Daniel 4:11 - La'aqtaqa Ñim Lo'onatac 'Enauacna 2013

¹¹ Qaq asa'aso qo'oipaq ñaxatec nache ivira'a da ỹataqta late'erai, ana lmilo qalaq iviro'ot na piguem, nache asomaye ishet da qaila'a da qanayeuta'a ca ỹataqta qaỹoqta ana 'alhua.

Daniel 4:11 Referans Kwoze

Deuteronómio 9:1

So Moisés qaltaq detaqa, 'eeta': «Ñaq aỹem qana'axaỹaxañiỹa qami' Israel le'ecpi, cha'aye mashe ivita nagui da qaua'axasoxoñiilec ye tala Jordán da yaqto' qauo'oyiỹauec, qataq qauacoñiỹa ye na'alhuapi ye shiỹaxauapi maye qami' napacaleguete da la'amaqchec, qataq da la'añaxac, qataq netaigui ye huaqta'a't nỹecpi maye ỹataqta qaỹoqotcheguemec na lpaqtaxat.

Mateo 11:23

Qataq qami' maye qarmaye ye Cafarnaúm, ¿qaupi'itaxañiitega peta'a da 'onaxaic da qarviraxaqui da qami' qaỹaconegueta da piguem? Qalaxaye Aỹem qami' shenapegalo da qami' qaỹamaxañalo qome ca ỹataqta qaỹoqchiguiña nhuaxanaqa' na leuaxaicpi. Cha'aye nam sa qaỹauanapega maye qaỹo'otpi maye qami' huanguilo da huaña taxa so Sodoma, nache somayepi naralaxat taxa da lataxac, nache se'eso nỹecpi taxa nagui ñaqauo'o.

Génesis 11:4

Qaq ime co'ollaxa, nache 'enapeco' somayepi: «Ña qauanaqui, ño'oxonaxasheguem ca huaqta'a't nỹecpi, qataq aca qaraue, iviro'ot ñaqa'enaq na piguem. Yaqto' qomi' ỹo'oxora'q, qataq yaqto' saishet da ñelagaxataxalec 'enauac ana 'alhua.»

Ezequiel 31:5

Qaq souaxat da ỹataqta qalota na 'etaxat ye hueta'a, nache nquictasheguem napacalec ana laỹepi qo'oipaqpi yi'iye aviaq, qataq nquiguec ana lcouepi, nache ivira'a da ỹataqta qalochiguiñi.

Ezequiel 31:12

Cam chegaqauecpi maye ỹataqta qauemaicpi ichec qome, nache ỹalat ana lcouepi, nache huetalec qome ana qasoxonaxapi, ca'ameguepi, qataq na qa'aimpi yi'iye 'alhua, qaq 'enauac na shiỹaxauapi maye hueto'ot co'ollaxa na lpaqal asomaye, datauec qome nache ỹalat.