Daniel 4:36 - La'aqtaqa Ñim Lo'onatac 'Enauacna 2013

³⁶ Qaq nache huetoigui se'eso na'a'q da ñetouen, nache aỹem qaỹe'eguelaxatot da ỹa'amaqchec, qataq ỹo'oxoyec, qataq da llo'oxoyec da ỹo'onataxanaxac. Qaq som ỹa'aqtaxanaxanecpi qataq so 'amaqtaqaicpi itauapi anac da aỹem ñe'eguena'a, ime nache qaltaq she'eguelaxa da ỹo'onataxanaxac da selo'ogue na ỹalamaxat nhuo', qaq huaña nache sevira'a da ỹactec da ỹa'añaxac napacalec som hua'auchiguiñi co'ollaxa ỹa'añaxac.

Daniel 4:36 Referans Kwoze

Daniel 4:34

Qaq co'ollaq ipacchigui som qalapaxañi da ñeuaxanaguec, nache aỹem Nabucodonosor samato'ot na piguem, nache ñanomteguet da aỹem qanataren nache qaica so aỹoic, qaq huaña nache sanot da ña'achecỹaxac Ñim Lo'onatac 'Enauacna maye Nataỹaña 'Enauacna nache sho'oxoren Ñim nache 'eetai' da nca'altauec, sheeta': «Da 'ara'añaxac qalaq chochaq tatec qome, da 'aro'onataxanaxac qalaq qaica ca loga't.

Proverbios 22:4

Da qaica ca na'amaqchec qataq da huo'o naq 'enec qanqa'en Ñim Nataxala', nachera da chegaqaigui da nsallaxa, ño'oxoyec qataq da nca'alaxa.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Daniel 4:32

cha'aye 'am qanqateeguesop qome na shiỹaxauapi, nache 'aualectaigui na shiguiỹacpi, qataq qollectac qome ana huoue qoneta'am ca nauegaxanaxala'pi huacapi, ivittrec caua siete vi'iye, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.»

2 Corintios 4:17

Cha'aye naua qanque'eenaxaco nagui de'era qanachaalataxac, naamaye saq 'amaqtache qataq saqaỹaloq da inoxoore'c. Qaq qana'achec da nachenaua naua chegoqchiguilo naqa'en Ñim Lo'onatac 'Enauacna da ỹataqta qomi' nlaxatchiguilo da lta'araic ño'oxoyec maye qaica ca loga't.

Da na'aqtaguec so Job 13:12

Naua lleco naua qara'aqtaqalle' qalaq 'eeta'am na alo da nlaguiñi, qataq qaica ca la'añaxa'c 'eeta'am ca npaqtaxanaxat nshaxa.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Daniel 2:31

'Am nta'a, co'ollaq 'auchoxootac nache 'aulota'a so nachattañi ne'enaqtac, maye ỹataqta lta'araic qataq qashelecteguiñi, qataq chaqaic da lataxac.

Daniel 4:22

qaq asa'aso qo'oipaq qalaq nache 'am, 'am nta'a, da 'anquictasheguem qataq 'am 'añaxaic. Qataq da 'ara'amaqchec 'am nta'a nquictauec, nache ivira'a da iviro'ot na piguem, qataq da 'aro'onataxanaxac imattalec ana 'alhua.