Daniel 4:12 - La'aqtaqa Ñim Lo'onatac 'Enauacna 2013

¹² Qaq ana lauepi asomaye qalaq ỹataqta 'onaxai, qataq aso ala ỹataqta qalota, nache ishet da iquia'axan 'enauacna. Na shiguiỹacpi maye huauec qalaq hueto'ot na lpaqal asomaye, qaq na qoỹopi qalaq ỹanagui na lpata'cpi ana lcouepi asomaye, qaq da lca'alaxa na shiỹaxauapi qalaq chegoqtapoigui asomaye.

Daniel 4:12 Referans Kwoze

Lucas 13:19

Damaye, 'eeta'am aca ala ana le'enaxat mostaza da ca shiỹaxaua ỹacona, ime, qaq ỹaalec ca na'alhua, ime, qaq ñaxat, ivitta'a da 'eeta'am aca qo'oipaq ỹataqta late'erai. Ime, qaq anac nam maỹopi, nache ỹo'ot na lpata'cpi ỹanaguilo naua lcoue.

Ezequiel 17:23

aca qasoxonaxa maye ỹataqta qaỹoqotcheguemec ye Israel. Qaq huaña nache huo'o ana lcouepi qataq huo'o ana ala aca'aca cedro, nache ivira'a da ỹataqta huo'o da lyac. Nache na ỹotta'a't shiguiỹacpi hueto'ot qome na la'a' acamaye, qataq na ỹotta'a't qoỹopi ỹanaigui na lpata'cpi ana lcouepi acamaye.

Lamentaciones 4:20

Qaq nataqa'en som lca'aguishec Ñim Nataxala' noxonec, som ỹa'añaqchettac co'ollaxa da qanachaalataxac, som nta'a maye setaxasoqtega naxa shenaqta': «Souaqto'ot qome na lpaqal da salegaqtaigui na ỹotta'a't shiỹaxauapi».

Marcos 13:32

Qalaxaye qaica ca ỹaỹaten ca na'a'q qataq ca laloqo' da ñevi', ivira'a na namaxashec piguem le'ecpi sa ỹaỹaten. Nataqa'en Aỹem sa saỹaten, nachaqñita Ñim Lo'onatac 'Enauacna maye ỹaỹaten.

Mateo 13:32

Qaq 'eesa da acamaye ỹataqta saq 'amaqtaq, saq 'ena'am ana laỹe nañiguishe ala. Qalaxaye da ivita da ñaxat, nache ỹataqta napacalec 'enauac ana laỹe nañiguishepi, ivira'a da 'eeta'am ana qo'oipaq maye ỹataqta late'erai. Ỹoqo'oye ana qoỹopi maye huaỹotac ishet da anac, nache ỹauo'o na lpata'c ỹanaigui ana lcouepi.»

Marcos 4:32

qalaxaye da ñaxat, nache ỹataqta napacalec ana laỹepi nañiguishepi que'eca nanaxanaqa'. ¡Ana lcouepi ỹataqta qalochiguiñi, qaq ỹoqo'oye na qoỹopi ishet da anac, nache taiguilo naua lcouel da ỹo'ot na lpata'c!»

Ezequiel 31:17

Nache nataqa'en l-llañe' qome da taña ca hueta'a na leuaxaicpi da yaqto' ỹalecta'aguet som ileuaigui co'ollaxa so alaataxac. Qaq som hueto'ot co'ollaxa na lpaqal asomaye qalaq nlagaxattac qome taỹa na ỹotta'a't shiỹaxauapi.

Daniel 4:14

nache somaye na'axannec da detaqa, 'eeta': Qaua'axasoxoñiiñi ara'ara qo'oipaq qauchiquiiuec qome ana lcouepi qataq qanqache ana lauepi, qataq qalagaxache ana alapi. Qataq datauec qanqa'aiñi na shiguiỹacpi maye hueto'ot na lpaqal, qataq na maỹopi maye netaigui ana lcouepi aramaye.

Da na'aqtaguec so Job 12:24

Ñimaye deuotaxanec da laỹaanataxanaxac na lta'alpi na shiỹaxauapi, nache choche isomtac naqa'en, 'eeta'am da huetalec ca toolec 'alhua maye qaica ca nqa'aic.

Da na'aqtaguec so Job 14:7

Da qaiquesoq aca qo'oipaq, qalaq acamaye ishet da qaltaq ñaxatec, qaq acamaye saishet da sa qaca aca llaxataxa.

Da na'aqtaguec so Job 14:9

qalaxaye da ivita da noma'aguet na laquitaxa na 'etaxat, nache ñaxatec, nache huo'o ana lcouepi, 'eeta'am aca dalaxai qo'oipaq.