Daniel 4:14 - La'aqtaqa Ñim Lo'onatac 'Enauacna 2013

¹⁴ nache somaye na'axannec da detaqa, 'eeta': Qaua'axasoxoñiiñi ara'ara qo'oipaq qauchiquiiuec qome ana lcouepi qataq qanqache ana lauepi, qataq qalagaxache ana alapi. Qataq datauec qanqa'aiñi na shiguiỹacpi maye hueto'ot na lpaqal, qataq na maỹopi maye netaigui ana lcouepi aramaye.

Daniel 4:14 Referans Kwoze

Mateo 3:10

Aca qachepe mashe lhuotta da iquesoxoñot ana qo'oipaqpi. Qaq 'enauac anam 'epaqpi maye saishet da no'on ana ala, nache anamayepi qaiquesoqot. Ime, qaq qaỹasaxangui ca norec.

Daniel 4:23

'Am nta'a nataqa'en 'aula'a co'ollaxa so qui'itta namaxashec maye nauanaxanaxanec da chegoqo'ot na piguem, nache somaye, 'eeta': Qaua'axasoxoñiiñi 'ara'ara qo'oipaq qataq qaulaxachiigui, qalaxaye qano'onaxachiỹañi qome ara lamo, qataq na lpa'a'pi, qataq qaucoñiyiỹagui ca ncoñetaxanaxat lcat qataq ca bronce, nache qauachiỹaigui ana huoue maye huetauga na no'onaxa. Qataq talec qome acamaye na 'aỹa, nache ỹalectaigui qome na shiguiỹacpi qataq ana huouepi maye huetauga na no'onaxa, choche ivittrec caua siete vi'iye.

Lucas 3:9

Aca nañiguishe da qauem da alaỹaxac, nache ca lalamaqte acamaye ichecot nmachitcheguem na lpa'a'pi, ime, nache ỹavigaxat. Qaq Ñim Lo'onatac 'Enauacna mashe lhuotta da yaqto' ilaxachigui nam saishet da ỹo'ot cam ỹaỹamaqchiguiñi.

Mateo 7:19

Aca qo'oipaq maye saishet da ỹan aca no'on ala, acamaye qaiquesoq ime nache qaỹavigaxat.

Daniel 4:12

Qaq ana lauepi asomaye qalaq ỹataqta 'onaxai, qataq aso ala ỹataqta qalota, nache ishet da iquia'axan 'enauacna. Na shiguiỹacpi maye huauec qalaq hueto'ot na lpaqal asomaye, qaq na qoỹopi qalaq ỹanagui na lpata'cpi ana lcouepi asomaye, qaq da lca'alaxa na shiỹaxauapi qalaq chegoqtapoigui asomaye.

Daniel 3:4

Qaq som qaipataxaguet da ỹa'axat da qanayecot da qaỹo'ot se'eso naỹonaxac na'axannec da lavilỹaxac da detaqa 'eeta': Qami' nhuo' le'ecpi, qataq qami' ỹotta'a't shiỹaxauapi, qataq qami' maye ỹotta'a't naua qara'aqtaqalle', ña qana'axaỹaxañiichiguiñi:

Apocalipsis 18:2

Somaye ỹataqta alam da lavilỹaxac, detaqtac, 'eeta': «¡Chaxan lshegue, qaq noxonec yem lta'araic nỹecpi le'enaxat Babilonia! Qaq yemaye lma' nagui na saqcha'a na'añaxacpi, qataq nqañoxotaqa' nam saqcha'a na'añaxacpi maye qauemaicpi, qataq lpata'c na ỹotta'a't maỹopi qataq lauac na shiguiỹacpi maye qarqaigaxat qataq saishet da sacheguenaq.

Apocalipsis 10:3

Nache ỹataqta na'axannec da lavilỹaxac da detaqa, 'eeta'am na lỹa quiyoc da desoqtac; qaq can ỹa'alaq, nache qaỹa'axaỹalo soua siete nvilỹaxaco 'eeta'ama da l-lamaxa na nalataxa.

Daniel 5:20

Qalaxaye co'ollaq nlaxagui da na'amqaanaxac, qataq ỹo'ot nam qauem, qataq nlaxagui da ño'oxonnaxac, nache qaiuotaxanec da la'añaxac qataq da llo'oxoyec maye hueto'ot co'ollaxa da nta'a.

Jeremías 51:9

Mashe sauoqo'o so lata' ye Babilonia, qalaxaye saishet da no'oita. ¡Ña qauaqaita'a yemaye! Qolaq qolqa'ai ne'ena, ñi 'oonolec ỹe'eguelaxa qome ca maiche lma' cha'aye da nhuaxanaguec ỹataqta iviro'ot na piguem. Da nhuaxanaguec qalaq napacalec na lo'oc na piguem.

Jeremías 51:6

¡Qoquiỹa'ai ye Babilonia! ¡Qananeltaxañi yaqto' qarca'alleeuec! ¡Saishet qome da qaullivi, souaxat na lasouaxashet yemayepi! Cha'aye mashe ivita ye laloqo' da sauo'o ca ivi', nache sesheeten qome ipacchigui ñaqa'en dam naigui nam ỹo'otpi.

Da na'aqtaguec so Job 24:20

Qataq aca lalamaqte late'e camaye qalaq icoua'ai, qaq na qoche'l qalaq chec qome camaye, qataq ỹataqta qaica ca iuennata'a qome camaye. Ca qauemaic hua'axañi qome 'eeta'am aca qo'oipaq da qaiquesoqot.

Ezequiel 31:10

Qaq ỹoqo'oye, da la'aqtac Ñim Nataxala', 'eeta': Aso qo'oipaq ivira'a co'ollaxa da ỹataqta logorai, nache so lsheenec iviro'ot na lo'oc na piguem, qaq souaxat da ỹataqta logorai, nache ỹataqta nlaxagui da ño'oxonnaxac.

Jeremías 27:5

«Aỹem sauota'a co'ollaxa da lta'araic ỹa'añaxac da so'ot ana 'alhua, qataq na shiỹaxauapi qataq na shiguiỹacpi maye huetalec anamaye, qaq anamaye ishet da sanem cam taalec da sanem.

Daniel 2:21

Ñimaye naralaxa't naua na'axa'te qataq naua laloqo'ote, nqat ca nta'a qataq ỹauo'o ca nta'a, qataq ỹanem da laỹaanec nam ỹaanaxanaxaicpi, qataq ỹanem da laỹaanataxanaxac nam ỹaanataxanaxaicpi.

Daniel 4:29

Qaq so inoxonec so 'oonolec vi'i, nache co'ollaq so nta'a coleeteguelec na l-laq so lma' lta'araic ye Babilonia,

Daniel 5:21

Qaq ime nache ca'ai qanqa'en na shiỹaxauapi, nache ỹe'eguelaxa da 'eeta'am ca shiguiỹac, nache ỹalectaigui na 'ashenapi maye no'onaxa le'ecpi, qataq chectac ana huoue, 'eeta'am na nauegaxanaxala'pi huacapi, nache na 'aỹa ỹapapiaxat na lo'oc, choche ivitta'a da ỹe'eguelaxa da ỹauatton Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi, qataq Ñimaye ỹanem da no'onataxanaxac da nta'a cam taalec da ỹanem.