Daniel 4:26 - La'aqtaqa Ñim Lo'onatac 'Enauacna 2013

²⁶ Qaq dam namaxasoxonaxac co'ollaxa da qano'onaxatañi aso lamo qataq na lpa'a'pi aso qo'oipaq, damaye naigui da 'am qaỹe'eguelaxatot da 'aro'onataxanaxac 'am nta'a, qom 'auauatton da Ñim Lo'onatac 'Enauacna nacheñi ñim huo'o da la'añaxac.

Daniel 4:26 Referans Kwoze

Daniel 4:15

Qalaxaye ara lamo qataq na lpa'a'pi qano'onaxachiỹaigui qome na 'alhua, nache qaỹa'añiỹagui ca ncoñetaxanaxat lcat qataq ca bronce, nache qauachiỹaigui qome ana huouepi maye huetalec na no'onaxa, yaqto' na 'aỹa talec acamaye, qataq nache ỹalecta'aguet qome na shiguiỹacpi, qataq ana huoue maye huetalec na no'onaxa.

Lucas 15:21

Nache som llalec 'enapeco': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am. Qaq ỹoqo'oye saq saiguet nagui da 'auamata'ac da aỹem 'aỹa'alec.›

Lucas 15:18

Aỹem she'eguelaxa qome ye lma' ca ita'a. Ime, qaq shenapega qome, sheeta': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am.

Mateo 21:20

Qaq co'ollaq ỹauaachigui de'era soua lapaxaguenataqa, nache ỹataqta huo'o da la'aalaqa', nache inattrac So Jesús, 'eetra': –¿Chaq hua'ague ca 'eetec ara higo lcheyec ye saqaỹaloq da deqaqa?

Mateo 5:34

Qalaxaye nagui Aỹem qami' shenapegalo da huo'o ca qauachaxañiỹapec, nache saishet da qauauo'oi ca qauo'ogoxoñiỹa da chegoqchigui qanqa'eñi da la'añaxac da qaỹa'añi ca qara'aqtaqui. Saishet da chegoqchigui na piguem, cha'aye nachena na nso'ootalec Ñim Lo'onatac 'Enauacna,

Daniel 4:23

'Am nta'a nataqa'en 'aula'a co'ollaxa so qui'itta namaxashec maye nauanaxanaxanec da chegoqo'ot na piguem, nache somaye, 'eeta': Qaua'axasoxoñiiñi 'ara'ara qo'oipaq qataq qaulaxachiigui, qalaxaye qano'onaxachiỹañi qome ara lamo, qataq na lpa'a'pi, qataq qaucoñiyiỹagui ca ncoñetaxanaxat lcat qataq ca bronce, nache qauachiỹaigui ana huoue maye huetauga na no'onaxa. Qataq talec qome acamaye na 'aỹa, nache ỹalectaigui qome na shiguiỹacpi qataq ana huouepi maye huetauga na no'onaxa, choche ivittrec caua siete vi'iye.

Daniel 2:37

'Am nta'a, 'am ỹataqta 'am 'amaqtaqaic, 'anapacalec 'enauac na laỹepi nta'alpi, cha'aye Ñim Lo'onatac 'Enauacna maye neto'ot na piguem, 'am ỹanem co'ollaxa da 'aro'onataxanaxac, qonec, 'ara'añaxac qataq da 'ayo'oxoyec

Daniel 2:18

da yaqto' iỹaxaaraique ca ltaunaxanaxac Ñim Lo'onatac 'Enauacna, maye neto'ot na piguem, souaxat de'era saqcha'a, da yaqto' saishet da qaỹalaua't, da lỹaueegueto so laỹepi ỹaanaxanaxaicpi ye Babilonia.

Daniel 2:19

Qaq nacheso se'eso pe da so Daniel, qaỹachaxana som saqcha'a, huaigui so lauanaqchec, qaq huaña nache so Daniel ỹo'oxoren Ñim Lo'onatac 'Enauacna maye neto'ot na piguem

Daniel 4:31

Qaq co'ollaq ñaq detaqtac so nta'a, nache qaỹa'axaỹa so na'aqtac chemqot na piguem, 'eeta': «'Am nta'a Nabucodonosor, ña 'ana'axaỹaxana de'era. Da 'aro'onataxanaxac, damaye mashe saishet da 'aralamaxat,

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Daniel 5:20

Qalaxaye co'ollaq nlaxagui da na'amqaanaxac, qataq ỹo'ot nam qauem, qataq nlaxagui da ño'oxonnaxac, nache qaiuotaxanec da la'añaxac qataq da llo'oxoyec maye hueto'ot co'ollaxa da nta'a.

Daniel 5:21

Qaq ime nache ca'ai qanqa'en na shiỹaxauapi, nache ỹe'eguelaxa da 'eeta'am ca shiguiỹac, nache ỹalectaigui na 'ashenapi maye no'onaxa le'ecpi, qataq chectac ana huoue, 'eeta'am na nauegaxanaxala'pi huacapi, nache na 'aỹa ỹapapiaxat na lo'oc, choche ivitta'a da ỹe'eguelaxa da ỹauatton Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi, qataq Ñimaye ỹanem da no'onataxanaxac da nta'a cam taalec da ỹanem.