Daniel 5:19 - La'aqtaqa Ñim Lo'onatac 'Enauacna 2013

¹⁹ Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.

Daniel 5:19 Referans Kwoze

Daniel 3:6

Qaq 'enauac qome ca saishet da ỹa'alyiñi naua l-llectel da ỹo'oxoren ñi'iñi ne'enaqtac, nache saqaỹaỹaloxon qome da qaỹasaxaigui aca nqatelaxanaxaqui maye 'ettaigui.

Daniel 3:4

Qaq som qaipataxaguet da ỹa'axat da qanayecot da qaỹo'ot se'eso naỹonaxac na'axannec da lavilỹaxac da detaqa 'eeta': Qami' nhuo' le'ecpi, qataq qami' ỹotta'a't shiỹaxauapi, qataq qami' maye ỹotta'a't naua qara'aqtaqalle', ña qana'axaỹaxañiichiguiñi:

Romanos 13:1

'Oonolec Ñim Lo'onatac 'Enauacna maye ishet da ỹami' da la'añaxac ca shiỹaxaua, qataq nacheñi Ñim ỹami' da damaxasoxon ca nta'a maye qomi' ilotegueto. Qaq ỹoqo'oye iuen da salaxasoxoguet nam nta'alpi.

Juan 19:11

Nache So Jesús 'enapeco': –'Am qaica ca qonec da huo'otaq saishet da 'am ỹanem Ñim Lo'onatac 'Enauacna ca 'ara'añaxac, da yaqto' ishet da huo'o ca 'auo'otec Aỹem. Qaq ỹoqo'oye cam Aỹem ỹaneua'a 'am, camaye ỹataqta ỹactec da lta'araic da lasouaxashet, qaq saq 'ena'am da qoneta.

Habacuc 2:5

Qataq nam na'amqaanaxaicpi nmitta'a da na'añaxac, nache qaica ca nmataxac da nmitta'a qataq nquigaxattauec damaye. Na'aictaxa de'era na'añaxac da ishet da deque'elaqtaxan. Qataq ỹataqta ỹauattagui na alap, 'eeta'am aca huachiqui, qataq sa icoma', 'eeta'am da nleuaxa, qaq ỹoqo'oye sa nden da jec, da iloquiaxan nam ỹotta'a't shiỹaxauapi, da yaqto' loxonec namayepi.

Daniel 4:22

qaq asa'aso qo'oipaq qalaq nache 'am, 'am nta'a, da 'anquictasheguem qataq 'am 'añaxaic. Qataq da 'ara'amaqchec 'am nta'a nquictauec, nache ivira'a da iviro'ot na piguem, qataq da 'aro'onataxanaxac imattalec ana 'alhua.

Daniel 3:29

Qaq nagui aỹem san da ỹa'aqtac da camachaqca shiỹaxaua da qauem ca la'aqtac, da ỹasaxalec Ñim Natamnaxala' de'eraua nsoxorolqa, nache camaye qaichecapigui qome, qataq qailaxachigui ca lma' nache lapoosheguem qanqa'en qome na coma', qaq saishet da qoỹectega cam chegoxoguet lauo' le'ecpi, huo'otaq cam na'alhua, huo'otaq da ỹaqa'alo naua la'aqtaqa, cha'aye qaica ca lỹa atamnaxala' da ishet da 'eetec de'era da deca'alaqtaxan.»

Proverbios 16:14

Da lalemataic ca nta'a ỹa'axata'a da nleuaxa, qalaxaye naua la'aqtaqa ca ỹaanaxanaxaic ishet da nmanaqchet camaye.

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

2 Reyes 25:28

Qaq ỹataqta lauotaxat somaye, nache ỹo'ot da la'amaqchec, napacalec so laỹepi nta'alpi maye ỹalecta'aguet somaye, da hueta'a ye Babilonia.

Ezequiel 31:11

Qaq ỹoqo'oye Aỹem sheca'ai, nache saneguet qome da la'añaxac cam chegaqauec nataxala', nache camaye ỹo'ot qome ca nhuaxanaguec ipacchigui naqa'en nam qauem maye ỹo'otpi co'ollaxa.

Daniel 4:17

Qaq 'era da lapaxañi la'aqtac som qui'itta namaxashecpi maye nauanaxanaxanecpi, yaqto' 'enauac na shiỹaxauapi ỹaỹaten da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue 'enauac da lo'onataxanaxac na shiỹaxauapi, Ñimaye ỹanem da no'onataxanaxac cam taalec da ỹanem, qataq ỹo'ot da lataxala' na ỹotta'a't shiỹaxauapi cam qaica ca la'amaqchec da ỹalectaigui na shiỹaxauapi.

Daniel 11:3

Qalaxaye qaltaq nachaañi qome ca lỹa nta'a maye alaataxaic, nache camaye nquictauec qome da la'añaxac da lo'onataxanaxac, nache maiche ỹoiqueetac cam ỹo'ot.

Daniel 11:16

Qaq que'eca alleppi maiche ỹoiqueetac qome cam ỹo'otec cam loxonecpi, cha'aye qaica ca ishet da dataỹa'aguet, nache camayepi naña qome ca ỹataqta 'onaxaic 'alhua, nache ilaxachigui 'enauac ca huetangui na llec.

Daniel 11:36

Qaq que'eca nta'a maye lma' da sheu', ỹo'ot qome 'enauac cam maiche 'eetapeguec. Qaq huo'o qome da ño'oxonnaxac, nache 'eetega napacalec 'enauac nam atamnaxala'pi, qataq qauema qome naua la'aqtaqa da isheueetac Ñim 'eesa da Lo'onatac 'Enauacna, nache 'enauac qome da saq na'aigue nam ỹo'otpi, choche ivitta'a da Ñim Lo'onatac 'Enauacna namaxa ca nhuaxanaguec camaye, cha'aye cam huotaique da ỹo'ot Ñim Lo'onatac 'Enauacna, qalaq ipacchigui qome da ỹo'ot.

Eclesiastés 8:3

Saishet da ỹapac da 'auỹalapigui' da qoca'ai camaye. Qataq saishet da 'aỹapegueua'a cam saỹaỹamaxañi lataxac, cha'aye camaye ishet da ỹo'ot ca maiche 'eetapeguec.

Daniel 4:19

Qaq huaña nache so Daniel maye nataqa'en le'enaxat Beltsasar, cara'acolec da na'axaỹaxanañi, qataq icolanaqchet na lhuennataxacpi maye taigui na lqaic. Qalaxaye aỹem nta'a shenapega somaye, sheeta': «'Am Beltsasar saishet qome da ỹapacauec da 'arhuogoxo, souaxat so ichoxonaxac, qataq da 'aua'axat ca naigui somaye. Nache so Beltsasar ỹasat, nache 'eeta': ‹¡Aicoue, ñaq talec qome 'enauac na 'ampa'aguenaxauapi ca naigui som 'archoxonaxac 'am nta'a!›

Daniel 11:12

Qaq que'eca lauegaxanaxac camaye, qataq souaxat da qalota ca ỹalauat npa'aguenaxauapi, nache ỹo'ot qome da nlaxagui da ño'oxonnaxac, qalaxaye da la'añaxac camaye saishet qome da qaỹa'ague,