Daniel 4:18 - La'aqtaqa Ñim Lo'onatac 'Enauacna 2013

¹⁸ Qaq aỹem nta'a Nabucodonosor, 'eso so ichoxonaxac co'ollaxa, qaq nagui 'am Beltsasar, ñaq aỹem 'aua'axatem cam naigui somaye, cha'aye nam ỹaanaxanaxaicpi maye ỹalectaua'a da ỹo'onataxanaxac qaica ca ishet da ỹaỹaten, qalaxaye 'am ishet qome da 'aua'axat ca naigui somaye, cha'aye 'am hueta'aguet so saqcha'a la'añaxac na atamnaxala'pi maye qui'itta.

Daniel 4:18 Referans Kwoze

Daniel 5:15

Qaq cha'aye aỹem qanauegueua'a so ỹaanaxanaxaicpi ne'ena 'alhua, da yaqto' itaxaỹaxan yi'iye nerec, qataq aỹem da'aqtaxanem cam naigui, qalaxaye somayepi saishet da ỹaỹaten.

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.

Daniel 5:8

Nache 'enauac so ỹaanaxanaxaicpi maye do'onataxaatacot so nta'a pa'aigui so nỹec, qalaxaye somayepi qaica ca ishet da ỹaỹaten da itaxaỹaxan som nanettañi, qataq da ỹa'axatem so nta'a cam naigui somaye.

Génesis 41:15

Nache so faraón da'aqtaxanem somaye, 'eeta': «Aỹem huo'o so ichoxonaxac, qalaxaye qaica ca ishet da ỹa'axategue ca naigui. Qalaxaye aỹem, 'am ỹa'axaỹaxac da qoỹeetega da choche 'aua'axaỹa da qaỹa'axat ca nchoxonaxac, nache ishet da 'aua'axategue ca naigui.»

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Daniel 2:7

Nache som ỹaanaxanaxaicpi, qaltaq ỹe'eguelaxalec da ỹasat, 'eeta': 'Am nta'a, ñaq qomi' 'aua'aqtaxanema negue't co'ollaxa cam 'auchoxootega, nache qomi' 'am sa'aqtaxanaxam cam naigui camaye.

Isaías 19:3

Aỹem, she'eguelaxata qome da sa ntouen yemayepi, qataq sa ipaigui ñaqa'en nam lapaxañipi. Qaq huaña qome nache inat yem atamnaxala'pi, qataq ye conaxanaxaicpi, qataq na lqui'ipi so leuaxaicpi, qataq nam ilaviigui ca lỹa.

Génesis 40:12

Nache so José 'enapeco': «Se'eso 'archoxonaxac, 'eeta' da naigui: soua tres lcoue aso uva lcheyec, soomaye naiguilo caua tres na'axa'te.

Daniel 1:20

Qaq 'enauac nam lataxacpi maye iuen ca naỹaanec, qataq naỹaanataxanaxac, maye denataxanec so nta'a, qaq somaye ila'a da ỹactec da laỹaane'c soomaye, napacalec som 'oiquiaxaipi, qataq som ilaviigui ca lỹa maye lo'onataxanaxanecpi somaye.

Daniel 2:38

qataq da 'aulo'ogue 'enauac na 'alhuapi maye hueta'a na shiỹaxauapi, shiguiỹacpi qataq na maỹopi, Ñimaye 'am ỹanem 'am nta'a, da 'aulo'ogue 'enauac namayepi, maye nache 'am nqaic, maye nda'a't oro.