaqte Ñim Nataxala', qataq so netaiguipi so nma' lta'araic maye lo'onataxanaqa' so nta'a. Qaq nache ipacchigui da la'aqtac co'ollaxa Ñim Nataxala', da somaye ilaxachigui 'enauac som nogoxoshetpi oro, maye lo'onatacpi co'ollaxa so Salomón, maye nta'a ye Israel, da yaqto' ỹanaigui aso atamnaxaqui maye lalamaqte Ñim Nataxala'.

Daniel 5:23

Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

2 Reyes 25:15

Nache se'eso 'amaqtaqaic lamaxashec so nta'a, nataqa'en ỹache so nchenaxanaxat laỹe'pi, qataq so poqo laỹe'pi maye imauec da oro qataq plata.

Daniel 5:18

«Ñim Lo'onatac 'Enauacna maye nataỹaña 'enauacna, ỹanem co'ollaxa da la'amaqchec, llo'oxoyec qataq da 'enec, so nta'a Nabucodonosor, som 'arta'a.

Daniel 5:13

Qaq huaña nache so Daniel qaỹauegueua'a so nta'a, nache so nta'a inat somaye, 'eeta': ¿Nache 'am Daniel, maye 'aualectaigui nam ncoñeteguishecpi judiopi, maye som ita'a Nabucodonosor nauec co'ollaxa ỹachegoxota'a ye Judá?

Daniel 5:11

cha'aye de'era 'aro'onataxanaxac, huo'o ñim ỹale maye hueta'aguet so saqcha'a la'añaxac nam atamnaxala'pi maye qui'itta. Cha'aye som 'arta'a co'ollaq nta'a, nache ñi'iñi ỹale ỹachaxan co'ollaxa da hueto'ot da ỹataqtegue da ntoonaxac, qataq naỹaanataxanaxac, qataq ỹaanaxanaxaic 'eeta'am na atamnaxala'pi. Qaq ỹoqo'oye so nta'a Nabucodonosor maye 'arta'a, ỹanem co'ollaxa ñi'iñi ỹale da lataxala' 'enauac na 'oiquiaxaipi, na ilaviigui ca lỹa, na ỹaanaxanaxaicpi, qataq nam napaxagueetega ana huaqaañipi maye hueta'a ne'ena 'alhua,

Daniel 5:4

Qaq 'enauac somayepi da nỹomtapigui so lataxa qataq ỹo'oxoreetac nam natamnaxala'pi, maye chegaqaigui na oro, plata, bronce, lcat, qo'oipaq qataq na coma'.

Jeremías 52:19

Qaq nataqa'en som lataxala' so nauanaxanaxanecpi, ỹache co'ollaxa 'enauac so nhuenecpi maye chegaqaigui na oro qataq na plata: so nỹoxonaxaquipi qataq so poqo laỹe'pi, qataq aso nemaxanaqte late'eraipi, qataq so laỹe'pi na alo, qataq aso lashe ana ncoỹaraxanaxaquipi, qataq so nemaxanaxatpi, qataq aso ỹomaxaquipi maye laỹe' naxa na lataxa maye nachetaqtaxanaxat.

Jeremías 27:7

Qaq 'enauac qome na ỹotta'a't shiỹaxauapi da do'onataxanot ñimaye, qataq ca llalec qataq ca laual, choche ivitta'a qome da ivita ca laloqo' da na 'amaqtaqaic ỹotta'a't shiỹaxauapi qataq na 'añaxaicpi nta'alpi da ilo'ogue na na'alhua ñimaye.

2 Crónicas 36:18

Nache 'enauac som nhuenecpi maye lalamaxat aso atamnaxaqui maye lalamaqte Ñim Nataxala', so lta'araicpi qataq so qapio'olecpi, qataq so no'on nogoxoshetpi maye huetaigui aso atamnaxaqui, qataq so no'on logoxoshetpi so nta'a qataq so ltauapi, qaq 'enauac somayepi ỹache som lta'a so caldeopi, ira'a ye Babilonia.

2 Crónicas 36:10

Qaq so nauoxo se'eso vi'i, nache so nta'a Nabucodonosor damaxasoxoolec somaye da qaỹauega ye Babilonia, nache nnaictague' qanqa'en som nogoxoshetpi maye ỹataqta huo'o da lashiichiỹaxac maye lalamaxat aso atamnaxaqui, maye lalamaqte Ñim Nataxala', nache ỹanagui da nta'a ye Judá qataq ye Jerusalén so Sedequías, som lauo' le'ec so Joaquín.

2 Crónicas 15:16

Qataq so nta'a Asa, nataqa'en nqateua'a da lo'onataxanaxac da nate'e aso lcote Macá, souaxat da asomaye damaxasoxoolec co'ollaxa da qaỹo'ot so lqui'i aso Asera. Nache so Asa, ilaxachigui co'ollaxa se'eso lqui'i aso Asera, nache ỹavigaxat huaña so la'auaxac ye Cedrón.

2 Crónicas 11:20

Ime co'ollaxa qataq huaroneguet aso Macá, asom llalec so Absalón, qaq soua llalqa soomaye le'enaxa't, Abías, Atay, Ziza qataq so Selomit.

2 Samuel 9:7

Nache so David 'enapega somaye, 'eeta': Saishet qome da 'añi'i, cha'aye aỹem 'am saỹamaxatta qome, cha'aye saishet da secoua'ai so Jonatán maye 'arta'a. Qaq so'ot qome da 'am qaỹe'eguelaxatem 'enauac nam na'alhua co'ollaxa so 'arapi' Saúl, qataq nache 'eetai' qome da 'am iquia'axaua da seque'e.

Números 7:79

qaq somaye ỹaneuo so nquia'axaqui lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaxat,

Esdras 5:14

Nataqa'en damaxasoxoolec da qaỹe'eguelaxat 'enauac se'eso nogoxoshetpi oro, qataq lcat plata, maye ỹacona co'ollaxa so nta'a Nabucodonosor, ỹachegoxotaigui aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, da iro'ogue da Babilonia nache ỹanaigui aso natamnaxaqui. Nache nqateeguesop asa'aso natamnaxaqui, som nogoxoshetpi da ỹanem so Sesbasar, maye ilotague' ye 'alhua Judá.

Jeremías 50:35

Ñim Nataxala', 'eeta': «Qanalaate' qome ye Babilonia qataq nam lma' yemaye! ¡Nam lataxala'pi qataq nam ỹaanaxanaxaicpi maye hueta'a yemaye!

Daniel 5:3

Qaq 'era da 'eetec co'ollaq qandoua'a somaye aso ỹomaxaquipi oro, maye qaỹachegoxota'a co'ollaxa aso atamnaxaqui maye lalamaqte Ñim Lo'onatac 'Enauacna, maye naña ye Jerusalén, nache som nta'a qataq so icoyeguenpi co'ollaxa, qataq aso lhuapi, qataq asom ỹaqauga lhuapi, nache nỹomtapigui asomayepi.

Daniel 5:30

Qaq nacheso se'eso pe da qaỹalauat so Belsasar maye lta'a so caldeopi,