Daniel 5:1 - La'aqtaqa Ñim Lo'onatac 'Enauacna 2013

¹ So Belsasar maye nta'a ye Babilonia, ỹo'ot so lta'araic lquia'axac, nache icoyeguen so mil som 'amaqtaqaicpi yi'iye 'alhua, qaq co'ollaq mashe deque'etacpi, nache so nta'a qataq som icoyeguenpi co'ollaxa ỹataqta ỹaguec so nỹomigui lataxa.

Daniel 5:1 Referans Kwoze

Ester 1:3

Qaq co'ollaq mashe ivi' soua tres vi'iye da lo'onataxanaxac, nache so nta'a Asuero ỹo'ot so nquia'axac, qataq so na'ashaxac, da yaqto' ỹauo'o da llo'oxoyec 'enauac so lo'onataxanaxanecpi, qataq so ltauapi da lo'onataxanaxac da nta'a, qataq so lataxala'pi so alleppi ye Persia qataq ye Medio, qataq so nta'alpi, qataq so nataxala'pi yi'iye 'alhuapi,

Isaías 22:14

Qaq Ñim Nataxala' maye Qaica ca Ỹaqalanapec, aỹem ỹa'axaỹaqchetec de'era, 'eeta': «Aỹem saishet da sapalaxat de'era nasouaxashet, choche ivitta'a qom qaullivi.» Qaq 'era da la'aqtac Ñim Nataxala' maye Qaica ca Ỹaqalanapec.

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Nahúm 1:10

Qaq ỹoqo'oye qoñiita'am qome aca ipogotta't qo'oipaq lepi, qataq ca 'auaqpi deqaqta da nmichiguiñi qome da ỹavic.

Jeremías 51:57

Ñim Nta'a, Ñim Nataxala' maye Qaica ca Ỹaqalanapec, 'eeta': «Setaqchet qome na lataxala'pi ye Babilonia, nam ỹaanaxanaxaicpi qataq na nta'alpi, qataq na ltauapi, qataq na alleppi nache talec qome ca chochaq tatec lo'ochaxa nache saishet da qaltaq nlouec.

Jeremías 51:39

Qaq qom mashe napaqhuec, nache ñeỹomaxangui qome cam ishet da itaqchet, nache deqat qome naqa'en da ntoonaxac. Qaq huaña, nache taigui cam chochaq tatec lo'ochaxa nache saishet qome da qaltaq nlouec. Qaq 'era da ỹa'aqtac Aỹem Nataxala'.

Génesis 40:20

Qaq co'ollaq mashe ivita so na'a'q tres, maye laloxoqui som lañoxoc so faraón, nache ỹo'ot so lta'araic lquia'axac da dequi'iỹa'ai' 'enauac so ltauapi. Qaq so faraón co'ollaq ña datataigui so lquia'axauapi, nache damaxasoxoolec da qanqateeguesopa aso ncoñetaxanaxaqui so lataxala' so ỹomaxaqui lo'opi, qataq so lataxala' so nauole lo'opi.

Jeremías 50:35

Ñim Nataxala', 'eeta': «Qanalaate' qome ye Babilonia qataq nam lma' yemaye! ¡Nam lataxala'pi qataq nam ỹaanaxanaxaicpi maye hueta'a yemaye!

Daniel 5:30

Qaq nacheso se'eso pe da qaỹalauat so Belsasar maye lta'a so caldeopi,