Daniel 4:25 - La'aqtaqa Ñim Lo'onatac 'Enauacna 2013

²⁵ Qaq 'am nta'a, 'am qanqateeguesop qome na shiỹaxauapi, nache 'aualectaigui qome na shiguiỹacpi, nache qollectac qome ana huoue qoneta'am ca nauegaxanaxala'pi huaca, nache na 'aỹa ỹapapiaxat na 'aro'oc. Qaq 'era da qome da 'eetec da 'anachaalataxac que'ecaua siete vi'iye 'am nta'a, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.

Daniel 4:25 Referans Kwoze

Daniel 4:17

Qaq 'era da lapaxañi la'aqtac som qui'itta namaxashecpi maye nauanaxanaxanecpi, yaqto' 'enauac na shiỹaxauapi ỹaỹaten da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue 'enauac da lo'onataxanaxac na shiỹaxauapi, Ñimaye ỹanem da no'onataxanaxac cam taalec da ỹanem, qataq ỹo'ot da lataxala' na ỹotta'a't shiỹaxauapi cam qaica ca la'amaqchec da ỹalectaigui na shiỹaxauapi.

Jeremías 27:5

«Aỹem sauota'a co'ollaxa da lta'araic ỹa'añaxac da so'ot ana 'alhua, qataq na shiỹaxauapi qataq na shiguiỹacpi maye huetalec anamaye, qaq anamaye ishet da sanem cam taalec da sanem.

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

Daniel 2:21

Ñimaye naralaxa't naua na'axa'te qataq naua laloqo'ote, nqat ca nta'a qataq ỹauo'o ca nta'a, qataq ỹanem da laỹaanec nam ỹaanaxanaxaicpi, qataq ỹanem da laỹaanataxanaxac nam ỹaanataxanaxaicpi.

Salmos 106:20

Qaq 'era da 'eetec da nquigaxat da lataxac Ñim ỹo'ot da llo'oxoyec somayepi, nmeneguet naqa'en so le'enaqtac huaca llalec maye aloq na 'auaqpi.

Salmos 75:7

cha'aye Ñim Lo'onatac 'Enauacna nacheñi ñi nmit 'enauacna, nache ishet da huo'o ca huetaiya' naqa'en, qataq ishet da huo'o ca nauaxaỹaxaasheguem.

Salmos 103:19

Ñim Nataxala' ỹanaña na piguem añi nso'onaxaqui, qataq da lo'onataxanaxac ilo'ogue 'enauacna.

Daniel 2:37

'Am nta'a, 'am ỹataqta 'am 'amaqtaqaic, 'anapacalec 'enauac na laỹepi nta'alpi, cha'aye Ñim Lo'onatac 'Enauacna maye neto'ot na piguem, 'am ỹanem co'ollaxa da 'aro'onataxanaxac, qonec, 'ara'añaxac qataq da 'ayo'oxoyec

Daniel 2:47

Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Daniel 4:2

Sauotaique da qauaỹachiñi dam lataxac maye saqaỹauanapega, maye aỹem ỹo'otec Ñim Lo'onatac 'Enauacna maye Nataỹaña 'Enauacna.

Daniel 4:16

Ña nquic qome da lhuennataxac, nache ỹe'eguelaxa da 'eeta'am ca shiguiỹac, qaq de'era qauem, damaye iviraxattrec qome caua siete vi'iye.