Daniel 4:32 - La'aqtaqa Ñim Lo'onatac 'Enauacna 2013

³² cha'aye 'am qanqateeguesop qome na shiỹaxauapi, nache 'aualectaigui na shiguiỹacpi, qataq qollectac qome ana huoue qoneta'am ca nauegaxanaxala'pi huacapi, ivittrec caua siete vi'iye, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.»

Daniel 4:32 Referans Kwoze

Daniel 5:21

Qaq ime nache ca'ai qanqa'en na shiỹaxauapi, nache ỹe'eguelaxa da 'eeta'am ca shiguiỹac, nache ỹalectaigui na 'ashenapi maye no'onaxa le'ecpi, qataq chectac ana huoue, 'eeta'am na nauegaxanaxala'pi huacapi, nache na 'aỹa ỹapapiaxat na lo'oc, choche ivitta'a da ỹe'eguelaxa da ỹauatton Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi, qataq Ñimaye ỹanem da no'onataxanaxac da nta'a cam taalec da ỹanem.

Jeremías 27:5

«Aỹem sauota'a co'ollaxa da lta'araic ỹa'añaxac da so'ot ana 'alhua, qataq na shiỹaxauapi qataq na shiguiỹacpi maye huetalec anamaye, qaq anamaye ishet da sanem cam taalec da sanem.

Josué 4:24

Qaq ỹoqo'oye 'enauac na shiỹaxauapi ana 'alhua, ỹaỹateeta da Ñim Nataxala' ỹataqta 'añaxaic, qaq ỹoqo'oye qami' ỹataqta nache 'eetai' qome da huo'o naq 'enec qanqa'eñi Ñim Nataxala' maye Qanatamnaxala'ai.›»

Éxodo 9:29

Nache so Moisés, 'enapeco': «Qom choche senoxoneueegue da laỹe ne'ena nỹecpi, nache sachaxaayishigue'm naua ihua'q da ñeqouagaxaunot Ñim Nataxala', yaqto' vi'iiguet ana lache qataq na nalataxa, yaqto' 'am 'auaỹateeta da ana 'alhua lalamaqte Ñim Nataxala'.

Éxodo 8:10

Nache so faraón 'enapeco': «Qomye qonte'.» Nache so Moisés 'enapeco': «Aja', nache ipacchigui qome de'era 'ara'aqtac, yaqto' 'am 'auaỹateeta da qaica ca 'ena'am Ñim Nataxala' maye Lo'onatac 'Enauacna.

Isaías 37:20

Qaq nagui 'Am Nataxala' maye 'am Qanatamnaxala', qomi' 'anca'alaxateeguesopa qome da la'añaxac namayepi, yaqto' 'enauac na ỹotta'a't shiỹaxauapi ana 'alhua, ỹaỹaten da nachaq 'amta 'Am nataxala' qataq 'Am Atamnaxala'.»

Éxodo 9:14

cha'aye nagui aỹem sauotaique da 'am ñamaxa 'enauac na ihuaxanaxanaxatpi qataq na 'artauapi qataq na 'arhuo' le'ecpi, yaqto' 'am 'auaỹateeta da Aỹem qaica ca lỹa sheeta'am 'enauac ana 'alhua.

Isaías 45:3

Aỹem 'am sanem qome na nogoxoshetpi maye qoỹoxottañi, qataq dam nsallaxa maye qaỹachetaña cam saqcha'a naỹamaqtaxanaqa', qaq yaqto' 'auaỹaten da nachaỹem maye Aỹem Nataxala', maye Natamnaxala' na Israel le'ecpi maye so'ot da 'are'enaxat.

2 Crónicas 33:13

Qaq co'ollaq natamen, nache Ñim Lo'onatac 'Enauacna hua'axaỹa da nachoxonnaxac somaye, nache ỹe'eguelaxa naqa'en ye Jerusalén da yaqto' qaltaq ilo'ogue da no'onataxanaxac. Qaq huaña nache so Manasés, ỹaỹaten da Ñim Nataxala' nacheñi Ñim Lo'onatac 'Enauacna.

Daniel 2:21

Ñimaye naralaxa't naua na'axa'te qataq naua laloqo'ote, nqat ca nta'a qataq ỹauo'o ca nta'a, qataq ỹanem da laỹaanec nam ỹaanaxanaxaicpi, qataq ỹanem da laỹaanataxanaxac nam ỹaanataxanaxaicpi.

Daniel 4:31

Qaq co'ollaq ñaq detaqtac so nta'a, nache qaỹa'axaỹa so na'aqtac chemqot na piguem, 'eeta': «'Am nta'a Nabucodonosor, ña 'ana'axaỹaxana de'era. Da 'aro'onataxanaxac, damaye mashe saishet da 'aralamaxat,

Da na'aqtaguec so Job 9:12

qataq da huo'o ca ỹacona da ỹauo'o lalamaxat, qalaq ¿negue'tom ca ishet da ñe'eguelaxaala't? Cha'aye negue'tom ca ishet da ichemaxata ca ỹo'ot Ñimaye.

Da na'aqtaguec so Job 42:2

«Aỹem saỹateeta da 'aushet da 'auo'ot 'enauacna, qataq qaica da huo'o ca nqanaxat da huo'o ca 'auo'ot.

Salmos 115:3

Ñim Qanatamnaxala' neto'ot na piguem, Ñimaye ỹo'ot 'enauac nam huotaique co'ollaxa da ỹo'otpi.

Salmos 135:6

Ñim Nataxala', maichiñi da ỹo'ot co'ollaxa 'enauac nam huotaique da ỹo'ot, nam hueto'ot na piguem qataq nam huetalec ana 'alhua, qataq na huetangui aso auaxai, qataq na ỹataqta qaỹoqchiguiña asomaye.

Isaías 40:15

Ñimaye da ilotalec na ỹotta'a't shiỹaxauapi qalaq 'eeta'am naqa'en aca 'oonole llo'oxo na 'etaxat, qataq 'eeta'am catai' lsocholec na 'alhua da huetangui aca naloqnaxanaxaqui, qataq nam ỹotta'a't shiỹaxauapi maye netalec nam ỹaqauga 'alhuapiolec aso auaxai qalaq 'eeta'am naqa'en ca 'alhua lsoche.

Isaías 40:17

'Enauac na ỹotta'a't shiỹaxauapi qaica ca 'enec da nachatto'ot Ñimaye, namayepi ỹataqta qaica ca naigui.