Daniel 4:27 - La'aqtaqa Ñim Lo'onatac 'Enauacna 2013

²⁷ Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Daniel 4:27 Referans Kwoze

Jonás 3:9

Shapegueto' da naralaxat ca lhuennataxac Ñim Lo'onatac 'Enauacna, qataq nmooñi da layeloxo, nache saishet da qomi' ilaxachiguilo.»

Hechos 8:22

Chaqrata da 'aỹa'axaañi da 'aye'etaxaloxo, qataq 'anachoxonnot Ñim Lo'onatac 'Enauacna, shapegueto' qom ishet da 'am ichoxoren, nache ỹapalaxat da qauem lhuennataxa añi 'arquiyaqte.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Efesios 4:28

Qaq cam decachetapec co'ollaxa, qalaq no'on da ỹaxaañi nagui da lcachaxac. Chaqrato' da do'onataxan, ỹo'ottac ca maiche lalamaxat lo'onatac, yaqto' ishet da itauan cam huo'o da lhuenaxanaxa.

Gálatas 5:13

Qami' ỹaqaỹa't, Ñim Lo'onatac 'Enauacna qami' iỹaxanalo da yaqto' qami' huesochiyiñi. Qalaxaye saishet da qauo'ogoxoñiỹa damaye da yaqto' qauo'oche ca qauem. Nachaqrato' da ñi 'oonolec huapegue' ca lỹa souaxat da qarsoxoyiqui.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

1 Pedro 4:8

Qalaxaye ỹataqta ỹactec qanqa'eñi da qarauotaxanaqtaiqui ca qarỹai, cha'aye da nsoxoyec nachera da ỹapalaxat na nasouaxashetpi.

Mateo 3:8

Ỹataqta qauachaxañiita da qarataxaqui da qaỹa'axañiiue'c naua qauema maye qauo'ocheeta'ape.

Ezequiel 18:7

qataq saishet da saỹaỹamaxatapec ca lỹa, nacherata da ỹe'eguelaxatot cam lalamaxat ca lỹa maye qaipatano'ot co'ollaxa, qataq qaica ca decachiỹot, qataq ỹachet cam huo'o na lqouaxa qataq ỹanema caua alogo ca huetauec,

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

1 Reyes 21:29

«¿Peta'a 'auauaachigui ñi Ajab, da huo'o da ntogotaxac da Aỹem datato'ot? Qaq souaxat da huo'o da ntogotaxac ñimaye, nache Aỹem, saishet qome da ñamaxa ca nhuaxanaguec na llalaqpi, nagui da ña nca'altauec ñimaye, maye nacherata da talec ñaqa'en qome ca nhuaxanaguec cam llalec ñimaye.»

Hechos 26:20

Ỹoqo'oye aỹem sa'auaxaachiguiñi da sa'axatem da na'aqtac nam netaña ye Damasco. Ime, qataq jec nam netaña ye Jerusalén qataq 'enauac nam netaña ye 'alhua Judea qataq nataqa'en nam saishet da judiopi. Shenapega da iỹaxanot Ñim Lo'onatac 'Enauacna da yaqto' ichoxoren qataq ỹalaxaguet, nache ỹo'ot cam no'on maye ỹachaxan da 'eesa da naralaxat da lhuennataxac.

Salmos 119:46

Qataq sa'axatem qome naua 'aramaxasoxonaxaco na nta'alpi, qaq saishet qome da ña'aloxootac,

Gálatas 5:22

Qalaxaye So Saqcha'a La'añaxac Ñim Lo'onatac 'Enauacna, qomi' ỹo'oteque da huo'o da qarsoxoyec, qataq nache 'eetai' da ñetonaqtapigui' qataq souaqtaigui da qarlagaxayec. Qataq qomi' ỹo'oteque nataqa'en da qarhualaxavic qataq da qarauotaxanaqtaic, qataq so'otaxac ca ỹaỹamaqchiguiñi ca qarỹa, qataq huo'o da qarpi'iỹaxac Ñim Lo'onatac 'Enauacna,

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

2 Corintios 5:11

Qomi' saỹatenaq da iuen da qaỹalaxaguet qataq qaỹo'oxoren Ñim Lo'onatac 'Enauacna. Qaq ỹoqo'oye ñepogoxouenaqtapegue' da sa'aqtaxanaqteguem na laỹepi shiỹaxauapi da yaqto' ỹa'amaqten Ñimaye. Ñim Lo'onatac 'Enauacna qomi' ỹauattoote', qaq ỹoqo'oye aỹem huo'o da iyaxa nataqa'en da qomi' qauauattoñiite'.

Hechos 24:25

Qalaxaye co'ollaq so Pablo ỹa'axat da llec ca shiỹaxaua da no'on da lataxac, qataq da 'eetec da maiche ntel-la't, qataq cam pa'atec na'a'q qom qanmit 'enauacna, nache so Félix ỹataqta ñi'i. Nache 'enapeco': –'Asoma qojec, maicheyo' qom qaltaq huo'o ca iraqa', nache qaltaq 'am seỹaxaneuga.

Joel 2:14

Cha'aye saiuena'a da huo'o ca ntogotaxac nache qami' ichoxore'n, nache qami' taleguete naqa'en ca lqouagaxanaqtaic, nache huo'o naqa'en ana ala na nañiguishec da yaqto' nachetaqtaxanaqte, qataq na lataxa da yaqto' qoỹanot Ñim Nataxala' maye Qanatamnaxala'ai.

Deuteronómio 24:13

Nacherata da qaỹe'eguelaxatem que'eca lpatanec da yaqta'a da inoxooñi añi nala', yaqto' napogoña camaye da do'oche da pe. Yaqto' 'am ỹasaxalec ca 'onaxaic la'aqtac, qataq ỹaỹamaxareeta da 'arataxac da 'am ỹalletagui Ñim Nataxala' maye 'Anatamnaxala'.

Jeremías 29:7

Qataq qauo'onataxañi da yaqto' qautauañi nam huaqta'a't nỹecpi maye qami' sauegalo co'ollaxa, qataq Aỹem qauỹaxañiỹot da qauỹaxañiilec namaye, cha'aye da l-lagaxayec namaye nache chegoqchigui da qal-lagaxayequi.

Jeremías 38:20

Nache so Jeremías ỹasateguet somaye, 'eeta': 'Am nta'a, ñaq 'aualaxaguet taxa da la'aqtac Ñim Nataxala' maye 'am sa'aqtaxaateguem, yaqto' saishet da 'am loxonec namayepi qataq qaica ca machaqca, nache 'anca'alec.

Génesis 11:4

Qaq ime co'ollaxa, nache 'enapeco' somayepi: «Ña qauanaqui, ño'oxonaxasheguem ca huaqta'a't nỹecpi, qataq aca qaraue, iviro'ot ñaqa'enaq na piguem. Yaqto' qomi' ỹo'oxora'q, qataq yaqto' saishet da ñelagaxataxalec 'enauac ana 'alhua.»

Deuteronómio 8:17

Qataq saishet qome da qarhuennataqai, da 'eeta': «'Enauac de'era qarsallaxa damaye chegaqaigui da qaro'onataxanaxac, qataq da la'añaxac naua qarhuaxaye.»

Deuteronómio 32:27

qalaxaye shi'iỹa'aguet da le'enaxanaxac na ñepa'aguenaxauapi, cha'aye da saishet da ỹaỹateeteguet de'era namayepi, nache, 'eeta': Saishet da nacheñi Ñim Nataxala' ñim ỹo'ot de'era, qomi' maye so'otaq damaye sauoqta'a da maiche qara'añaxac.

Proverbios 11:2

Da 'amqaanaxac ỹo'ot da qaica ca ño'oxoyec, qaq da naỹaanec qalaq hueta'aguet na qaica ca la'amaqchec.

Isaías 10:13

Cha'aye ñimaye 'enapec: «Nam so'otpi chegoqchigui da maiche ỹa'añaxac, qataq chegoqchigui da ỹaỹaanec cha'aye aỹem ỹaanataxanaxaic, qataq seuotaxanec nam na'alhuapi nam shiỹaxauapi, qataq sacona da lsallaxa namayepi, qataq sheeta'am cam 'añaxaic da ỹoxonec so nta'alpi.

Isaías 47:8

Qaq ña 'ana'axaỹaxana nagui de'era, 'am 'alo maye 'arqopitaxat da nyacỹaxac qataq 'avi'imaqtac da 'anso'ootangui añi 'anso'onaxaqui, ye pa'auo 'arhuennataxac qalaq, 'eeta': «Aỹem nachaqaỹemta nache qaca aca lỹa sheeta'am, qaq saishet qome da sevira da aỹem pa'ai, qataq saishet da saqca ca ỹalec.»

Isaías 47:10

'Am qaica ca 'andaqtaique da 'auo'ottac da qauem, qataq qoneta' naxa: «Qaica ca aỹem ilotagui.» Dam 'araỹaanec qataq nam 'arauattonaxanaxacpi 'am ỹatenachet. Qaq dam pa'auo 'arhuennataxac, 'eeta': «Aỹem nachaqaỹemta nache qaica ca lỹa.»

Ezequiel 29:3

Qoneta': 'Era da la'aqtac Ñim Nataxala', 'eeta': Aỹem ñechoxot da 'am ñepa'aguenaxaua, 'am faraón maye 'am nta'a ye Egipto, 'am shiguiỹac lta'araic maye 'annaatangui aso tala nache qoneta', naxa: Na tala Nilo maiche ỹalamaxat, aỹem ỹo'onatac.

Ezequiel 29:9

Qataq so'ot qome da 'am toolec, qaq huaña nache na shiỹaxauapi ỹaỹaten da Aỹem nachaỹem Nataxala'. 'Am maye qonapec naxa: Ye Nilo maiche ỹalamaxat, aỹem ỹo'onatac.

Amós 6:13

Qami' maye saq 'en da qantonaxaqui, nache qoñeeta': «Qomi' chegoqchigui da maiche qana'añaxataxac da huo'o da qara'añaxac.»

Habacuc 1:11

Qaq huaña nache 'eeta'am ca la'at lta'araic nache huo'o qome da lasouaxashet, souaxat da 'eetega natamnaxala' da maiche lalamaxat la'añaxac».

Sofonías 2:15

Qaq 'iye yem huaqta'a't nỹecpi maye ỹataqta nlaqchigui da na'amqaanaxac, qataq qaica ca ñe'etaique, qataq 'enapec naxa da qaica ca 'eeta'am nam netalec ana 'alhua. ¡Yemaye ỹataqta nlachiguiñi, nache ỹe'eguelaxa da lanataqa' na shiguiỹacpi maye qauemaicpi! Qaq 'enauac qome na nlectot yemaye nache ỹe'eetac, qataq iuaxaata'a't naua lhuaxaye.