Daniel 5:13 - La'aqtaqa Ñim Lo'onatac 'Enauacna 2013

¹³ Qaq huaña nache so Daniel qaỹauegueua'a so nta'a, nache so nta'a inat somaye, 'eeta': ¿Nache 'am Daniel, maye 'aualectaigui nam ncoñeteguishecpi judiopi, maye som ita'a Nabucodonosor nauec co'ollaxa ỹachegoxota'a ye Judá?

Daniel 5:13 Referans Kwoze

Daniel 6:13

Qaq somayepi nache queto'ot da detaqtac, nache 'eeta': Qalaxaye ñi Daniel, ñim 'oonolec nam judiopi maye ncoñeteguishecpi, saishet da huo'o ca 'enec naqa'en 'am, qataq som qalapaxañi nqataxac maye qaỹa'axatec, cha'aye ñimaye sauanaqchigui da tres naxa da ỹo'ot da natamnaxac ye na'a'q.

Daniel 5:11

cha'aye de'era 'aro'onataxanaxac, huo'o ñim ỹale maye hueta'aguet so saqcha'a la'añaxac nam atamnaxala'pi maye qui'itta. Cha'aye som 'arta'a co'ollaq nta'a, nache ñi'iñi ỹale ỹachaxan co'ollaxa da hueto'ot da ỹataqtegue da ntoonaxac, qataq naỹaanataxanaxac, qataq ỹaanaxanaxaic 'eeta'am na atamnaxala'pi. Qaq ỹoqo'oye so nta'a Nabucodonosor maye 'arta'a, ỹanem co'ollaxa ñi'iñi ỹale da lataxala' 'enauac na 'oiquiaxaipi, na ilaviigui ca lỹa, na ỹaanaxanaxaicpi, qataq nam napaxagueetega ana huaqaañipi maye hueta'a ne'ena 'alhua,

Daniel 2:25

Nache so Arioc sanaỹaloxon da ỹauegueua'a so Daniel so nta'a Nabucodonosor, nache so Arioc 'enapega so nta'a, 'eeta': Nam ncoñeteguishecpi maye chegaqa'a ye Judá, huo'o nam ỹale selalec maye ishet da 'am ỹa'axatem 'am nta'a, cam naigui so 'archoxonaxac.

Juan 7:3

Qaq ỹoqo'oye soua maiche lqaỹa't 'eetegalo Somaye, 'eetra': –Saishet da qoueta'a ne'ena. No'on da 'anqo'ona ye 'alhua Judea, yaqto' na 'am quetague'pi maye hueta'a yemaye, ishet nataqa'en da ỹauaachigui na lta'araic 'auo'otpi.

Esdras 10:16

Qaq so mashe ñe'eguelaqpi maye noxonecpi co'ollaxa, somayepi ỹacoolec da ỹo'ot se'eso qanasachigui na'aqtac. Qaq huaña nache so ntaxaỹaxanaxanec Esdras, huo'oi soua lca'aua'alo lataxala'ate so nhuo' le'ecpi, qaq nache dataigueta soomaye da nmit ñi 'oonolec se'eso nasouaxashetpi. Qaq nache huetoigui so la'auaxanec na'a'q so ca'agoxoic diez, nache dataỹa't somayepi da qaitaxaỹapigui de'era.

Esdras 6:16

Huaña nache so Israel le'ecpi, qataq so ntaxaỹaxanaxanecpi qataq so leviitapi, qataq 'enauac so noxonecpi maye ñe'eguelaq co'ollaxa chegaqa'a ye Babilonia, ime nache qaỹo'ot so lta'araic tonaxac cha'aye qoỹaneuo aso atamnaxaqui maye lalamaqte Ñim Lo'onatac 'Enauacna.

Esdras 4:1

Qaq so npa'aguenaxauapi so nhuo' le'ecpi maye chegoxoguetpi so Judá qataq so Benjamín, co'ollaq la'axaỹaxac da se'eso noxonecpi co'ollaxa, mashe ñe'eguelaxa ye Jerusalén, chegoqchiguiña ye Babilonia da qaltaq ỹe'eguelaxalec da no'oxoosheguem, aso atamnaxaqui maye lalamaqte Ñim Nataxala' maye Natamnaxala' so Israel le'ecpi,

Juan 7:1

Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.

Daniel 8:27

Qaq Aỹem Daniel, ñanomteguet co'ollaxa da qaica ca ỹa'añaxac, nache huo'oi soua na'axa'te da aỹem sa no'on. Qaq so huo'o da ỹa'añaxac nache soosheguem da qaltaq souapegue' nam no'onatacpi maye aỹem ỹamaxalec so nta'a. Qalaxaye ỹataqta saishet da samaguiñi, souaxat se'eso ỹauanaqchec co'ollaxa, cha'aye aỹem saishet da saỹateeteguet somaye.

Daniel 8:1

Qaq co'ollaq mashe ivi' soua tres vi'iye da lo'onataxanaxac da nta'a so Belsasar, nache aỹem Daniel huo'o so lỹa ỹauanaqchec, qaq nache lỹa so hua'auñi co'ollaxa ỹauanaqchec.

Daniel 5:18

«Ñim Lo'onatac 'Enauacna maye nataỹaña 'enauacna, ỹanem co'ollaxa da la'amaqchec, llo'oxoyec qataq da 'enec, so nta'a Nabucodonosor, som 'arta'a.

Daniel 5:2

Qaq souaxat so lataxa nache so Belsasar damaxasoxoneuga da qandouo aso ỹomaxaquipi oro, qataq plata, maye so lta'a Nabucodonosor ỹachegoxota'a co'ollaxa aso atamnaxaqui maye naña ye Jerusalén, da yaqto' somaye nỹomgui asomayepi, qataq so 'amaqtaqaicpi maye icoyeguen co'ollaxa, qataq aso lhuapi, qataq asom ỹaqauga lhuapi.

Daniel 2:48

Qaq ime, nache so nta'a ỹanem so Daniel, so no'onataxanaxac maye huo'o da la'amaqchec, qataq ỹauo'o so qalota qataq ỹo'oxoraq nmepi, qataq nataqa'en ỹanem da ilo'ogue 'enauac som 'alhuapi ye Babilonia, qataq 'amaqtaqaic lataxala' 'enauac som ỹaanaxanaxaicpi yi'iye 'alhua.

Daniel 1:21

Qaq so Daniel, nache hueta'a co'ollaxa yemaye, ivitta'a da inoxonec so 'oonolec vi'i da lo'onataxanaxac da nta'a so Ciro.

Esdras 10:7

Qaq co'ollaq mashe lcopata'ague de'era, nache qaiỹaxaneuga 'enauac so noxonecpi co'ollaxa maye cheta'ague da ñe'eguelaqpi maye netaña ye Judá, qataq ye Jerusalén som chegaqa'a co'ollaxa ye Babilonia, da ỹo'ot ca naponaxac maye huaña qanqoỹen ye Jerusalén.

Daniel 1:1

Qaq co'ollaq mashe ivi' soua tres vi'iye da lo'onataxanaxac so Joaquim, da nta'a ye Judá, nache so Nabucodonosor maye nta'a ye Babilonia ivita ye Jerusalén, nache somaye, qataq som nalleppi coleesop yemaye.

Daniel 1:2

Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,

Daniel 5:14

Aỹem qaỹa'aqtaxaateguem da so saqcha'a la'añaxac nam qui'itta atamnaxala'pi 'am hueta'aguet, qataq ỹataqtegue da 'antoonaxac, qataq 'am ỹaanataxanaxaic, qataq 'am ỹaanaxanaxaic.

Daniel 1:6

Qaq se'eso nsoxoppiolec, nache ỹalectraigui soua Daniel, Ananías, Misael qataq so Azarías, maye chegoxoreguet so Judá,