Daniel 4:24 - La'aqtaqa Ñim Lo'onatac 'Enauacna 2013

²⁴ Qaq 'era dam naigui da lapaxañi Ñim Lo'onatac 'Enauacna maye Nataỹaña 'Enauacna da 'am talec qome 'am nta'a.

Daniel 4:24 Referans Kwoze

Salmos 107:40

Qalaxaye Ñim Lo'onatac 'Enauacna ỹataqta ỹaỹemec na saq ỹaxanapec namayepi, nache ỹo'ot da isomtac da huetalec ca toolec 'alhua cha'aye qaica ca llec.

Daniel 4:17

Qaq 'era da lapaxañi la'aqtac som qui'itta namaxashecpi maye nauanaxanaxanecpi, yaqto' 'enauac na shiỹaxauapi ỹaỹaten da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue 'enauac da lo'onataxanaxac na shiỹaxauapi, Ñimaye ỹanem da no'onataxanaxac cam taalec da ỹanem, qataq ỹo'ot da lataxala' na ỹotta'a't shiỹaxauapi cam qaica ca la'amaqchec da ỹalectaigui na shiỹaxauapi.

Isaías 23:9

Qaq nacheñi Ñim Nataxala' maye Qaica ca Ỹaqalanapec ñim lapaxañi de'era da yaqto' nquigaxaañi da 'amqaanaxac, qataq huetaiya' naqa'en 'enauac na 'añaxaicpi ana 'alhua.

Salmos 148:6

Ñimaye ỹa'ayiñi 'enauac namayepi qaq nache sa deraỹai' naqa'en, qataq lapaxañi da lqataxac maye saishet da qanaralaxat.

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

Da na'aqtaguec so Job 20:29

Qaq 'era da 'eetec da taỹa'a ca qauemaic, cha'aye nachera da ỹaqataxaatai' Ñim Lo'onatac 'Enauacna, da talec naqa'en camaye.»

Daniel 4:2

Sauotaique da qauaỹachiñi dam lataxac maye saqaỹauanapega, maye aỹem ỹo'otec Ñim Lo'onatac 'Enauacna maye Nataỹaña 'Enauacna.

Daniel 4:19

Qaq huaña nache so Daniel maye nataqa'en le'enaxat Beltsasar, cara'acolec da na'axaỹaxanañi, qataq icolanaqchet na lhuennataxacpi maye taigui na lqaic. Qalaxaye aỹem nta'a shenapega somaye, sheeta': «'Am Beltsasar saishet qome da ỹapacauec da 'arhuogoxo, souaxat so ichoxonaxac, qataq da 'aua'axat ca naigui somaye. Nache so Beltsasar ỹasat, nache 'eeta': ‹¡Aicoue, ñaq talec qome 'enauac na 'ampa'aguenaxauapi ca naigui som 'archoxonaxac 'am nta'a!›

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Proverbios 20:28

Da nchoxonnataxanaxa qataq da 'eesa lataxac, nachera da nlletañi ca nta'a, cha'aye da lo'onataxanaxac da nta'a na'attalec da nsoxoyec.