Biblia Todo Logo
Bib sou entènèt

- Piblisite -




Daniel 4:9 - La'aqtaqa Ñim Lo'onatac 'Enauacna 2013

9 'Am Beltsasar maye 'am lataxala' nam ilaviigui ca lỹa, aỹem saỹaten da so saqcha'a la'añaxac nam atamnaxala'pi maye qui'itta, 'am hueta'aguet, nache qaica ca ỹapogoñi 'anqa'en. Qaq 'ana'axaỹaxaachiguiñi, aỹem 'am sa'aqtaxanem som selota'a co'ollaxa maye huaigui so ỹo'ochaxa, nache aỹem 'aua'aqtaxanem qome ca naigui somaye.

Gade chapit la Kopi




Daniel 4:9
18 Referans Kwoze  

cha'aye de'era 'aro'onataxanaxac, huo'o ñim ỹale maye hueta'aguet so saqcha'a la'añaxac nam atamnaxala'pi maye qui'itta. Cha'aye som 'arta'a co'ollaq nta'a, nache ñi'iñi ỹale ỹachaxan co'ollaxa da hueto'ot da ỹataqtegue da ntoonaxac, qataq naỹaanataxanaxac, qataq ỹaanaxanaxaic 'eeta'am na atamnaxala'pi. Qaq ỹoqo'oye so nta'a Nabucodonosor maye 'arta'a, ỹanem co'ollaxa ñi'iñi ỹale da lataxala' 'enauac na 'oiquiaxaipi, na ilaviigui ca lỹa, na ỹaanaxanaxaicpi, qataq nam napaxagueetega ana huaqaañipi maye hueta'a ne'ena 'alhua,


Qaq ime, nache so nta'a ỹanem so Daniel, so no'onataxanaxac maye huo'o da la'amaqchec, qataq ỹauo'o so qalota qataq ỹo'oxoraq nmepi, qataq nataqa'en ỹanem da ilo'ogue 'enauac som 'alhuapi ye Babilonia, qataq 'amaqtaqaic lataxala' 'enauac som ỹaanaxanaxaicpi yi'iye 'alhua.


Qaq pa'atec nache aỹem nachaateua'a so Daniel, maye nataqa'en le'enaxat Beltsasar souaxat dam sho'oxoren ñim ñatamnaxala', qaq da nachaalataxac somaye hueta'aguet som saqcha'a la'añaxac nam atamnaxala'pi maye qui'itta, nache sa'aqtaxanem som ichoxonaxac, sheeta':


Qalaxaye huo'o so pe co'ollaq ñenaatai', nache huo'o so ichoxonaxac maye aỹem ỹe'elaqchet, nache na iuennataxacpi qataq na ỹauanaqchecpi ỹataqta aỹem nlaxatchigui da icolanaxa.


Qaq 'enauac nam lataxacpi maye iuen ca naỹaanec, qataq naỹaanataxanaxac, maye denataxanec so nta'a, qaq somaye ila'a da ỹactec da laỹaane'c soomaye, napacalec som 'oiquiaxaipi, qataq som ilaviigui ca lỹa maye lo'onataxanaxanecpi somaye.


¿'Aupettega peta'a da 'anapacalec da laỹaanec so Daniel? ¿'Aupettega peta'a da qaica ca ỹapoguiñi 'anqa'en?


Nache so faraón 'enapego' somayepi, 'eeta': «¿Ishet peta'a da sanataxa ca lỹa ỹale cam 'eeta'am de'era, maye hueta'aguet som Saqcha'a La'añaxac Ñim Lo'onatac 'Enauacna?»


Qaq aỹem nta'a Nabucodonosor, 'eso so ichoxonaxac co'ollaxa, qaq nagui 'am Beltsasar, ñaq aỹem 'aua'axatem cam naigui somaye, cha'aye nam ỹaanaxanaxaicpi maye ỹalectaua'a da ỹo'onataxanaxac qaica ca ishet da ỹaỹaten, qalaxaye 'am ishet qome da 'aua'axat ca naigui somaye, cha'aye 'am hueta'aguet so saqcha'a la'añaxac na atamnaxala'pi maye qui'itta.


Da nalochiguiñi lataxac, nachera qome da ỹo'ot da 'ara'añaxac, qaq huaña nache imeuo qome da 'am qaipataqta'a't qataq da 'ayi'iỹaxa, qataq da lchec saishet qome da qaltaq 'am sa ỹalemaxat.


Nache qom tachigui qarvilli dam qarcolanaqai maye qoviitaigui co'ollaxa nache, qoñiỹapec: «¿Hueta'ague cam neraxanaq? ¿Hueta'ague cam naloqteetac naxa nam qoỹaneuo nsheetenaxanaxat? ¿Hueta'ague cam imeteetac naxa ana nalloxolatepi?»


¡Choxoraiqolqa qomi'! ¿Negue'tom ca ishet da qomi' nca'alaxateeguesopa da lhuaqỹaxac Ñim Lo'onatac 'Enauacna maye ỹataqta 'añaxaic? ¡Ñimaye nacheñi ñi ilaxachigui co'ollaxa so egipciopi co'ollaq hualec ye toolec 'alhua, irolec so ỹotta'a't nalolaxapi.


Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.


aca qasoxonaxa maye ỹataqta qaỹoqotcheguemec ye Israel. Qaq huaña nache huo'o ana lcouepi qataq huo'o ana ala aca'aca cedro, nache ivira'a da ỹataqta huo'o da lyac. Nache na ỹotta'a't shiguiỹacpi hueto'ot qome na la'a' acamaye, qataq na ỹotta'a't qoỹopi ỹanaigui na lpata'cpi ana lcouepi acamaye.


Swiv nou:

Piblisite


Piblisite